ڈنگہ کی خبریں 1/4/2014
Posted on April 2, 2014 By Geo1 Webmaster سٹی نیوز
ڈنگہ :چوہدری جعفر اقبال کی بلدیہ ڈنگہ میں مختلف محکمہ جات کے افسران سے ملاقات
ڈنگہ ( محمدبلال احمد بٹ ) پاکستان مسلم لیگ ن کے مرکزی راہنما ، ایم این اے حلقہ این اے 106 ، پارلیمانی سیکرٹری دفاع چوہدری جعفر اقبال کی بلدیہ ڈنگہ میں محکمہ سوئی گیس ضلع گجرات کے انچارج کبیر احمد طاہر ، مظہر سبطین ، آصف اقبال اور حافظ جاوید سیلز مین اور محکمہ مال کے افسران مہسم عباس نائب مہتمم بندوبست کھاریاں ، نائب تحصیلدار شمشیر حیدر رانجھا ، نائب تحصیلدار ملک نعیم ارشد ، نائب تحصیلدار ملک مہربان علی ، نائب تحصیلدار عامر عدنان گوندل سے میٹنگ کی ، اِس موقع پر شہریوں کی کثیر تعداد نے شرکت کی ، سوئی گیس اور محکمہ مال کے متعلقہ شکایات بیان کیں جس پر محکمہ کے افسران نے کئی مسائل فوری طور پر حل کرنے کے احکامات جاری کیے اور باقی ماندہ مسائل کے حل کے لیے یقین دہانی کرائی ، ا،س موقع پر نواحی گائوں بھلیسرانوالہ ، چک جانی ، بیکنانوالہ اور ڈنگہ شہر کے صارفین سوئی گیس ومحکمہ مال کو اپنی اپنی شکایات نوٹ کرائی ، علاوہ ازیں ایڈمنسٹریٹر مارکیٹ کمیٹی ڈنگہ محمد عمران بھٹی ، سابق وائس چیئرمین محمد عارف ڈار ، چوہدری مہندی بجاڑ والہ سابق کونسلر ، صدر مرکزی انجمن تاجران ڈنگہ شاہد محمود بٹ ، طارق قریشی ، چوہدری نصر اللہ باہوآنہ ، چوہدری ارشد گجر ، خالد محمود چک جانی ، میاں افضل حیات منا ، احمد خاں ڈار ، چوہدری فیاض احمد ، سکندر خاں صراف ، محمد یونس ڈھنڈالہ ، محمد زمان آہیر ، خالد محمود ، سعید احمد مغل ، میاں محمد اکرم ، محمد ناصر بھٹی ، عبد الحفیظ بھٹی ، احسان حسرت پپو سمیت سینکڑوں افراد شریک تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ انشاء اللہ اگلے 2 سالوں میں لوڈ شیڈنگ سے مکمل نجات مل جائیگی،چوہدری جعفر اقبال
ڈنگہ ( محمدبلال احمد بٹ ) پاکستان مسلم لیگ ن کے مرکزی راہنما ، ایم این اے حلقہ این اے 106 ، پارلیمانی سیکرٹری دفاع چوہدری جعفر اقبال نے بلدیہ ڈنگہ میں محکمہ سوئی گیس و محکمہ مال اور معززین علاقہ سے خطاب کرتے ہوئے کہا کہ سابقہ حکومت نے لالہ موسیٰ اور ڈنگہ کے 44 گائوں کو سوئی گیس فراہم کرنے کی منظوری حاصل کی تھی جس پر سابقہ حکومت کا 5 سالہ اقتدار رہنے کے باوجود بھی کام رُکا رہا اِس سلسلہ میں وزیر اعظم پاکستان میاں محمد نواز شریف اور حمزہ شہباز شریف نے پاکستان کی سطح پر ایک کمیٹی بنائی اور حلقہ این اے 106 کے لیے مجھے کمیٹی کا ممبر بنایا گیا بعد ازاں 2012-13-14کے سوئی گیس کے بقیہ منصوبوں کا جائزہ لیا گیا اور یہ طے کیا گیا کہ جس پر 25 فی صد کام مکمل ہو چکا ہے اُسے جاری رکھا جائیگا جس میں ڈنگہ و لالہ موسیٰ کے 44 گائوں کو بہت جلد سوئی گیس فراہم کی جائے گی ، اُنہوں نے کہا ہے کہ ممبران قومی اسمبلی پر 452 ارب روپے ماہانہ خرچ آتا تھا ، میاں نواز شریف نے مشاورت سے اِس ایم این ایز خرچ کو ختم کر کے بجلی کے کارخانوں پر لگانے کا منصوبہ تیار کیا