لاہور (جیوڈیسک) قومی کرکٹ ٹیم کے ہیڈ کوچ کا اعلان چھ مئی کو کیا جائے گا، سابق کپتان وقار یونس ہیڈ کوچ کا عہدہ سنبھالیں گے۔ پاکستا ن کرکٹ بورڈ قومی ٹیم کے لیے کوچنگ اسٹاف کی تلاش میں ہے جس کے لیے 5 مئی تک ہیڈ کوچ سمیت کئی عہدوں کے لیے درخواستیں طلب کی گئی ہیں۔
ذرائع کا کہنا ہے کہ اب تک موصول ہونے والی درخواستوں کے مطابق سابق کوچ وقاریو نس ہی ہیڈ کوچ کے مضبوط ترین امیدوار ہیں، پی سی بی کے ایک اعلیٰ عہدیدار کے مطابق بورڈ کی قائم کردہ کوچ کمیٹی چھ مئی کو تمام درخواستوں کا جائزہ لے گی اور ناموں کو فائنل کرے گی۔
کمیٹی کو یہ بھی اختیار ہے کہ فیلڈنگ کوچ یا اسٹرنتھ اینڈ کنڈیشنگ کوچ کے لیے وہ از خود بھی کسی کوالیفائڈ کوچ سے رابطہ کر سکتی ہے۔ ذرائع نے یہ بھی بتایا ہے کہ چھ مئی کو وقار یونس کو قومی ٹیم کا ہیڈ کوچ مقرر کرنے کا اعلان کردیا جائے گا۔
ملک بھر میں بجلی کی اعلانی اور غیر اعلانی لوڈ شیڈنگ سے لوگوں کا جینا دشوار
وینا ملک لاہور آنے کے بجائے شوہر کے ہمراہ کوہاٹ پہنچ گئیں
