چٹا کانگ (جیوڈیسک) ورلڈ ٹی ٹوئنٹی گروپ بی کے میچ میں سری لنکا نے مطلوبہ ہدف 5 ویں اوورمیں حاصل کرکے ہالینڈ کو 9 وکٹ سے شکست دے دی۔ ظہور احمد چوہدری اسٹیڈیم میں کھیلے گئے میچ میں سری لنکا نے ٹاس جیت کر ہالینڈ کو بیٹنگ کی دعوت دی تو ہالینڈ کے بلے باز سری لنکا کی نپی تلی بالنگ کے سامنے ریت کی دیوار ثابت ہوئے، ہالینڈ کی پوری ٹیم کی 11 اوور کی تیسرے گیند پر 39 رنز کے ریکارڈ کم ترین اسکور پر آٹ ہو گئی۔
ہالینڈکے پانچ کھلاڑی بغیر کوئی رن بنائے پویلین لوٹ گئے جبکہ کوپر سب سے زیادہ 16 رنز بنا کر نمایاں رہے۔ سری لنکا کی طرف سے میتھیوس اور اجنتا مینڈس نے 3،3 ، ملنگا نے 2 جبکہ کولاسیکارا نے ایک وکٹ لی۔ 39 رنز کے تعاقب میں سری لنکا نے 5 ویں اوور میں ایک وکٹ کے نقصان پر ہدف پورا کر لیا۔
ورلڈٹی 20: جنوبی افریقہ نے نیوزی لینڈ کو 2 رنز سے شکست دیدی
موٹو جی پی ریس کے پہلے روز مارک مارکویز نے میدان مار لیا
