کویت سٹی (جیوڈیسک) عرب لیگ نے فلسطین پر قابض اسرائیل کو یہودی ریاست تسلیم کرنے سے ایک بار پھر انکار کردیا ہے۔غیر ملکی خبر رساں ادارے کے مطابق کویت میں جاری 2 روزہ عرب سربراہی اجلاس کے اختتام پر جاری اعلامیہ میں 22 ممالک کے سربراہوں نے فیصلہ کیا کہ اسرائیل کو ہرگز صیہونی ریاست تسلیم نہیں کیا جائے گا۔
اور 1990 میں ہونے والے مذاکرات کی روشنی میں ہی مسئلہ فلسطین کا حل تلاش کیا جائے۔ اجلاس کے دوران شام میں عوام پر ڈھائے جانے والے مظالم پر بھی بحث کی گئی اور رکن ممالک کے سربراہوں نے شام میں معصوم شہریوں کے قتل عام کی نہ صرف مذمت کی بلکہ عوام کی حمایت یافتہ جماعت شامی قومی اتحاد کی بھرپور حمایت کا اعلان بھی کیا۔
دوسری جانب اسرائیلی وزیراعظم بینجامن نیتن یاہو کا کہنا ہے کہ عرب لیگ کی جانب سے اسرائیل کو صیہونی ریاست تسلیم نہ کرنا ہی مسئلے کی اصل جڑ ہے ، اسرائیل کو ہر صورت صیہونی ریاست تسلیم کیا جائے۔
مصر کے فوجی سربراہ مستعفی، صدارتی انتخاب لڑنے کا اعلان
پاکستانی نژاد خواتین برطانیہ کی عملی سیاست میں بھرپور حصہ لیں؛ سعیدہ وارثی