کراچی (جیوڈیسک) رینجرز نے لیاری سلاٹر ہاؤس کے قریب کارروائی کی تو ملزمان اویس اور عمران نے فائرنگ کر دی۔ جوابی کارروائی میں دونوں ہلاک ہو گئے۔ دونوں کا تعلق شیراز کامریڈ گروپ سے تھا۔ ان کے قبضے سے اسلحہ بھی برآمد کر لیا گیا۔
ادھر کلا کوٹ کے علاقے میں پولیس اور ملزموں کے درمیان فائرنگ کا تبادلہ ہوا۔ اس دوران لیاری گینگ وار کا کارندہ زوہیب کیپر مارا گیا۔ پولیس کے مطابق ملزم جھٹ پٹ مارکیٹ دھماکوں میں بھی ملوث تھا۔ کھارادر کے علاقے سےعتیق نامی مبینہ ٹارگٹ کلر کو گرفتار کر لیا گیا۔
ابراہیم حیدری سے دو افراد کے قاتل پکڑے گئے۔ دوسری جانب لانڈھی ریڑھی گوٹھ میں کریکر دھماکا ہوا تاہم کوئی نقصان نہیں ہوا اسی علاقے سے ایک شخص کی لاش برآمد ہوئی۔ لیاری ایکسپریس وے کے قریب سے بھی لاش قبضے میں لے لی گئی۔
جنگ بندی معاہدے کے باوجود دہشتگردانہ حملہ قابل تشویش: عمران خان
لاہور: نرسوں کا چھٹے روز بھی دھرنا جاری، پنجاب اور بلوچستان میں ہڑتال
