ریاض (جیوڈیسک) سعودی حکومت نے خواتین کے لئے شناختی کارڈ کے بغیر پاسپورٹ کے اجرا پر پابندی عائد کر دی ہے۔ عرب ویب سائیٹ کے مطابق سعودی عرب کے ڈائریکٹر جنرل پاسپورٹس میجر جنرل سلیمان الیحیی کی جانب سے بیان جاری کیا گیا ہے کہ آئندہ ان خواتین کو پاسپورٹ جاری نہیں کیا جائے گا، جن کے پاس سعودی شناختی کارڈ نہیں ہو گا، اس کے علاوہ ایسی خواتین جن کے پاس پہلے سے پاسپورٹ موجود ہے مگر ان کے پاس شناختی کارڈ نہیں تو ان کے پاسپورٹس کی تجدید بھی نہیں کی جائے گی۔
سعودی ڈی جی پاسپورٹس کا کہنا تھا کہ تمام سعودی شہری اپنی انگلیوں کے نشانات وزارت داخلہ کے پاس رجسٹر کرائیں بصورت دیگر انہیں سعودی عرب کے شہری کی حیثیت سے ملنے والی سہولیات سے مستفید نہیں ہونے کا حق نہیں ہو گا، اس کے علاوہ یکم مئی سے کسی بھی ایسے شخص کو پاسپورٹ جاری نہیں کیا جائے گا، جس کی انگلیوں کے نشانات وزارت داخلہ کے پاس موجود نہیں ہوں گے۔
افغان صدارتی انتخابات میں 50 فیصد ووٹوں کی گنتی مکمل، عبداللہ عبداللہ کو برتری حاصل
جنوبی کوریا کے ڈوبنے والے جہاز کے مزید چار مسافروں کی لاشیں نکال لی گئیں
