سرکل ڈسکہ میں ڈکیتی چوری کی 5 مختلف وارداتوں میں شہری کار، موٹر سائیکل، نقدی، زیورات اور مویشی سے محروم

Posted on March 28, 2014 By Majid Khan سٹی نیوز

ڈسکہ (عارف محمود) سرکل ڈسکہ میں ڈکیتی چوری کی 5 مختلف وارداتوں میں شہری کار، موٹر سائیکل، نقدی ،زیورات اور مویشی سے محروم تفصیل کے مطابق محلہ غنی پورہ کا رہائشی یاسر اشرف اپنی بیوی کے ہمراہ موٹر سائیکل پر سوار جا رہا تھا کہ راستہ میں کھڑے 4نامعلوم مسلح ڈاکوئوں نے روک کر ان سے نقدی 1500رو پے اور لاکھوں رو پے مالیتی 7تولے طلائی زیورات چھین کر فرار ہو گئے ،محلہ حبیب پورہ کا رہائشی طاہر اپنی موٹر سائیکل نمبری9228 پر سوار جا رہا تھا کہ راستہ میں کھڑے تین نامعلوم مسلح ڈاکو اسلحہ کے زور پر موٹرسائیکل ،2عدد موبائل فون چھین کر فرار ہو گئے۔

کالج روڈ کا رہائشی ندیم احمد ولد محمد بشیر اپنی کار نمبریAFR/13ماڈل1998نادرا آفس کے قریب کھڑی کر کے گھر چلا گیا صبح آکر دیکھا تو کار غائب تھی جسے نامعلوم چور چرا کر لے گئے ،موضع گوئندکے کارہائشی راز محمد اپنے ڈیرہ پر مویشی باندھ کر گھر چلا گیا صبح آکر دیکھا تو چار عدد چھترے غائب تھے جسے نامعلوم چور چرا کر لے گئے پتہ جو ئی کر نے پر معلوم ہوا کہ مویشی ملزمان صفدر،اسلم ،طارق ،شفیق نے چرائے ہیں جبکہ ڈسکہ کلاں کا رہائشی افضل بٹ اپنے ڈیرہ پر مویشی باندھ کر گھر چلا گیا اس کی عدم موجودگی میں نامعلوم چور ایک عدد راس بھینس چرا کر لے گئے تھانہ سٹی ،بمبانوالہ پولیس مصروف تفتیش ہے۔

by Majid Khan

Nasir Mehmood - Chief Editor at GeoURDU.com