للیانی کی خبریں 10/4/2014
Posted on April 10, 2014 By Geo1 Webmaster سٹی نیوز
دہشت گردی پاکستان کو عدم استحکام سے دو چار کرنا چاہتے ہیں، حکومت عوام کے جان و مال کے تحفظ
مصطفی آباد/للیانی(نامہ نگار)دہشت گردی پاکستان کو عدم استحکام سے دو چار کرنا چاہتے ہیں، حکومت عوام کے جان و مال کے تحفظ میں ناکام ہو چکی ہے، سانحہ اسلام آباد سبزی منڈی حکومت اور ضلعی انتظامیہ کی نا اہلی کا منہ بولتا ثبوت ہے، ان خیالات کا اظہار سنیئر رہنما تحریک انصاف حاجی سیف اللہ طاہر مغل نے اسلام آباد سبزی منڈی دھماکوں کی شدید مذمت کرتے ہوئے کیا۔ انہوں نے مزید کہا کہ تحریک انصاف اسلام آباد سبزی منڈی اور سبی جعفر ایکسپریس دھماکوں میں شہید ہونے والوں کے غم میں برابر کی شریک ہے، انہوں نے مزید کہا کہ تاجروں سے لاکھوں روپے ٹیکس وصول کرنے والی حکومت ان کے تحفظ کے لئے مناسب انتظامات کیوں نہیں کرتی، دنیا کا کوئی بھی مذہب دہشت گردی کی تعلیم نہیں دیتا ، اور سبی اور اسلام آباد میں ہونے والا سانحہ افسوسناک ہے ،مسلمان حکمران مل کر بڑھتی ہوئی دہشت گردی کا سد باب کرنے کیلئے لائحہ عمل تیار کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گورنمنٹ مڈل سکول لکھنیکے اپ گریڈیشن کے باوجود کلاسیں شروع نہ ہو سکی،
مصطفی آباد/للیانی(نامہ نگار)گورنمنٹ مڈل سکول لکھنیکے اپ گریڈیشن کے باوجود کلاسیں شروع نہ ہو سکی، والدین کو شدید مشکلات کا سامنا، سکول انتظامیہ کوٹیچرز، کمروں اور فانیچرز کی کمی کا سامنا، وزیر اعلی پنجاب و ڈی سی او قصور سے فوری نوٹس لیتے ہوئے کلاس9شروع کرنے کا مطالبہ، تفصیلات کے مطابق گورنمنٹ مڈل سکول لکھنیکے کو اپ گریڈ کرکے ہائی کرنے کا اعلان کر دیا گیا تھا لیکن تا حال محکمہ کی طرف سے کلاس9کا اجرا نہیں ہو سکا جس کی وجہ سے غریب افراد اپنے بچیوں کو زیور تعلیم سے محروم رکھنے پر مجبور ہیں، اہل علاقہ کے مطابق مذکورہ سکول میں موجودہ بچیوں کی تعداد600کے قریب ہے جبکہ ٹیچرز صرف حصہ ہائی کی ہیں جو پرائمری حصہ کو بھی پڑھا رہی ہیں،جبکہ ہائی حصہ کیلئے نہ تو کمرے تعمیر کئے گئے ہیں اور نہ ہی ٹیچرز اورمذکورہ سکول انتظامیہ بچیوں کا داخلہ بھی نہیں کر رہی، انہوں نے وزیر اعلی پنجاب ، ڈی سی او قصور و ای ڈی او ایجوکیشن سے فوری نوٹس لینے ہوئے مذکورہ سکول میں کلاس9میں داخلہ کے ساتھ سکول کے درینہ مسائل کو بھی حل کرنے کا مطالبہ کیا ہے تا کہ ہم اپنی بچیوں کو زیور تعلیم سے آراستہ کر سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد میں ذخیرہ اندوزوں نے مصنوعی قلت پیدا کرکے آٹا بلیک میں فروخت کرنا شروع کر دیا
مصطفی آباد/للیانی(نامہ نگار)مصطفی آباد میں ذخیرہ اندوزوں نے مصنوعی قلت پیدا کرکے آٹا بلیک میں فروخت کرنا شروع کر دیا، ڈی سی او قصور سے ذخیرہ اندوزوں کے خلاف سخت کاروائی کا مطالبہ، تفصیلات کے مطابق گزشتہ چار روز سے ذخیرہ اندوزوں نے مصطفی آباد میں مسلسل آٹے کی مصنوعی قلت پیدا کر رکھی ہے، عام دوکانداروں کو آٹا فروخت کرنے کی بجائے اپنے چند مخصوص دوکانوں پر آٹا سپلائی کیا جاتا ہے جو من مانے ریٹ پر آٹا فروخت کر رہے ہیں، ضلعی انتظامیہ ذخیرہ اندوزوں کے خلاف سخت کاروائی کرتے ہوئے عوام کو آٹا پہنچانے کا انتظام کرے۔