ہے جس سے ملک میں لوڈ شیڈنگ کا خاتمہ ہو گا اور انشاء اللہ اگلے 2 سالوں میں لوڈ شیڈنگ سے مکمل نجات مل جائیگی ، ڈنگہ لالہ موسیٰ 44 دیہاتوںکو بہت جلد سوئی گیس فراہم کی جائے گی ، اُنہوں نے کہا ہے کہ سابق دور میں عام آدمی کو کوئی ریلیف نہیں ملتا تھا وزراء اور ایم این ایز کا مخصوص کوٹہ تھا اور وہ صرف اپنے نظر منظور افراد کو نوازنے میں مصروف رہے ، مسلم لیگ ن کی حکومت نے اِن کا کوٹہ ختم کر کے میرٹ پر کام کرنا شروع کر دِیا ہے جس سے ہر پاکستانی کو اُن کے حقوق خواہ وہ زمیندار ، ریڑھی بان ، مزدور طبقہ یا کاروباری ہو ملیں گے ، اُنہوں نے مزید کہا کہ میں نے کبھی اپنی ایم این اے ہونے پر تکبر اور غرور نہیں کیا ، جو بھی سائل ہمارے پاس آتا ہے ہم اُس کی مدد خدا کا مہمان سمجھ کر کرتے ہیںاور انشاء اللہ کرتے رہیں گے ، یہی ہمارا مشن اور منشور ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ہم ترجیحی بنیادوںپر گھریلو صارفین کو سوئی گیس ہر صورت فراہم کرنے کا عزم کیے ہوئے ہیں،کبیر احمد انچارج سوئی گیس ضلع گجرات
ڈنگہ (محمدبلال احمد بٹ ) پاکستان مسلم لیگ ن کے مرکزی راہنما ، ایم این اے حلقہ این اے 106 ، پارلیمانی سیکرٹری دفاع چوہدری جعفر اقبال کی دعوت پر بلدیہ ڈنگہ میں محکمہ سوئی گیس ضلع گجرات کے انچارج کبیر احمد نے عوامی شکایات کے انبار لگنے کے بعد عوام سے اظہارِ خیال کرتے ہوئے کہا کہ ہم ترجیحی بنیادوںپر گھریلو صارفین کو سوئی گیس ہر صورت فراہم کرنے کا عزم کیے ہوئے ہیں ، اور وفاقی حکومت بھی اِس سلسلہ میں سنجیدہ ہے ، ایم این اے چوہدری جعفر اقبال ایک مخلص ، انسان دوست شخصیت کے مالک ہیں اور وہ بھی ڈنگہ و لالہ موسیٰ سمیت حلقہ این اے 106 میں سوئی گیس کے باقی ماندہ گائوں میں سوئی گیس فراہم کرانے کے لیے کوشاں ہیں ، اُنہوں نے کہا کہ ہے 10 نومبر 2011 ء تک کی درخواستیں جمع ہیں اُن کے ڈیمانڈ نوٹس ہم میرٹ پر جاری کر رہے ہیں ، جن لوگوں نے ڈیمانڈ نوٹس جمع کرا دیے ہیں اُنہیں فکر کرنے کی کوئی ضرورت نہیں ہم انشاء اللہ جلد اُن کو میٹر فراہم کرینگے، میٹر فراہمی کے لیے وفاقی حکومت کی ہدایت پر محکمہ سوئی گیس ضلع گجرات دِن رات کوشاں ہے ، سی این جی مالکان اور ہمارے درمیان معاملات چل رہے ہیں ، اور توہین عدالت کا کیس بھی چل رہا ہے ، اُنہوں نے کہا ہے کہ ملک پاکستان میں سوئی گیس اتنی سستی ہے کہ کسی او ر ملک میں نہیں ہے ، ہماری کوشش ہو گی کہ ہم گرمیوں میں سوئی گیس کی لوڈ شیڈنگ کم کریں تا گھریلو صارفین کی مشکلات میں کمی واقع ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : وزیر اعلیٰ پنجاب میاں شہباز شریف کے حکم کے مطابق بہت جلد اراضی مالکان کے فرد کمپیوٹرائز کیے جا رہے ہیں،مہسم عباس نائب مہتمم بندوبست کھاریاں
