رحیم محمڈن افضال جانباز کو شکست دیکر کوارٹر فائنل میں پہنچ گئی

Posted on April 29, 2014 By Majid Khan سٹی نیوز, کراچی

کراچی : بھٹہ محمڈن فٹ بال کلب کیماڑی کے زیر اہتمام کے پی ٹی فٹ بال گرائونڈ پر جاری آل کراچی خان محمد میموریل فٹ بال ٹورنامنٹ کے پری کوارٹر فائنل میچ میں رحیم محمڈن شاہ فیصل ٹائون نے ایک سخت مقابلے کے بعد مضبوط حریف افضال محمڈن فٹ بال کلب کو 2-0سے زیر کرکے کوارٹر فائنل تک رسائی حاصل کرلی ۔کھیل کے دوران پہلے ہاف میں رحیم محمڈن کو رحمت ولی کے گول کی بدولت 1-0سے برتری حاصل تھی جبکہ دوسرے ہاف میں رحیم محمڈن نے شاندار اور دفاعی کھیل کا مظاہرہ کیا اور اُن کے کھلاڑی محمد ظریف نے مزید ایک گول اسکور کرکے اپنی ٹیم کی پوزیشن کو مستحکم بنا دیا کھیل کے اختتام تک افضال محمڈن کوئی بھی گول اسکور کرنے میں ناکام رہی۔

اس طرح رحیم محمڈن شاہ فیصل ٹائون کامیابی کے ساتھ گرائونڈ سے باہر آئی کھیلے گئے دیگر میچوں میں سوسائٹی برادرز نے باچا خان میموریل کو 4-0،خیبر مسلم نے عرفان میموریل کو 1-0،کیماڑی یونین نے بابر میموریل کو پنالٹی ککس پر 5-4اور شرافی محمڈن نے قادری اسپورٹس 1-0سے شکست دیدی ٹورنامنٹ میں کھیلے گئے میچوں میں ریفری کے فرائض نصیر الدین ،داد رحمن ،عبدالکریم ،عمران فیصل اور عمران نے انجام دیا جبکہ میچ کمشنر موسیٰ خان اور رشید جبکہ میڈی کوراڈینٹر شیرافضل تھے۔

by Majid Khan

Nasir Mehmood - Chief Editor at GeoURDU.com