کویت سٹی (جیوڈیسک) کویت کی عدالت نے حکومت کے خلاف مبینہ بغاوت کی سازش کی خبر دینے پر 2 اخبارات کو عارضی طور پر بند کرنے کا حکم دیا ہے۔ برطانوی نشریاتی ادارے کی رپورٹ کے مطابق کویت میں شائع ہونے والے ’’الوطن‘‘ اور ’’عالم الیوم‘‘ نامی اخبارات میں ایک ایسی ویڈیو ٹیپ کی تفصیلات شائع ہوئی تھیں جن میں دو سابق سینئر افسران کو حکومت کا تختہ الٹنے کی منصوبہ بندی کرتے دیکھا جاسکتا تھا۔
کویتی حکام نے اس معاملے کی تحقیقات کی خبر ذرائع ابلاغ کو فراہم نہ کرنے کا اعلان کیا تھا جبکہ گذشتہ ہفتے کویتی پارلیمنٹ میں بھی ان ٹیپس پر بحث کے دوران میڈیا کو دور رکھا گیا تھا۔ عدالت نے حکومتی ہدایات پر عمل نہ کرنے پر دونوں اخبارات کی اشاعت سزا کے طور پر 2 ہفتوں کے لئے بند کرنے کا حکم دے دیا ہے، تاہم اخبارات کے مدیران کا کہنا ہے کہ انہوں نے کسی دوسرے اخبار کے مقابلے میں اس ٹیپ کے بارے میں زیادہ بات نہیں کی اوراخارات کی اشاعت پر پابندی کے خلاف اپیل کریں گے۔
یمن میں امریکی ڈرون حملہ، 30 القاعدہ ارکان ہلاک
افغان صدارتی انتخابات میں 50 فیصد ووٹوں کی گنتی مکمل، عبداللہ عبداللہ کو برتری حاصل
