دوسرا چاند بابو میموریل فٹ بال ٹورنامنٹ اشارہ محمڈن نے اپنے نام کرلیا

Posted on April 26, 2014 By Majid Khan سٹی نیوز, کراچی

کراچی: کربلا گرائونڈ لانڈھی میں کھیلے گئے دوسرا چاند با بو میموریل فٹ بال ٹورنامنٹ اختتام پذیر ہوگیا فائنل میچ میں اشارہ محمڈن نے مدمقابل مضبوط حریف حسن بغدادی کو سخت مقابلے کے بعد 1-0سے زیر کر کے دوسرا چاند بابو میموریل فٹ بال ٹورنامنٹ اشارہ محمڈن نے اپنے نام کرلیا دوران میچ اشارہ محمڈن کے بلال نے گول کرکے اپنی ٹیم کی کامیابی میں اہم کردار ادا کیا ،ٹورنامنٹ کے فائنل میچ کے اختتام پر تقسیم اسناد کی تقریب کا نعقاد کیا گیا جس کے مہمان خصوصی چاند با بو مرحوم کے صاحبزادے مصباح اور عدیل تھے جنہوں نے تقریب سے خطاب کرتے ہوئے ٹورنامنٹ آرگنائزنگ کمیٹی کا شکریہ ادا کیا جنہوں نے اُن کے والد کی کھیل کے حوالے سے خدمات کو یاد رکھتے ہوئے چاند با بو مرحوم کے نام سے منسوب ٹورنامنٹ کا انعقاد کیا چاند با بو کے صاحبزادوں نے کہاکہ نوجوان ہی وطن اور قوم کا قیمتی سرمایہ ہیں انہوں نے نوجوانوں پر زور دیا کہ تمام تر تعصبات کو بھلا کر کھیل کو فروغ دیا جائے تاکہ اپنے ٹیلنٹ کے ذریعے دنیا میں ملک کا نام روشن کرسکیں انہوں نے حکومت پر زر دیا کہ وہ ملک میں فٹ بال کے کھیل کو فروغ دینے کے لئے موثر اقدامات کریں۔

تقریب کے اختتام پر چاند با بو کے صاحبزادوں مصباح اور عدیل نے ٹورنامنٹ کی فاتح اور نرر ٹیموں کے کپتانوں کو ٹرافی پیش کی اس موقع پرینگ اتحاد فٹ بال کلب کے سیکریٹری با بو فیروز ،گلشن اسپورٹس کے سیکریٹری علی اصغر اور سابقہ فٹ بالر اظہر احمد ،کورنگی نیشنل کے روح رواں ماسٹر سید نجم الحسن و دیگر فٹ بال سے وابستہ اہم شخصیات بھی موجود تھیں ۔ٹورنامنٹ کے فائنل میچ کو فاروق،مشتاق اور محمد یوسف نے سپروائز کیا جبکہ میچ کمشنر کے فرائض سعید عالم نے انجام دیئے۔

by Majid Khan

Nasir Mehmood - Chief Editor at GeoURDU.com