ڈسکہ کی خبریں 15/3/2014
Posted on March 17, 2014 By Geo Urdu سٹی نیوز
ملک میں امن و امان کی صورتحال کو بہتر بنانے کا عزم لے کر چلے ہیں اور انشاء اللہ حکومت ،علماء و مشائخ اور صحافیوںاور تمام مکاتب فکر سے تعلق رکھنے والے افرادکے تعاون
ڈسکہ(نامہ نگار) ملک میں امن و امان کی صورتحال کو بہتر بنانے کا عزم لے کر چلے ہیں اور انشاء اللہ حکومت ،علماء و مشائخ اور صحافیوںاور تمام مکاتب فکر سے تعلق رکھنے والے افرادکے تعاون سے ملک کو امن کا گہوارہ بنا کر دم لیں گے ان خیالات کا اظہاراعجاز احمد گکھڑوی چیئرمین قومی امن کمیٹی برائے بین المذاہب نے ڈسکہ میں ضلعی صدرپاکستان علماء کونسل میاںراشد منیر،تحصیل صدر صوفی رضوان احمد تبسم ،حکیم چوہدری محمد افضل بہگل،مولانامحمد عرفان مرہانوی،قاری محمدیامین ندیم خطیب مکی مسجد ،قاری محمد احسان الحسینی صدر ختم نبوت یوتھ فورس ،رانا محمد ارشاد ضلعی سیکر ٹری نشرو اشاعت پاکستان علماء کونسل سے میڈیا چیمبر ماڈل ٹائون میں ایک خصوصی ملاقات کے دوران کیا انہوں نے کہا کہ ملک کسی بھی فرقہ وارانہ دہشت گردی کا متحمل نہیں ہو سکتا اس لیئے ہمیں چاہئیے کہ تمام مسالک کے علماء و مشائخ آپس کے اختلافات کو بھلا کر آپس میں پیار و محبت اور یک جہتی کے ساتھ رہیں اور ملک پاکستان کو امن کا گہوارہ بنائیں تاکہ کسی بھی بیرونی و ملکی دشمن کا مقابلہ کرسکیں اور شرپسند عناصرکوناکام بنائیں حکومت پاکستان کو بھی چاہئیے کہ وہ بھی امن کی کوششوں میں قومی امن کمیٹی برائے بین المذاہب کا ساتھ دیں اور امن و امان کو بہتر بنانے کے لئے ٹھوس اور مثبت اقدام کر یں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈپٹی ایجوکیشن ڈسکہ (مردانہ )کے صحافیوں کے ساتھ نامناسب رویہ اور نازیبا الفاظ استعما ل کر نے پر ایک ہنگامی اجلاس
ڈسکہ(نامہ نگار)ڈپٹی ایجوکیشن ڈسکہ (مردانہ )کے صحافیوں کے ساتھ نامناسب رویہ اور نازیبا الفاظ استعما ل کر نے پر ایک ہنگامی اجلاس میڈیا چیمبر ماڈل ٹائون میںصحافی ناصر محمود رانجھا کی زیر صدارت منعقد ہوا جس میں ڈپٹی ایجوکیشن آفیسر امان اللہ خان کی میڈیا کے متعلق نازیبا زبان استعمال کر نے اور نامناسب رو یہ کی شدید مذمت کی اجلاس میں ڈپٹی ایجوکیشن کے خلاف ایک قرار داد منظور کی گئی جس میں محکمہ تعلیم کے تمام پروگرامز کی کوریج نہ کر نے کا فیصلہ کیا گیااور محکمہ تعلیم کے اعلی افسران اور ڈسی سی او سیالکوٹ سے ڈپٹی امان اللہ کی بر طرفی کا مطالبہ کیا اجلاس میں رانا محمد شبیر ،پرویز عالم بٹ ،حاجی احمد خاں ،شہباز علی محسن ،حاجی محمد اقبال بٹ ،شیخ ضیاء اللہ ،احسان بریار و دیگر صحافیوںنے کثیر تعداد میں شرکت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈسکہ کا اعزاز پنجاب یوتھ فیسٹیول لیول پنجاب کراٹے مقابلوں میں ڈسکہ کے مایہ نازکھلاڑی
