کورنگی زون کی تمام یونین کونسل میں مچھر، مکھی اور کیڑے مار اسپرے مہم کا آغاز
Posted on April 9, 2014 By Majid Khan سٹی نیوز, کراچی
کراچی: ڈپٹی کمشنرڈسٹرکٹ کورنگی زبیر احمد چنااورایڈمنسٹریٹر بلدیہ کورنگی عمران اسلم نے ضلع کورنگی، کورنگی زون کی تمام یونین کونسل میں مچھر ، مکھی ،کیڑے مار مہم اور دیگر بیماریوں سے بچائو کیلئے اسپرے مشینوں میں جراثیم کش ادویات ڈال کر اسپرے مہم کا آغاز کیا اس سلسلے میں ضلع کورنگی ، کورنگی زون کے دفتر سے اسپرے مشینوں کی سوزوکیاں ڈپٹی کمشنرڈسٹرکٹ کورنگی زبیر احمد چنااورایڈمنسٹریٹر بلدیہ کورنگی عمران اسلم کی زیر نگرانی بلدیہ کورنگی، کورنگی زون کیتمام یونین کونسل میں روانہ کی گئیں شیڈول کے مطابق تمام یونین کونسل میںبلدیہ عظمی کراچی کی جانب سے فراہم کردہ سوزوکیوں کے زر یعے مچھر مار ،مکھی مار اور دیگر بیماریوں سے بچائو کے لئے اسپرے مہم چلائی گئی ایڈمنسٹریٹر بلدیہ کورنگی عمران اسلمنے کہا کورنگی زون انتظامیہ شہر کی تعمیر وترقی کے ساتھ عوام کی صحت اور طبی سہولتوں کی فراہمی پر بھی توجہ دے رہے ہیں۔
اسی لئے مچھروں اور ڈینگی مچھروں سے بچائو اور افزائش کے خاتمے کیلئے اسپرے مہم جاری ہے اور سٹی حکومت اور محکمہ صحت کا عملہ کراچی کے تمام ڈسٹرکٹ میں باقاعدگی سے اسپرے کر رہا ہے جس کے مثبت اثرات ظاہر ہورہے ہیں اسپرے مہم کو عوام نے بے حد سراہا ہے کیونکہ اس اقدام سے آسانیاں اور مچھروں سے نجات مل رہی ہے انہوں نے مزید کہا کہ مچھروں کے خاتمے کیلئے اسپرے کے ساتھ ساتھ صفائی کا خیال بھی لازمی رکھا جائے اور اسپرے مہم اور صفائی کے عملے سے مکمل تعاون کر یںکچرا صرف مقررہ کچرا کنڈیوں میں ڈالیں گندگی نہ پھیلائی جائے اور گلی محلے یا سڑک پر پانی جمع نہ ہونے دیں اس لئے کہ مچھروں اور ڈینگی وائرس کی کھڑے پانی میں افزائش ہوتی ہے اس موقع پرایڈمنسٹریٹر بلدیہ کورنگی عمران اسلم نے عوام سے اپیل کی کہ اپنے علاقوں میں جرا ثیم کش اسپرے مہم کے عملے سے تعاون کریں۔
by Majid Khan
Nasir Mehmood - Chief Editor at GeoURDU.com
کراچی: سہراب گوٹھ میں سی آئی ڈی کی کارروائی، 15 افراد گرفتار
