حفاظتی ٹیکوں سے متعلق عوامی شعور کی آگاہی کے لئے سیو دی چلڈرن نے ڈاکیومنٹری فلم جاری کر دی

Posted on May 4, 2014 By Majid Khan سٹی نیوز, کراچی

کراچی : بچوں کی محفوظ زندگی کے لئے سرگرداں غیر سرکاری تنظیم سیو دی چلڈرن نے بچوں کو مختلف بیماریوں سے محفوظ اور مختلف ویکسی نیشن کی آفادیت کے حوالے سے عوام میں آگاہی کے لئے مختصر ڈاکیو منٹری فلم متعارف کرا دی فلم میں ویکسی نیشن کی افادیت سے متعلق ماہرین نے عوام کو بچوں کی ویکسی نیشن پر زور دیا۔

روٹین ایمونائزیشن کے حوالے سے سیو دی چلڈرن کی جانب سے ڈاکیو منٹری کی افتتاحی تقریب سے خطاب کرتے ہوئے سیو دی چلڈرن پاکستان پروگرام کے صوبائی ایڈوکیسی منیجر اقبال ڈیتھو نے کہا کہ پاکستان سمیت دنیا بھر میں 24اپریل سے 30اپریل تک ویکسی نیشن ویک منایا جارہا ہے جس کا مقصد عوام کو آگاہی فراہم کرنا ہے کیو نکہ صوبے بھر میں بچوں کی ویکسی نیشن کی کوریج انتہائی کم ہے انہوں نے میڈیا سے درخواست کی ایمونائزیشن کے حوالے سے عوام کو آگاہ کیا جائے اقبال ڈیتھو نے کہاکہ امراض سے بچائو کے لئے احتیاطی تدابیر سے آگاہ ہونا بے حد ضروری ہے۔اس موقع پر ڈائریکٹر این آئی سی ایچ ڈاکٹر جمال رضا،ڈاکٹر شہر بانو، ڈاکٹر وقار اور دیگر نے بھی خطاب کیا اور ڈاکیو منٹری کو سراہتے ہوئے اسے سیو دی چلڈرن کا اہم کارنامہ قرار دیا۔

by Majid Khan

Nasir Mehmood - Chief Editor at GeoURDU.com

کراچی : کورنگی روڈ پر ڈاکو راج ناکا لگا کر لوٹ مار شاہراہ فیصل کو ماڈل شاہراہ بنانے کے لئے شاہ فیصل زون بلدیہ کورنگی کی جانب سے انتظامات جاری