موجودہ حکومت اپنے تمام انتخابی وعدے بھول چکی ہے ، گرمی کا موسم شروع ہوتے مصطفی آباد/للیانی(نامہ نگار) موجودہ حکومت اپنے تمام انتخابی وعدے بھول چکی ہے ، گرمی کا موسم شروع ہوتے ہی بجلی کی غیر اعلانیہ لوڈ شیڈنگ نے عوام کا جینا محال کر دیاہے ۔ انتخابی جلسوں میں عوامی خدمت کے بڑے بڑے دعوے کرنے والے اقتدار ملتے ہی اپنی ترجیحات بدل چکے ہیں ۔ جرائم میں بے پناہ اضافہ ، چھینا جھپٹی ، لوٹ مار نے لوگوں کو خود کشیوں پر مجبور اور آئے روز دھماکوں نے ہر شہری کو غیر محفوظ کر دیا ہے ۔ وزیر اعظم پاکستان میاں محمد نواز شریف بے مقصد بیرونی دوروں پر ملک کا کثیر سرمایہ صرف کر کے بدحال قوم کے زخموں پر مرہم پٹی کی بجائے بر سر اقتدار ٹولے کو نوازنے میں مصروف ہیں ۔ان خیالات کا اظہار پاکستان تحریک انصاف حلقہ این اے138کے رہنما نواب حسن علی خان نے اپنے ایک بیان میں کیا۔ انہوں نے خبردار کیا ہے کہ حکومت کا انداز حکمرانی تبدیل نہ ہوا تو پھر زخموں سے چور قوم کا ریلا ہر چیز کو بہا لے جائے گا ۔ افواج پاکستان سے محاذآرائی کسی طرح بھی قومی مفادمیں نہیں ،حکمران 10ماہ میں عوام کا ایک بھی مسئلہ حل نہیں کرسکے البتہ مہنگائی میں کئی گنا اضافے کا کریڈٹ انہیں ضرور جاتا ہے،انہوں نے مزید کہاہر طرف کرپشن او ر لوٹ مار کا بازار گرم ہے اور جمہوریت کے نام پر عوام کے بنیادی حقوق پامال کئے جارہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ غزوہ ہند کانفرنس 16اپریل کو بعد نماز عشا نواحی گائوں کھارا میں ہو گ مصطفی آباد/للیانی(نامہ نگار)غزوہ ہند کانفرنس 16اپریل کو بعد نماز عشا نواحی گائوں کھارا میں ہو گی، جماعت الدعوة کے مرکزی رہنما امیر حمزہ ، خالد سیف الاسلام و ضلعی امیر محمد اشفاق خطاب کریں گے، تفصیلات کے مطابق غزوہ ہند کانفرنس نواحی گائوں کھارا کی جا معہ مسجدتوحید اہلحدیث میں بعد نماز عشا زیر صدارت ضلعی مسئول جماعت الدعوةقصورحضرات مولانا محمد اشفاق ہو گی، جس میں جماعت الدعوة کے مرکزی رہنما و کنوئیر تحریک حرمت قرآن و رسول پاکستان و سنیئر صحافی امیر حمزہ اور مولانا خالد سیف الاسلام خصوصی خطاب کریں گے، کارکنان کی طرف سے اہل اسلام کو شرکت کی اپیل، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ محفل میلاد مصطفی 18اپریل کو بعد نماز عشا لکھنیکے میں ہو گی، تقریب کی صدارت الحاج حافظ القادری مصطفی آباد/للیانی(نامہ نگار)محفل میلاد مصطفی 18اپریل کو بعد نماز عشا لکھنیکے میں ہو گی، تقریب کی صدارت الحاج حافظ القادری پیر سید مظفر حسین شاہ نقشبندی کریں گے، تفصیلات کے مطابق محفل میلاد مصطفی 18اپریل کو بعد نماز عشا جامع مسجد عثمانیہ لکھنیکے میں بعد نماز عشا زیر صدارت الحاج حافظ القادری پیر سید مظفر حسین شاہ نقشبندی جماعتی مجددی حیدر ی شیرازی سجادہ نشین آستانہ عالیہ علی پور سیداں شریف آف نارووال منعقد ہو گی، محفل میلاد میں الحاج حافظ پیر سیدجماعت علی شاہ نقشبندی مجددی شیرازی آستانہ عالیہ علی پور سیداں شریف، الحافظ پیر سید حیدر حسین شاہ جماعتی نقشبندی مجددی شیرازی علی پور آستانہ عالیہ علی پور سیداں شریف خصوصی شرکت کریں گے جبکہ حضرت مولانا علامہ قاری ریاض احمد فارقی خطیب اعظم لاہور خصوصی خطاب فرمائیں گے، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ رہنما مسلم لیگ ن محمد شاہد مغل نے کہا کہ توانائی بحران کا خاتمہ مسلم لیگی حکومت مصطفی آباد/للیانی(نامہ نگار)رہنما مسلم لیگ ن محمد شاہد مغل نے کہا کہ توانائی بحران کا خاتمہ مسلم لیگی حکومت کی پہلی ترجیح ہے، شریف برادارن کی غیر معمولی کاوشوں کی بدولت عوام کو پوری بجلی اور گیس ضرور ملے گی حکومت کو ناکام دیکھنے کے خواہشمند ہاتھ ملتے رہ جائیں گے ،سابق حکمرانوں کی تباہی کو سمیٹنے کیلئے مسلم لیگ ن کوسخت محنت کرنا پڑ رہی ہے تاہم ن لیگی قیادت ان مسائل کو حل کرنے کیلئے تمام محاذوں پر ہمہ وقت نبرد آزما ہے ،حالیہ سروے میں ایک بار پھر ثابت ہوگیا ہے کہ عوام کی اکثریت میاں نواز شریف کے ساتھ ہے اور ا نکے اخلاص ،سچی نیت اور ملک کیلئے انتھک محنت کی وجہ سے عوام کا ان پر اعتماد برقرار ہے۔
