گجرات کی خبریں 9/5/2014
Posted on May 10, 2014 By Geo1 Webmaster سٹی نیوز
ڈسٹرکٹ چیئرمین چوہدری عمر گجر مختصر دورہ پر دوبارہ ناروے روانہ ہو گئے،
گجرات(جی پی آئی)ڈسٹرکٹ چیئرمین چوہدری عمر گجر مختصر دورہ پر دوبارہ ناروے روانہ ہو گئے،تفصیلات کے مطابق ڈسٹرکٹ چیئرمین مصالحتی کمیٹیز چوہدری عمر گجر جو حال ہی میں ناروے، برطانیہ سمیت دیگر کئی ممالک کا دورہ کر کے وطن واپس لوٹے ہیں،اب وہ دوبارہ مختصر دورہ پر ناروے روانہ ہو گئے ہیں ناروے میں وہ کاروباری سرگرمیوں کو فروغ دینے اور تجارتی امور کو نپٹانے کے لئے ناروے کے ممتاز بزنس مینوں کے ساتھ اہم میٹنگز کریں گے،ناروے روانہ ہونے کے موقع پر لاہور ائیر پورٹ پر انکے دوست احباب اور قریبی رشتہ داروں نے انہیں الوداع کہا، چوہدری عمر گجر نے ائیر پورٹ پر صحافیوں سے گفتگو کرتے ہوئے کہا کہ پاکستان کے بزنس مینوں کو بزنس کے فروغ کے لئے زیادہ سے زیادہ خدمات سرانجام دینا چاہئیں، ملک میں سرمایہ کاری کو فروغ دینے کیلئے غیر ملکی دورے کر رہے ہیں اور پاکستان میں بیروز گاری سمیت دیگر مسائل کے حل کے لئے کوشاں ہیں اور انشاء اللہ اپنا بھر پور کردار ادا کرتے رہیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گیارہ مئی کو اسلام آباد میں ہونے والے پاکستان تحریک انصاف کے دھرنا میںدھدرا ہاؤس گجرات سے درجنوں گاڑیوں اورسینکڑوں کارکنوںکا قافلہ روانہ ہوگا، چوہدری عثمان منظور دھدرا
گجرات(جی پی آئی)اپنے لیڈر عمران خان کی ہر کال پر لبیک کہیں گے۔ گیارہ مئی کو اسلام آباد میں ہونے والے پاکستان تحریک انصاف کے دھرنا میںدھدرا ہاؤس گجرات سے درجنوں گاڑیوں اورسینکڑوں کارکنوںکا قافلہ روانہ ہوگا۔ان خیالات کا اظہارپاکستان تحریک انصاف ضلع گجرات کے بانی راہنما چوہدری عثمان منظور دھدرا نے گزشتہ روز دھدرا ہاؤس میں منعقدہ ایک اہم اجلاس میں خطاب کرتے ہوئے کیا۔اجلاس میں ضلعی صدرچوہدری الیاس ،چوہدری ناصر چھپر ،چوہدری ساجد یوسف چھنی،چوہدری زبیر ٹانڈہ،راجہ نعیم نواز،چوہدری اصغرٹوپہ،چوہدری وقارلنگڑیال ودیگر راہنما اس موقع پر موجودتھے۔اجلاس میں گیارہ مئی کو اسلام آباد میں ہونے والے پاکستان تحریک انصاف کے دھرنا کے حوالہ سے بات چیت کی گئی۔اجلاس کے شرکاء نے متفقہ طور پر اس بات کا فیصلہ کیا کہ گجرات سے جانے والے تمام قافلے سرائے عالمگیر میں اکھٹے ہوں گے اور وہاں سے ایک بڑے قافلہ کی صورت میں اسلام آباد کے دھرنا میں شرکت کریں گے۔انہوں نے کہا کہ انشاء اللہ گجرات سے جانے والا قافلہ پنجاب کے دیگر اضلاع سے جانیوالے قافلوں میں سے سب سے بڑا قافلہ ہوگا۔گجرات سے جانیوالا قافلہ سینکڑوں گاڑیوں اور ہزاروں کارکنوں پر مشتمل ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یونیورسٹی آف گجرات کے ساتھ الحاق کے لیے خواہشمند تعلیمی اداروں سے درخواستوں کی وصولی شروع ہو گئی
