چکوال (جیوڈیسک) چکوال میں گزشتہ روز پیش آئے حادثے کے 17 جاں بحق افراد میں سے 16 کی میتیں سرگودھا کے قصبہ چھوٹا ساہیوال پہنچا دی گئیں۔ جاں بحق ہونے والوں میں 3بچوں اور 4خواتین سمیت ایک ہی خاندان کے 15 افراد شامل ہیں ، تمام افراد کی اجتماعی نماز جنازہ آج شام ادا کی جائے گی۔
سرگودھا کے گاوٴں چھوٹا ساہیوال سے 67 افراد ایک شہہ زور میں سوار ہوئے۔منزل تھی کلرکہار جہاں ان مسافروں کو پیرکھارا دربار کی زیارت کرنی تھی لیکن مارٹن خْرد کے مقام پر گاڑی کے بریک فیل ہوگئے۔ خوفناک حادثے میں منی ٹرک ایک کھائی میں گرا اورموت نے 17 مسافروں کی سانسیں منقطع کر دیں۔
حادثے میں شہہ زور کا ڈرائیور بھی شدید زخمی ہوا۔ڈی سی او چکوال نے اپنی سربراہی میں حادثے کا شکار ہونے والوں کو للہ اسپتال منتقل کیا۔انہوں نے بتایا کہ جس مقام پر حادثہ پیش آیا وہاں دشوار گزار راستوں کی وجہ سے امدادی کارروائیوں میں شدید مشکلات کا سامنا رہا۔
حادثے کا شکار افراد میں اکثریت بچوں اور خواتین کی ہے۔تمام افراد کا تعلق سرگودھا سے ہے۔40 سے زائد زخمیوں کو طبی امداد دی جارہی ہے۔مرنیوالوں کو سرگودھا میں سپردخاک کیا جائے گا۔
مذاکرات کامیاب ہونے سے امن کا خواب پورا ہو جائیگا، پروفیسر ابراہیم
برلن: شہید قائد ذوالفقار علی بھٹو کی 35 ویں برسی پر بلاول بھٹو زرداری کا جلسہ عام سے خطاب کی تصویری جھلکیاں