ڈسکہ(نامہ نگار)ڈسکہ کا اعزاز پنجاب یوتھ فیسٹیول لیول پنجاب کراٹے مقابلوں میں ڈسکہ کے مایہ نازکھلاڑی ارسلان رشیدنے گولڈ میڈل حاصل کر لیا اہلیان ڈسکہ کی مبارکباد تفصیل کے مطابق وزیر اعلی پنجاب یوتھ فیسٹیول کے پنجاب لیول کے مقابلہ جات کراٹے ایونٹ کی کیٹیگری64/69میں ڈسکہ کے مایہ ناز اور ہو نہار کھلاڑی ارسلان رشید نے پہلی پوزیشن حاصل کی اور گولڈ میڈل حاصل کر نے پر کھلاڑی ارسلان رشید ،کوچ رانا نوید اور ٹیچر عمران ہاشمی ،جلیل قریشی کو ڈسکہ کی سیاسی،سماجی ،رفاہی تنظمیوں نے انہیں مبارکباد پیش کی اور امید ظاہر کی کہ ارسلان رشید آئندہ بھی کراٹے مقابلوں میں اپنے شہر ڈسکہ اور ملک کا نام روشن کر ے گا ۔ (تصویر ہمراہ ہے )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سرکل ڈسکہ میں ڈکیتی چوری کی چار مختلف وارداتوں میں ہزاروں روپے نقدی ،طلائی زیورات
ڈسکہ(نامہ نگار)سرکل ڈسکہ میں ڈکیتی چوری کی چار مختلف وارداتوں میں ہزاروں روپے نقدی ،طلائی زیورات ،موبائل فون اور سکریپ لے اڑے تفصیل کے مطابق ٹی ایم اے کا ملازم موضع گج کا رہائشی اسد ریاض آفس سے چھٹی کر کے گائوں جا رہاتھا کہ گائوں سے چند گز پیچھے ملزم اصغر ماچھی اور 2نامعلوم مسلح افراد نے رو ک کر اس سے نقدی25ہزار رو پے چھین لی اور مزاحمت کر نے پردستی ہتھیاروں سے زدوکوب کیا اور سنگین نتائج کی دھمکیاں دیں، محلہ حاجی پورہ کا رہائشی محمد نواز بھٹی اپنی بیوی کے ہمراہ موٹر سائیکل پر سوار جا رہاتھا کہ سول ہسپتال ڈسکہ کے قریب پولیس کی وردیوں میں ملبوس مسلح دو افراد نے روک کر اسلحہ کے زور پر ان سے نقدی 15ہزارروپے نقدی اور6تولے کے طلائی زیورات چھین کر فرار ہو گئے ،موترہ کا رہائشی الطاف خاں اپنی موٹر سائیکل پر سوار کام کے سلسلہ میں جا رہا تھا کہ پل نہر موترہ کے قریب ملزمان عامر اختر ،دلاور،مدثر نے اسلحہ کے زور پرروک کر نقدی8ہزار رو پے طلائی زیورات اور موبائل فون چھین کر فرار ہو گئے ،جبکہ جامکے چیمہ کا رہائشی مجاہد علی پل نہر بھروکے پر واقع سکریپ کا کارخانہ بند کر کے گھر چلا گیا صبح آکر دیکھا تو کارخانہ کا تالہ ٹوٹا ہواتھا اور نامعلوم ملزمان 3لاکھ 50ہزار رو پے مالیتی پیتل کا سکریپ چرا کر لے گئے تھانہ سٹی ،موترہ اور ستراہ پولیس مصروف تفتیش ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دوران گشت تین ملزمان سے دو کلو سے زائد چرس اور ناجائز اسلحہ برآمدتفصیل
