کراچی (جیوڈیسک) شہر میں رینجرز اور پولیس کے ٹارگٹڈ آپریشن ، گھر گھر تلاشیوں اور محاصروں کے باوجود ماہ اپریل میں ٹارگٹ کلنگ ، اغوا کے بعد قتل کر کے لاشیں پھینکنے،خودکش حملوں اور بم دھماکوں میں 170 افراد جاں بحق اور درجنوں زخمی ہوگئے۔
جاں بحق ہونے والوں میں پولیس افسران و اہلکار ، ماں ، بیٹا ، سیاسی و مذہبی جماعتوں کے عہدیدار ، کارکنان ، ڈاکٹر، وکیل ، خواتین اور پروفیسرز شامل ہیں ایک درجن سے زائد دستی بم ،کریکر اور بال بم حملوں میں کئی افراد زخمی ہوگئے، اپریل میں ملزمان 2 ہزار سے زائد گاڑیاں اور موٹر سائیکلیں چوری اور چھین کر فرار ہوگئے جبکہ 5 ہزار شہریوں کو موبائل فون سے بھی محروم کر دیا گیا۔
تفصیلات کے مطابق شہر میں یکم اپریل کو پولیس افسر سمیت 3 افراد ، 2 اپریل کو 4 افراد ، 3 اپریل کو7 افراد، 4 اپریل کو 3 افراد، 5 اپریل کو واٹر بورڈ کے ڈپٹی ڈائریکٹر سمیت 5 افراد، 6 اپریل کو بینک کے لاکرز لوٹ لیے گئے۔
7 اپریل کو 2 افراد، 8 اپریل کو ڈاکٹر سمیت 7 افراد، 9 اپریل کو پولیس افسر، ڈاکٹر اور مدرسے کے 3 طالبعلموں سمیت 12 افراد، 10 اپریل کو وکیل سمیت 6 افراد، 11 اپریل کو وفاقی محتسب کے اسسٹنٹ ڈائریکٹر سمیت 5 افراد، 12 اپریل کو 8 افراد، 13 اپریل کو پولیس رضا کار سمیت 6 افراد، 14 اپریل کو 2 افراد، 15 اپریل کو متحدہ کے 2 کارکن ، 16 اپریل کو 4 افراد ، 17 اپریل کو 3 افراد، 18 اپریل کو 10 افراد، 19 اپریل کو خاتون،20 اپریل کو4 افراد، 21 اپریل کو پروفیسر سمیت 4 افراد، 22 اپریل کو پولیس افسر سمیت 7 افراد ، 23 اپریل کو 11 افراد۔
24 اپریل کو 3 افراد اور خودکش حملے میں پولیس افسر شفیق تنولی سمیت 4 افراد، 25 اپریل کو پولیس اہلکار سمیت 8 افراد جبکہ دہلی کالونی دھماکے میں ماں اور بیٹے سمیت 6 افراد، 26 اپریل کو 3 افراد 27 اپریل کو 3 افراد اور 28 اپریل کو 3 افراد اورنگی کے مدرسے میں بم دھماکے میں 4 کمسن طالبعلم، 29 اپریل کو پولیس اہلکار سمیت 7 افراد جبکہ 30 اپریل کو پولیس اہلکار سمیت 9 افراد کو زندگی سے محروم اور ہدف بناکر موت کے گھاٹ اتار دیا گیا۔
پاکستان اور برطانیہ میں توانائی مذاکرات شروع کرنے پر اتفاق، مشترکہ اعلامیہ
تمام قومی اداروں میں مکمل ہم آہنگی ہے : حمزہ شہباز