ڈنگہ (محمدبلال احمد بٹ ) پاکستان مسلم لیگ ن کے مرکزی راہنما ، ایم این اے حلقہ این اے 106 ، پارلیمانی سیکرٹری دفاع چوہدری جعفر اقبال کی دعوت پر بلدیہ ڈنگہ میں محکمہ مال کے افسر مہسم عباس نائب مہتمم بندوبست کھاریاں نے خطاب کرتے ہوئے کہا کہ وزیر اعلیٰ پنجاب میاں شہباز شریف کے حکم کے مطابق بہت جلد اراضی مالکان کے فرد کمپیوٹرائز کیے جا رہے ہیں ، جس سے زمین مالکوں کی مشکلات میں نمایاں کمی ہو گی ، شہروں اور دیہاتوں کے پٹوار خانوں میں جلد از جلد کمپیوٹر نظام قائم کیا جا رہا ہے جس سے زرعی ، رہائشی اور کمرشل اراضی کا متعلقہ ریکارڈ تلاش کرنا نہایت آسان ہو جائیگا ، معمولی بینک فیس جمع کروانے پر فوری طور پر کمپیوٹرائزڈ فرد حاصل ہو سکے گا ، اِس سلسلہ میں تحصیل کھاریاں میں 433 گائوں میں سے 400 گائوں مکمل ہو چکے ہیں ، اور محکمہ مال کے افسران دِن رات بھر پور کام کر رہے ہیں ، محکمہ مال کے دیگر افسران و عملہ چھٹی کے روز بھی تمام ریکارڈ کو کمپیوٹرائزڈ کرنے میں مصروف ہیں جس سے کسی کی جائیداد ہڑپ نہیں ہو گی اور کمپیوٹرائزڈ سسٹم میں زمینوں کی خرید و فروخت کرنے والوں کی تصاویر بھی سکین کی جائینگی ، اُنہو ں نے مزید کہا کہ 1994 میں یہ کمپیوٹرائزڈ نظام متعارف کرایا گیا تھا ، لیکن سابقہ حکومت نے اِس پر کوئی توجہ نہیں دِی مسلم لیگ ن کی بر سر اقتدار حکومت کے وزیر اعلیٰ پنجاب میاں شہباز شریف نے فوری طور پر اس کام کو جلد از جلد مکمل کرنے کی سختی سے ہدایات کی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حلقہ این اے 106 میں تعمیر و ترقی میری اولین ترجیح ہے ،چوہدری جعفر اقبال ایم این اے
ڈنگہ ( محمدبلال احمد بٹ ) پاکستان مسلم لیگ ن کے مرکزی راہنما حلقہ این اے 106 ، پارلیمانی سیکرٹری دفاع چوہدری جعفر اقبال نے صحافیوںسے گفتگو کرتے ہوئے کہا وزیر اعظم پاکستان میاں محمد نواز شریف ، وزیر اعلیٰ پنجاب میاں شہباز شریف کی حکومت معاشی ترقی اور خوشحالی کے لیے دِن رات کوشاں ہے ، میاں نواز شریف عوام کے دِل کی آواز بول رہے ہیں جس سے ملک پاکستان کی عوام دِن بہ دِن ن لیگ میں شمولیت کر رہے ہیں ، مسلم لیگ ن کی حکومت قوم کے پاکستانیوں کے مسائل حل کرنے میں اور ملکی ترقی کے لیے کوشاں ہے ، عوامی مفادات کا سودا ہر گزر نہیں کرینگے اور ذخیرہ اندوزوں ، خود ساختہ مہنگائی اور ملاوٹ کرنے والوں کو کیفر کردار تک پہنچائیں گے، اُنہوں نے مزید کہا کہ وزیر اعظم پاکستان میاں نواز شریف قوم کے مفادات کبھی پس پشت نہیں ڈالتے اور میاں شہباز شریف جیسا بھی لیڈر آج تک نہیں دیکھا ، حکومت نے مشکل فیصلوں کے بعد صورتحال کو بہتر کیا ہے اوراب معیشت ترقی کی طرف گامزن ہے۔ پاکستان کھویا ہوا مقام دوبارہ حاصل کر یگا ، عوام نے جس طرح ن لیگ پر اعتماد کا اظہار کیا ہے یہ احسان کبھی فراموش نہیں کر سکتے ، ووٹروں کے حقوق کا خیال رکھیں گے اور حلقہ این اے 106 میں تعمیر و ترقی میری اولین ترجیح ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: نواحی گائوں ٹوپہ عثمان علی گڑھ انسٹیوٹ ٹوپہ عثمان میں سالانہ تقریب تقسیم انعامات کا انعقاد
