تہران (جیوڈیسک) ایران نے پاکستان سے کہاہے کہ مغوی ایرانی سرحدی محافظین کے قتل کی خبریں درست ہیں توسرکاری طور پر اعلان کیا جائے، پاکستان اپنے ملک سے شرپسندوں کا صفایا کرے۔ ایرانی نیم سرکاری خبررساں ادارے سے بات چیت کرتے ہوئے ایرانی سیکریٹری داخلہ حسین علی امیری نے کہا کہ پاکستانی حکومت کو اس کی سرزمین پرایرانی سرحدی فورسزکے جوانوں کی ہلاکت کے بارے میں سرکاری طورپرموقف اختیارکرنا چاہیے۔
اگر جیش العدل نامی دہشتگرد گروہو ں کے ہاتھوں ایک ایرانی سرحدی جوان جمشید دانائی فرکی ہلاکت کی خبردرست ہوئی توایران اور پاکستان کے سفارتکاروں کے درمیان جاری گفتگو پر منفی اثر پڑیگا۔ انھوں نے کہا کہ ایرانی حکومت، وزارت خارجہ، پارلیمنٹیرینزاور دیگرسیکیورٹی ادارے مغوی سیکیورٹی اہلکاروں میں سے ایک کی ہلاکت کے بار ے میں تحقیقات کررہے ہیں۔
افغانستان میں خودکش حملے اور دہشتگردی کے واقعات میں 15 افراد ہلاک، متعدد زخمی
امریکی ریاست کولوراڈو میں سرمنڈوانے پر طالبہ کو اسکول سے نکال دیا گیا
