ڈنگہ کی خبریں 24/3/2014
Posted on March 25, 2014 By Geo Urdu سٹی نیوز
ڈنگہ کے ممتاز تاجر مزمل کلاتھ المرتضیٰ مارکیٹ مین بازار ڈنگہ ، امانت علی رنگساز کے بھائی اصغر علی رنگساز دِل کا دورہ پڑنے سے انتقال کر گئے
ڈنگہ (محمد بلال احمد بٹ ) ڈنگہ کے ممتاز تاجر مزمل کلاتھ المرتضیٰ مارکیٹ مین بازار ڈنگہ ، امانت علی رنگساز کے بھائی اصغر علی رنگساز دِل کا دورہ پڑنے سے انتقال کر گئے ، تفصیلات کے مطابق گذشتہ صبح اصغر علی اپنی دُکان پر کام کر رہا تھا کہ اچانک طبیعت خراب ہو گئی ، مارکیٹ کے دوستوں سے کہا کہ میں گھر جا رہا ہوں میری طبیعت ٹھیک نہیں ، ابھی اپنی مارکیٹ سے چند قدم گھر کی طرف روانہ ہوا تھا کہ اچانک ہارٹ اٹیک آنے سے گر پڑا ، ابتدائی طبی امداد کے لئے مقامی ہسپتال لے جا رہے تھے کہ راستہ میں ہی دم توڑ گیا ، مرحوم کی نمازِ جنازہ کے بعد اُسے کشمیریاں والے قبرستان میں سپردِ خاک کر دِیا گیا ، نمازِ جنازہ میں سیاسی و سماجی و معززین علاقہ کی کثیر تعداد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :میر جان پٹھان المعروف میر جانی ولد شیر داد قوم پٹھان سکنہ کولیاں شاہ حسین کو پولیس تھانہ ڈنگہ نے بدمعاش بستہ الف قرار دیکر آگاہی بورڈ ڈنگہ میں آویزاں کر دِیا
ڈنگہ (محمد بلال احمد بٹ ) میر جان پٹھان المعروف میر جانی ولد شیر داد قوم پٹھان سکنہ کولیاں شاہ حسین کو پولیس تھانہ ڈنگہ نے بدمعاش بستہ الف قرار دیکر آگاہی بورڈ ڈنگہ میں آویزاں کر دِیا ، میر جانی کے خلاف ناجائز اسلحہ ، ڈکیتی ، چوری ، بارودی مواد رکھنے اور لڑائی جھگڑے کے گیارہ مقدمات تھانہ ڈنگہ میں درج ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محلہ گڑھی والا ڈنگہ میاں فیض احمد مرحوم کی کوٹھی میں چوری کی نیت سے گھسنے والے نوجوان کو اہل خانہ نے دھر لیا
ڈنگہ (محمدبلال احمد بٹ ) محلہ گڑھی والا ڈنگہ میاں فیض احمد مرحوم کی کوٹھی میں چوری کی نیت سے گھسنے والے نوجوان کو اہل خانہ نے دھر لیا ، تفصیلات کے مطابق محلہ گڑھی والا کا رہائشی کامران عرف کامی اپنے ہی محلہ میں واقع کوٹھی میاں فیض احمد مرحوم میں جنوبی طرف سے دیوار پھلانگ کر داخل ہوا ، اہل خانہ آئے مہمانوں کی وجہ سے دیر تک جاگ رہے تھے ، دیوار پھلانگنے کی آواز اہل خانہ سن کر چوکنے ہوئے ، اور چور کو پکڑ کر حوالۂ پولیس کر دِیا ، پولیس نے فوری طور پر کامران کے گھر میں جا کر تلاشی لی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گرم پانی میں گر کر جھلسنے والی 3 سالہ بچی زخموں کی تاب نہ لاتے ہوئے جاں بحق
ڈنگہ (محمدبلال احمد بٹ ) گرم پانی میں گر کر جھلسنے والی 3 سالہ بچی زخموں کی تاب نہ لاتے ہوئے جاں بحق ، نمازِ جنازہ کے بعد سپردِ خاک ، تفصیلات کے مطابق محلہ دربارِ قلندریہ ڈنگہ کے رہائشی قمر دین کی پوتی اور خالد محمود کی بیٹی تین سالہ میرب خالد غسل خانہ میں رکھے گرم پانی میں جا گری جس کے باعث وہ بری طرح جھلس گئی جسے ابتدائی طبی امداد کے لیے مقامی ہسپتال پہنچایا گیا ، وہاں اُس کی حالت کو پیش نظر رکھتے ہوئے ڈاکٹر زنے سی ایم ایچ کھاریاں ریفر کر دِیا، موت و حیات کی کشمکش میں رہنے کے بعد انتقال کر گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ حکومتی پالیسیاں ملکی و ملت کے مفاد میں ہیں،چوہدری جعفر اقبال
