توفیق بٹ سول ہسپتال کے اچانک دورہ کے دوران ڈاکٹر انور امان کے ہمراہ ٹراما سنٹر پہنچ گئے

Posted on March 14, 2014 By Majid Khan گوجرانوالہ

گوجرانوالہ: ایم پی اے محمد توفیق بٹ سول ہسپتال کے اچانک دورہ کے دوران ایم ایس ڈاکٹر انور امان کے ہمراہ ٹراما سنٹر پہنچ گئے جہاں پر انہوں نے مریضوں کی دیکھ بھال، علاج معالجہ اور دیگر سہولیات کا جائزہ لیا اور مریضوں کے علاج معالجہ اور آپریشن میں استعمال ہونے والے انسٹوومنٹ کا بھی بغور جائزہ لیا کہ آیا۔

وہ باقاعدہ طریقے سے سٹریلائز مشین کے ذریعے واش بھی کئے گئے ہیں کہ نہیں، انہوں نے سول ہسپتال اور ٹراما سنٹر کے داخلی راستہ میں موٹر سائیکل سٹینڈ والوں کی طرف سے پرچی فیس کی وصولی کیلئے لگائے گئے آہنی راڈز کو ختم کرنے کی ہدایات دیں۔ ہسپتال کے دورہ کے دوران عملہ نے انہیں بریفنگ دی کہ سول ہسپتال میں روزانہ سینکڑوں مریض اپنے میڈیکل چیک اپ کیلئے آتے ہیں جنہیں چیک اپ کے بعد ممکنہ حد تک ادویات بھی گورنمنٹ کی طرف سے مفت فراہم کی جاتی ہیں۔

ایم پی اے نے بعد ہسپتال میں قائم فارمیسی کا بھی معائنہ کیا۔ انہوں نے ہسپتال میں تسلی بخش انتظامات اور ڈاکٹرز کی کارکردگی کے حوالہ میڈیکل سپرنٹنڈنٹ ڈاکٹر انور امان کی خدمات کو سراہتے ہوئے خراج تحسین بھی پیش کیا۔

by Majid Khan

Nasir Mehmood - Chief Editor at GeoURDU.com