ڈنگہ (محمدبلال احمد بٹ ) نواحی گائوں ٹوپہ عثمان علی گڑھ انسٹیوٹ ٹوپہ عثمان میں سالانہ تقریب تقسیم انعامات کا انعقاد ، تقریب کے مہمانِ خصوصی تجمل حسین شاہد گورنمنٹ ہائی سکول سیکریالی، مہمانِ گرامی محمد الیاس شاکر گورنمنٹ مڈل سکول ٹوپہ عثمان کا ادارہ ہذا کے ڈائریکٹر محمد امین سابق کسان کونسلر ٹوپہ عثمان و دیگر اساتذہ نے فیقید المثال استقبال کیا گیا ، تقریب میں اہلیانِ دیہہ کے طلباء و طالبات کے والدین نے بھر پور شرکت کی ، تقریب تقسیم انعامات میں سالانہ کاکردگی پر طلباء و طالبات میں نمایاں پوزیشن ہاصل کرنے والوں بچوں میں انعام تقسیم کیے گئے ، طلباء و طالبات نے ٹیبلو ، خاکے ، ملی نغمے ، ترانے و رنگا رنگ پروگرام سے سالانہ تقریب تقسیم انعامات کو چار چاند لگا دیے ، بہترین کارکردگی پر طلباء و طالبات میں مہمانانِ خصوصی نے میڈل ، ٹرافیاں تقسیم کیں ، تقریب تقسیم انعامات کی تقریب سے خطاب کرتے ہوئے مہمانانِ نے کہا کہ علیگڑھ انسٹیٹیوٹ ٹوپہ عثمان کی تعلیمی خدمات کو سراہا اور ادارے کو ” روشن چراغ” قرار دِیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :منگووال کے نواحی گائوں کگھوکی میں 12 سالہ نوجوان کو گلے میں پھندا ڈال کر قتل کرنے والے مجرم ماموں زاد بھائی شیراز نذیر نے دورانِ تفتیش اقبال جرم کر لیا
ڈنگہ (محمدبلال احمد بٹ ) منگووال کے نواحی گائوں کگھوکی میں 12 سالہ نوجوان کو گلے میں پھندا ڈال کر قتل کرنے والے مجرم ماموں زاد بھائی شیراز نذیر نے دورانِ تفتیش اقبال جرم کر لیا ، تفصیلات کے مطابق گذشتہ 3 دِن پہلے پھوپھی زاد بھائی شیراز نذیر ڈنگہ نے مقتول رضوان احمد وڑائچ آف کگھوکی میں کھیتوں میں لے جا کر بد فعلی کا نشانہ بنایا ، اور پھندا ڈال کر قتل کر دِیا ، پولیس نے دورانِ تفتیش ڈنگہ کے رہائشی شیراز نذیر سکنہ محلہ چوہدریاں ڈنگہ کومشکوک جان کر گرفتار کر لیا تھا ، دورانِ تفتیش شیراز نذیر سکنہ محلہ چوہدریاں ڈنگہ نے اعتراف جرم کر لیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ میں 10 گھنٹے لوڈ شیڈنگ کا تڑکہ ، جنریٹر اور یو پی ایس کو پر لگ گئے قیمتوں میں ہوشربا اضافہ
ڈنگہ (محمدبلال احمد بٹ ) ڈنگہ میں 10 گھنٹے لوڈ شیڈنگ کا تڑکہ ، جنریٹر اور یو پی ایس کو پر لگ گئے قیمتوں میں ہوشربا اضافہ ، ٹی ایم او کی عدم توجہ سے ڈنگہ میں سپرے نہ ہونے کی وجہ سے مکھی مچھروں نے عوام کا جینا محال کر دِیا ، گرمیوں سے قبل لوڈ شیڈنگ میں اضافہ کے باعث شہر میں جنریٹرز اور یو پی ایس کی قیمتوں میں اضافہ ہونا شروع ہو گیا ، گرمیوں سے قبل 8 سے 10 گھنٹے کی لوڈ شیڈنگ کو دیکھتے ہوئے جنریٹر اور یو پی ایس فروخت کرنے والوں نے سٹاک کرنا شروع کر دِیا ہے ، جبکہ آسان اقساط پر سامان فروخت کرنے والوں نے بھی اُن کا ابھی سے سٹاک کرنا شروع کر دِیا ہے ، وہ بھی فروخت کریں گے اور قسطوں پر دیں گے اس حوالہ سے بعض افراد کا کہنا ہے کہ گرمیوں میں شدید لوڈ شیڈنگ کا امکان ہے جس کے باعث ابھی سے قیمتوں میں 1000 سے 2000 روپے تک اضافہ کر دِیا گیا ہے جس کی وجہ سے لوگوں کو اُن کی خریداری کی طرف رجوع کو دیکھتے ہوئے کیا جا رہا ہے۔
۔۔
ڈھاکہ سیکینڈری اسکول کریم آباد کے زیر اہتمام سالانہ تقسیم انعامات
