کراچی (جیوڈیسک) ایئر پورٹ سیکورٹی فورس نے پیر کے روز ایک امریکی شہری کے قبضے سے چھری اور گولیاں برآمد ہونے پر جناح انٹرنیشل ایئر پورٹ سے گرفتار کرلیا۔
امریکی شہری کو جوئل کاکس ایوجین کے نام سے شناخت کیا گیا جس کے قبضے سے میگزین کے ساتھ نائن ایم ایم پستول کی پندرہ گولیاں برآمد ہوئیں۔ وہ پی آئی اے کی ایک پرواز کے ذریعے اسلام آباد جارہے تھے۔
ایس پی ملیر راؤ انور نے کہا کہ گولیوں کو تحویل میں لے لیا گیا ہے اور اسے فارنسک ٹیسٹ کے لیے بھجوایا جائے گا۔ انہوں نے کہا کہ گولیوں کے سیریل نمبرز کو پہلے ہی بھجوادیا گیا اور ایئر پورٹ پولیس اسٹیشن پر کیس رجسٹر کرلیا گیا ہے۔
ٹی ٹی پی بھتہ خوروں سے مبینہ تعلق پر بزنس مین گرفتار
لاہور چڑیا گھر کی شان ببر شیر ”جمبو“ مر گیا