ڈنگہ (محمد بلال احمد بٹ ) پاکستان مسلم لیگ ن حلقہ این اے 106 پارلیمانی سیکرٹری دفاع چوہدری جعفر اقبال نے صحافیوں سے گفتگو کرتے ہوئے کہا کہ حکومتی پالیسیاں ملکی و ملت کے مفاد میں ہیں ، حکومت فروغ تعلیم دینے کے لیے بھر پور کوشاں ہے اور بہتر تعلیم و تربیت دینے پر خصوصی توجہ دے رہی ہے ، اُنہوں نے کہا کہ وزیر اعظم پاکستان میاں نواز شریف اور وزیر اعلیٰ پنجاب میاں شہباز شریف عوام کی جانب سے دی گئی ذمہ داری کو پورا کرنے کے لئے دِن رات کوششوں میں مصروف ہیں ، دہشت گردی اور مسلح انتہا پسندی اس وقت ملکی ترقی کی راہ میں سب سے بڑی رکاوٹ ہے جسے دور کرنے اور ملک کی کشتی کو پار لگانے کے لیے ہر پاکستان کو اپنا کردار نبھانا ہو گا، وزیر اعظم ، وزیر اعلی پنجاب قوم کے نجات دہندہ ہیں حکومت کی کامیابی اقتصادی اور سیاسی پالیسیوں کی وجہ سے ملکی معیشت مستحکم ہو رہی ہے ، ملکی تاریخ میں پہلی بار ڈالر کی قدر میں نمایاں کمی واقع ہوئی ، اُنہوں نے کہا کہ حکومت پاکستان کو ایشئین ٹائیگر بنانے کا تہیہ کیا ہوا ہے ، عوام کا معیارِ زندگی بلند کرنے کے لیے تمام بنیادی سہولیات اُن کی دہلیز تک پہنچائی جا رہی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موضع میانہ چک اور جلالپور شریف کے رہائشیوں کے درمیان چوہدری اعجاز احمد رنیاں نے فراخ دِلی کا مظاہرہ کرتے ہوئے ایک اہم راضی نامہ کروایا جس پر انہیں خراج تحسین پیش کرتے ہیں،چوہدری دلاور گکھڑ آف انگلینڈ
ڈنگہ ( محمد بلال احمد بٹ ) پاکستان مسلم لیگ ق کے راہنما ، اورسیز نمائندہ ، معروف زمیندار چوہدری دلاور خاں گکھڑ آف انگلینڈ نے ٹیلی فونک بیان میں کہا کہ گذشتہ روز پاکستان مسلم لیگ ق امیدوار صوبائی اسمبلی حلقہ پی پی 113 چوہدری اعجاز احمد رنیاں ، چوہدری محمد شریف کسانہ دھکڑانوالی ، چوہدری خالد مہندی کسانہ دھکڑانوالی ، چوہدری الیاس ممبر کھوڑی عالم کی بھر پور کاوشوں سے اور چوہدری برادران کی ویر مکائو مہم کے سلسلہ میں موضع میانہ چک اور جلالپور شریف کے رہائشیوں کے درمیان چوہدری اعجاز احمد رنیاں نے فراخ دِلی کا مظاہرہ کرتے ہوئے ایک اہم راضی نامہ کروایا ، ہم فریقین کو خراجِ تحسین پیش کرتے ہیں کہ اُنہوں نے چوہدری اعجاز احمد رنیاں کا مان بڑھا کر مزید اچھی بنیاد رکھی ، رواں ہفتہ چوہدری اعجاز احمد رنیاں نے دو اہم راضی نامہ کروائے جس سے حلقہ بھر میں اُن کی بھر پور کاوشیں اور ویر مکائو مہم میں غیور عوام نے چوہدری اعجاز احمد رنیاں کوبے حد سراہا ہے اور انشاء اللہ تعالیٰ وہ اِسی مشن کو لیکر حلقہ بھر میں امن و امان کو برقرار رکھنے میں اہم کردار ادا کر رہے ہیں ، ہمیں چوہدری اعجاز احمد رنیاں ، چوہدری اخلاق احمد رنیاں ، چوہدری انار احمد رنیاں پر فخر ہیں کہ ہم نے رنیاں برادران کا ساتھ دے کر اچھا فیصلہ کیا ہے، اور ا،سی کو برقرار رکھتے ہوئے آئندہ بھی یہ خلوص و محبت بڑھے گا نہ کہ کم ہو گا، اور آئندہ انتخابات میں نئے جوش و ولولہ سے اُن کی کامیابی کے لیے کوئی کسر اُٹھا نہ رکھیں، تارکین وطن نے رنیاں برادران کو خلوص دِل سے اِن دو اہم راضی ناموں پر خراجِ تحسین پیش کیا۔
پاکستان یونین ناروے کے چیئرمین چوہدری قمراقبال نے مشاہد حسین سید کے فرزند مصطفی سید کی شادی کی تقریب میں شرکت کی تصویری کی جھلکیاں