ڈسکہ(نامہ نگار)دوران گشت تین ملزمان سے دو کلو سے زائد چرس اور ناجائز اسلحہ برآمدتفصیل کے مطابق تھانہ موترہ پولیس نے دوران گشت موضع آڈھا میں ملزم وسیم سے 1080گرام چرس ،پل نہر موترہ میں ملزم عامر سے1450گرام چرس اورسٹی پولیس نے فوارہ چوک میں ملزم محمد جنید خاںسے ناجائز رائفل244بور برآمد کر لی تھانہ موترہ اور سٹی پولیس نے الگ الگ مقدمہ درج کر لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
3افراد نے دھوکہ دہی سے محنت کش کی اراضی کا نقشہ یونین کونسل سے اپنے نام پاس کر والیا
ڈسکہ(نامہ نگار)3افراد نے دھوکہ دہی سے محنت کش کی اراضی کا نقشہ یونین کونسل سے اپنے نام پاس کر والیا مقدمہ درج تفصیل کے مطابق قلعہ سردار ٹھاکر سنگھ کا رہائشی اظہر اشفاق اپنے والد کی ملیکتی اراضی میں دکانیں بنوا کر اور کرایہ پر دے کر بیرون ملک چلا گیا اسی عدم موجودگی میں اور والد کی وفات کے بعد ملزمان مھدم رزاق ،محمد بوٹا اور محمد ریاض نے دھوکہ دہی اور ملی بھگت سے ان دکانوں کا نقشہ یونین کونسل سے اپنے نام پاس کر والیا جبکہ یونین کونسل کے پاس نقشہ منظور کرنے کی اتھارٹی نہ تھی ستراہ پولیس نے ملزمان کے خلاف دھوکہ دہی کا مقدمہ درج کر لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اوباش ملزم کی اسلحہ کے زور پر محنت کش سے بدفعلی تفصیل کے مطابق رفیق کوٹ دھرم کوٹ کا رہائشی
ڈسکہ(نامہ نگار)اوباش ملزم کی اسلحہ کے زور پر محنت کش سے بدفعلی تفصیل کے مطابق رفیق کوٹ دھرم کوٹ کا رہائشی ارسلان یوسف محنت مزدوری کے سلسلہ میں چوک دھرم کوٹ آیا ہوا تھا وہاں پر ملزم ظہیر عباس نے کال کر نے کیلئے اس سے موبائل فون لیا اور بات کر تا ہوا واش روم چلا گیا مدعی واش روم میں اس سے موبائل فون لینے گیا تو ملزم نے اسلحہ دکھا کر اسے زبردستی اپنی جنسی ہوس کا نشانہ بناڈالا تھانہ ستراہ پولیس مقدمہ درج کر کے مصروف تفتیش ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معمولی رنجش پر چار افراد نے زدکوب کر کے ایک شخص کو لہولہان کر دیا
ڈسکہ(نامہ نگار)معمولی رنجش پر چار افراد نے زدکوب کر کے ایک شخص کو لہولہان کر دیا جبکہ ملزم کو پناہ دینے پر مقدمہ درج تفصیل کے مطابق موضع سوہاوہ کا رہائشی محمد بوٹا کام کے سلسلہ میں جا رہا تھا کہ راستہ میں کھڑے ملزمان شجاعت عرف پپوبٹ ،شفقت عرف شوکی ،محمد نواز اور ایک نامعلوم نے اسے روک کر زدکوب کرکے لہولہان کردیا جبکہ موضع سرانوالی کے رہائشی وزیر احمدکے گھر پولیس کو مطلوب ملزم کاشف موجود تھا مخبر کی اطلاع پر ستراہ پولیس نے چھاپہ مار ا تو ملزم وزیر احمد نے کاشف کو فرار کروادیا تھانہ سٹی اور ستراہ پولیس الگ الگ مقدمہ درج کر کے مصروف تفتیش ہے۔
بیٹیوں کا درد بیٹیوں والوں سے پوچھو:محمد علی رانا
عبداللہ شیخ چیرمین پاکستان یارن مر چنٹس ایسوسی ایشن نے کہا کہ بھارت اور پاکستان کے کھلاڑیوں کے مقابلوں سے نہ صر ف کھیلوں کی حوصلہ افزائی ہو گی
