لاہور (جیوڈیسک) سابق ٹیسٹ کرکٹر اعجاز احمد کو ایک بار پھر قومی ٹیم مینجمنٹ میں اہم ذمہ داریاں سونپے جانے کا امکان ہے۔ اعجاز احمد بیٹنگ اور فیلڈنگ کوچ بننے میں دلچسپی رکھتے ہیں جب کہ بعض حکام کی جانب سے پی سی بی کو یہ تجویز بھی دی گئی ہے کہ اعجاز احمد کو جونیئر سلیکشن کمیٹی کا سربراہ بنانے کے ساتھ سینئر سلیکٹر بھی بنا دیا جائے۔
توقع ہے کہ سابق ٹیسٹ کرکٹر کی پی سی بی چیئرمین سے ملاقات کے بعد ان کے کردار کا جلد تعین کیا جائے گا۔ واضح رہے کہ اعجاز احمد ان دنوں نیشنل کرکٹ اکیڈمی میں کوچ کی ذمہ داریاں نبھا رہے ہیں جب کہ وہ فیلڈنگ کوچ کے طور پر قومی کرکٹ ٹیم کے ساتھ کام بھی کرچکے ہیں۔
لاہور میں تیز رفتار کاروں کے آپس میں ٹکرانے سے خاتون سمیت 3 افراد جاں بحق
بارسلونا ٹینس : ڈیوڈ فیرر کو اپ سیٹ شکست، رافیل نڈال تیسرے رائونڈ میں داخل
