لاہور (جیوڈیسک) وزیرقانون پنجاب رانا ثنااللہ نے ایک بار پھر اپنی توپوں کے رخ تحریک انصاف کے چیرمین عمران خان کی جانب کرتے ہوئے کہا ہے کہ عام انتخابات میں شکست سے عمران خان کا سہانا سپنا ٹوٹ گیا ہے۔ اپنے ایک بیان میں رانا ثنااللہ نے کہا کہ عمران خان کو طاہر القادری کی شاگردی مبارک ہو اور اب ان کے پاس بھی تحریک چلانے کے سوا کوئی راستہ نہیں۔
ان کا کہنا تھا کہ عام انتخابات میں شکست سے عمران خان کا سہانا سپنا ٹوٹ گیا ہے جبکہ پے درپے شکستوں کے بعد اب وہ الیکشن کے نام سے بھی گھبراتے ہیں۔ ان کا کہنا تھا کہ حکومت لوڈشیڈنگ کے خاتمے کے لیے ہنگامی بنیادوں پر کام کر رہی ہے اور بہت جلد اس پر قابو پالیں گے۔
بلوچستان اسمبلی میں آئی ایس آئی کو بدنام کرنے کے خلاف متفقہ قرارداد منظور
سندھ سے سینیٹ کی خالی نشست پر انتخاب کے لیے شیڈول جاری
