ممبئی (جیوڈیسک) بھارتی کرکٹ اسٹار ویرات کوہلی نے بالی ووڈ اداکارہ انوشکا شرما سے محبت کے چرچوں کے بعد بالآخر انوشکا سے شادی کی خواہش ظاہر کر دی ہے۔
بھارتی میڈیا رپورٹس کے مطابق انڈین پریمیئر لیگ کے ساتویں ایڈیشن کی افتتاحی تقریب کے موقع پر بالی ووڈ کنگ شاہ رخ خان نے ویرات کوہلی کے سامنے اپنی زندگی کی ہمسفر کے انتخاب کے لئے 8 خواتین کے نام رکھے۔
ویرات کوہلی نے ان میں سے اپنی گرل فرینڈ انوشکا شرما کا انتخاب کر کے میڈیا پر دونوں کے درمیان چلنے والے افیئر کی تصدیق کر دی ہے۔ اس موقع پر شاہ رخ خان نے انوشکا شرما کی ایک بڑی تصویر بھی ویرات کوہلی کے گلے میں ڈالی۔
واضح رہے کہ حال ہی میں بنگلہ دیش میں ہونے والے ٹی 20 ورلڈ کپ کے بعد ویرات کوہلی ممبئی آئے اور انوشکا شرما سے ملنے ان کی فلم بمبئی ویلوٹ کے سیٹ پر پہنچ گئے۔ اس سے قبل دورہ نیوزی لینڈ کے دورے پر بھی ویرات کوہلی اور انوشکا شرما کو ایک ساتھ دیکھا گیا تھا۔
ذکا اشرف برطرفی؛ اسلام آباد ہائیکورٹ نے نجم سیٹھی سے جواب طلب کرلیا
پاک بھارت کرکٹ سیریز آئندہ سال پاکستان میں کھیلی جائیگی،نجم سیٹھی
