للیانی کی خبریں 15/3/2014
Posted on March 16, 2014 By Geo Urdu سٹی نیوز
نندی پور پاور پراجیکٹ مسلم لیگی حکومت کا احسن اقدام ہے
مصطفی آباد/للیانی(نامہ نگار) نندی پور پاور پراجیکٹ مسلم لیگی حکومت کا احسن اقدام ہے جس سے ملک بھر میں لوڈ شیڈنگ کے خاتمہ میں مدد ملے گی،عوام میاں محمد نواز شریف اور میاں محمد شہباز شریف کے اس اقدام کو قدر کی نگاہ سے دیکھتی ہے ۔ حکومت لوڈ شیڈنگ کے خاتمہ کیلئے انقلابی اقدامات کر رہی ہے جس سے توانائی کے بحران پر جلد قابو پایا جا سکے گا۔ان خیالات کا اظہار امیدوار برائے جزل کونسلر عمر فاروق بھٹہ نے اپنے ایک بیان میں کیا۔انہوں نے مزید کہا کہ حکومت کے ان اقدامات کو مد نظر رکھتے ہوئے عوام کو بھی ذمہ داری کا مظاہرہ کرنا ہو گا ۔ واجبات کی ادائیگی سمیت بجلی کے فضول استعمال کو بھی روکنا ہو گا تاکہ بجلی کو بچایا جا سکے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معروف سماجہ رہنما چوہدری ہاشم خاں نے غذائی قلت کی وجہ سے تھر (سندھ)میں بچوں کی ہلاکت پر افسوس
مصطفی آباد/للیانی(نامہ نگار)معروف سماجہ رہنما چوہدری ہاشم خاں نے غذائی قلت کی وجہ سے تھر (سندھ)میں بچوں کی ہلاکت پر افسوس کا اظہار کرتے ہوئے کہا کہ تھر میں غذائی قلت کے ذمہ دار سندھ کے نااہل اور کرپٹ حکمران ہیں جن کی نااہلی کی وجہ سے سیکڑوں بچے اور مویشی صرف بھوک اور پیاس کی وجہ ہلاک ہورہے ہیں،مگر حکمران شیشے کے گھروں سے دیکھ کر سب اچھا کے دعوے کر رہے ہیں, حکمران اپنی حکمرانی کے نشے میں فیسٹیول منا رہے ہیں اور صحرا کے باسیوں سے بے خبرہیں کہ صرف3ماہ کے اندر193بچے خوراک اور دودھ نہ ملنے کی وجہ سے جاں بحق ہو گے ہیں اور درجنوں مال مویشی بھوک سے تڑپ ٹرپ کر دم توڑ رہے ہیں جن کی ہلاکت کی ذمہ داری وقت کے حکمرانوں پر آتی ہے، تھر کے علاقے میں قحط کی وجہ سے معصوم بچوں کی ہلاکت بہت بڑا انسانی المیہ ہے یہ سیاسی پوائنٹ سکورنگ کا نہیں بلکہ مصیبت زدہ لوگوں کی فوری مدد کا وقت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عوام کے معیار زندگی میں بہتری لانااور محروم طبقات کو ترقی کے دھارے میں شامل کرنا پاکستان مسلم لیگ (ن) کا
مصطفی آباد/للیانی(نامہ نگار)عوام کے معیار زندگی میں بہتری لانااور محروم طبقات کو ترقی کے دھارے میں شامل کرنا پاکستان مسلم لیگ (ن) کا 3.مشن ہے جس کے تحت گزشتہ دور میں شروع کئے گئے ترقی کے سفر کو نئے جذبے اور ولولے سے آگے بڑھایا جارہا ہے ۔آئندہ چند برسوں میں کوئی حلقہ بنیادی سہولتوں سے محروم نہیں رہے گا ۔ سڑکوں کی تعمیر ومرمت ، فراہمی و نکاسی آب کے مسائل کو ترجیحی بنیادوں پر حل کیا جارہا ہے تاکہ عوام کو صحت اور خوشگوار ماحول میسر آسکے.ان خیالات کا اظہار چیئرمین ثالثی و مصالحتی کمیٹی تھانہ مصطفی آباد چوہدری اصغر علی نے اپنے ایک بیان میںکیا، انہوں نے مزید کہا کہ صوبے کی تعمیر و ترقی کا سلسلہ وزیر اعلی پنجاب محمد شہبازشریف کی قیادت میں تیزی سے جاری رہے کوئی حلقہ بھی بنیادی سہولتوں سے محروم نہیں رہے گا ۔ صحت ، تعلیم کی سہولتوں کی فراہمی اولین ترجیحات ان کی تکمیل کے لئے کوئی کسر اٹھا نہیں رکھی جائے گی ۔ انہوں نے کہا ہے کہ لیگی حکومت عوامی تعاون سے تمام موجودہ چیلنجز کا نہ صرف بہادری سے مقابلہ کرے گی بلکہ وطن عزیز کو مستحکم ، خوشحال اور ناقابل تسخیر بنا کر عوام کا معیار زندگی بھی بلند کرے گی ملک میں قانون و انصاف اور عوام کو ان کی دہلیز پر بنیادی سہولیات کی فراہمی حکومت کی اولین ترجیحات میں شامل ہے۔