گجرات(جی پی آئی)یونیورسٹی آف گجرات کے ساتھ الحاق کے لیے خواہشمند تعلیمی اداروں سے درخواستوں کی وصولی شروع ہو گئی۔ رجسٹرار ڈاکٹر طاہر عقیل کے اعلان کے مطابق ایسے خواہشمندسرکاری و نجی کالجز جو مختلف مضامین کے حوالے سے 2 سالہ پروگرام اور ٹرم سسٹم کے تحت الحاق کے خواہشمند ہیں۔ ان اداروںکی انتظامیہ 31 مئی 2014 تک دس ہزار روپے پروسیسنگ فیس کے ہمراہ درخواستیں جمع کروا سکتی ہے۔ یونیورسٹی آف گجرات کی حدود سے باہر واقع کالجز بھی اپنے علاقے کی یونیورسٹی یا سرکار کی اجازت سے الحاق کے لیے درخواست جمع کروا سکتے ہیں ۔ دراخواست فارم یونیورسٹی آف گجرات کے شعبہ الحاق کے کمرہ نمبر CE-105 سے لیے جا سکتے ہیں یامنگوائے جا سکتے ہیں۔ مقررہ تاریخ 31 مئی کے بعد کوئی درخواست وصول نہیں کی جائے گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الیکشن 2013ء ہائی جیک ہوئے، عدالتی کمیشن بنا کر ہائی جیکروں کیخلاف آئین توڑنے کا مقدمہ چلایا جائے: چودھری پرویزالٰہی
گجرات(جی پی آئی) پاکستان مسلم لیگ کے سینئر مرکزی رہنما و سابق نائب وزیراعظم چودھری پرویزالٰہی نے کہا ہے کہ الیکشنـ2013 ہائی جیک کیے گئے تھے، عدالتی کمیشن بنا کر ہائی جیکروں کیخلاف آئین توڑنے کا مقدمہ چلا کر قرار واقعی سزا دی جائے تاکہ آئندہ کسی کو عوام کا مینڈیٹ پامال کرنے کی جرأت نہ ہو۔ وہ یہاں مسلم لیگ ہائوس میں پریس کانفرنس سے خطاب کر رہے تھے۔ کامل علی آغا، طارق بشیر چیمہ، محمد بشارت راجہ، چودھری ظہیر الدین، حافظ عمار یاسر، احمد یار ہراج، ڈاکٹر عظیم الدین زاہد لکھوی، چودھری الطاف حسین، قمر حیات کاٹھیا، محمد خان لغاری، سیمل کامران، ماجدہ زیدی ،کنول نسیم اور دیگر رہنما بھی ان کے ہمراہ تھے۔ چودھری پرویزالٰہی نے کہا کہ چیف الیکشن کمشنر کی بجائے الیکشن کرانے کا کام سابق چیف جسٹس افتخار محمد چودھری اور نتائج کا اعلان نواز شریف اور شہباز شریف نے ٹیک اوور کر لیا تھا، انتخابی عملے اور ریٹرننگ افسروں کو اپریل سے ہی جی او آر لاہور میں تشریف فرما ایک پردہ نشین سمیت کچھ لوگ کنٹرول کر رہے تھے اور فخر الدین جی ابراہیم صرف نام کے چیف الیکشن کمشنر تھے، انتخابی دھاندلی کا سب سے بڑا نشانہ پنجاب اور ہماری جماعت تھی، ہمارے ووٹ مسترد کر کے ہماری 44 سیٹیں چھین لی گئیں، 4 دسمبر 2012ء کو ہونے والے آخری ضمنی انتخابات اور پھر 2013ء کے عام انتخابات میں دھاندلی کے خلاف ہماری جماعت نے سب سے پہلے آواز اٹھائی۔ قبل ازیں پاکستان مسلم لیگ کے صدر و سابق وزیراعظم سینیٹر چودھری شجاعت حسین کی زیرصدارت یہاں ان کی رہائش گاہ پر پاکستان مسلم لیگ کے ارکان قومی و صوبائی اسمبلی، سینیٹرز، رہنمائوں اور قانونی ماہرین کا اجلاس ہوا۔ اجلاس میں 11 مئی کے حوالے سے متفقہ فیصلہ کیا گیا کہ پاکستان مسلم لیگ تحریک انصاف کے احتجاج اور ڈاکٹر طاہر القادری کے مشن کی بھرپور اخلاقی سپورٹ کرتی ہے، ہماری پارٹی کے وفود ان کی ریلیوں/ احتجاج میں شرکت بھی کریں گے۔ چودھری پرویزالٰہی نے کہا کہ سابق چیف جسٹس نے جوڈیشری کو انتخابی عمل میں شامل کر کے 2009ء میں اپنے دستخطوں سے جاری کردہ جوڈیشل پالیسی کی کھلم کھلا خلاف ورزی کی کہ آئندہ عدلیہ الیکشن کے عمل میں شامل نہیں ہو گی یہی نہیں بلکہ چیف الیکشن کمشنر کی بجائے چیف جسٹس ریٹرننگ افسروں کو زبانی اور تحریری ہدایات جاری کرتے رہے۔ 28 مارچ 2013ء کو چیف الیکشن کمشنر نے تمام سیاسی جماعتوں کے وفود سے ملاقات کے بعد اعلان کیا کہ تمام ادارے الیکشن میں مداخلت سے باز رہیں لیکن سابق چیف جسٹس نے ڈسٹرکٹ سے لے کر اسسٹنٹ ریٹرننگ افسروں تک کو خصوصی خط جاری کر کے آئینی طور پر انتخابات کرانے کے ذمہ دار چیف الیکشن کمیشن کی ہدایت کے برعکس الیکشن میں مداخلت شروع کر دی، کراچی، حیدر آباد، لاہور، پشاور، کوئٹہ میں جا کر ریٹرننگ افسروں سے بند کمروں میں ملاقاتیں اور خطاب کیا جس پر پاکستان بار کونسل اور سپریم کورٹ بار سمیت وکلاء تنظیموں نے شدید احتجاج کیا جبکہ الیکشن کے بعد سابق چیف جسٹس کی جانب سے تفویض کردہ ”خصوصی فرائض” کی کامیابی سے انجام دہی پر ریٹرننگ افسروں کو تعریفی اسناد اور شیلڈز دی گئیں۔ انہوں نے کہا کہ چیف الیکشن کمشنر کی بجائے چیف جسٹس کے الیکشن کرانے کے بعد الیکشن رزلٹ کے اعلان کا کام نواز اور شہباز شریف نے سنبھال لیا اور ابھی پندرہ سے بیس فیصد پولنگ اسٹیشنوں پر گنتی مکمل ہو سکی تھی کہ انہوں نے ساڑھے گیارہ بجے ہی اعلان کر دیا کہ ”ہم جیت گئے ہیں، ن لیگ کے سب سے بڑی پارٹی بن کر ابھرنے کی کنفرمیشن ہے اور صبح تک مزید بہتر نتائج آ جائیں گے کیونکہ میں چاہتا ہوں کہ ہمیں حکومت سنبھالنے کیلئے کسی کا سہارا نہ لینا پڑے”۔چودھری پرویزالٰہی نے مزید کہا کہ باریک کام ریٹرننگ افسروں کے کمروں میں ہو رہا تھا اور وہاں امیدواروں کا داخلہ ممنوع تھا، میں 1985ء سے الیکشن لڑ رہا ہوں لیکن کبھی داخلہ بند نہیں کیا گیا، انتخابی تاریخ میں اس بار ریکارڈ تعداد میں ووٹ مسترد کیے گئے اور اس کارروائی کے ذریعہ صرف ہماری جماعت پاکستان مسلم لیگ کو 15 قومی اور 29 صوبائی نشستوں سے محروم کر دیا گیا جبکہ فافن نے بھی اپنی رپورٹ میں ہمارے موقف کی مکمل حمایت کرتے ہوئے کہا کہ آخری دنوں پولنگ سٹیشن بغیر اطلاع تبدیل کرنے سے قومی اسمبلی کے 93حلقوں کے نتائج متاثر ہوئے جبکہ پولنگ کے وقت میں یکطرفہ اضافہ کیا گیا، ن لیگ والوں کے جعلی ووٹ بھی شمار کر لیے گئے اور سرگودھا میں نواز شریف کے ایک پولنگ اسٹیشن کے 8 ہزار ووٹ شمار کیے گئے جہاں کل ووٹ صرف 1530 تھے۔ انہوں نے کہا کہ اتنی بڑی دھاندلی سے دلبرداشتہ چیف الیکشن کمشنر فخر الدین جی ابراہیم نے اپنے عہدہ کی میعاد مکمل ہونے سے 3 سال قبل ہی استعفیٰ دیدیا۔ انہوں نے کہا کہ سابق چیف جسٹس اور شریف برادران میں گٹھ جوڑ کا ایک بڑا ثبوت یہ بھی ہے کہ انہوں نے شہباز شریف کے خلاف نااہلی کے مقدمہ کی لیو گرانٹ کے باوجود سماعت نہیں ہونے دی۔ انہوں نے کہا کہ ووٹوں کے تھیلے اس لیے نہیں کھول رہے کہ کوئی بھی تھیلا کھولنے سے ان کی دھاندلی کھل کر سامنے آ جائے گی۔ انتخابی دھاندلی میں نجم سیٹھی کے ملوث ہونے کے بارے میں سوال پر انہوں نے کہا کہ الیکشن میں نگران وزیراعلیٰ کا کوئی کردار نہیں ہوتا۔ انہوں نے مہنگائی، بیروزگاری، بجلی، گیس کی لوڈشیڈنگ، جرائم اور دیگر عوامی مسائل میں اضافہ پر کہا کہ دھاندلی کی پیداوار حکومت عوام کے مسائل کبھی بھی حل نہیں کر سکتی۔#
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سبز انقلاب کا سورج طلوع ہونے کے قریب ہے استحصال اور ظلم کی رات ختم ہونے والی ہے، سلیم رضا
گجرات(جی پی آئی)پاکستان عوامی تحریک یوتھ ونگ گجرات کے ضلعی صدر سلیم رضا نے گجرات میں مختلف یونین کونسل کے عہدیدران سے گفتگو کرتے ہوئے کہا ہے کہ سبز انقلاب کا سورج طلوع ہونے کے قریب ہے استحصال اور ظلم کی رات ختم ہونے والی ہے 11مئی کو انسانی سروں کا سمندر نکلے گا، عوامی 11مئی کو گھروں سے نکل کر حکمرانوں کو پیغام دینگے ان کے اقتدار کا سورج کسی بھی وقت غروب ہو سکتا ہے ، سبز انقلاب اس دھرتی کا مقدرر ہے اور عوام اپنی تقدیر خود لکھیں گے۔ اس ملک کا نوجوان اب بیدار ہو چکا ہے جو کرپٹ اور جاگیردارانہ نظام کے خاتمہ کے لیے ڈاکٹر طاہر القادری کے ساتھ کھڑا ہے ۔65سال سے مسلط ان ظالم حکمرانوں نے سوائے غربت ، افلاس، تنگدستی، دہشت گردی اور بدامنی کے سوا کچھ نہیں دیا ۔ موجودہ حکمران اپنی ڈوبتی کشتی کو بچانے کے لیے عوام کے پیسے سے ٹی وی چینلز پر اشتہارات چلوا رہے ہیں، اور ہمارے کارکنان کو ہراساں کیا جارہا ہے لیکن عوام باشعور ہیں و ہ ان کے کالے کرتوتوں سے بخوبی آگاہ ہیں 11مئی کو پتہ چل جائے گا کہ عوام کس کے ساتھ ہیں ۔11مئی کا اگر ہمارے کارکنان کو روکنے کی کوشش کی گئی تو حالات کی ذمہ دار حکومت ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رائے اعجاز احمد نے اردل روم میں تھانہ صدرگجرات کے انسپکٹر امجد گجر کو سب انسپکٹر جبکہ سب انسپکٹر مہندی خاں گجر کو اے ایس آئی اور رب نواز اے ایس آئی کو ہیڈ کانسٹیبل بنادیا
گجرات(جی پی آئی)ڈی پی اوگجرا ت رائے اعجاز احمد نے اردل روم میں تھانہ صدرگجرات کے انسپکٹر امجد گجر کو سب انسپکٹر جبکہ سب انسپکٹر مہندی خاں گجر کو اے ایس آئی اور رب نواز اے ایس آئی کو ہیڈ کانسٹیبل بنادیا یادرہے کہ ڈی پی او گجرات نے ناقص کارکردگی پر ان پولیس آفسران کو ریورس گیئر لگا یاہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انچارج چوکی غازی چک پولیس نے منشیات فروش سے 2300بوتل شراب برآمد کرلی
گجرات(جی پی آئی)انچارج چوکی غازی چک پولیس نے منشیات فروش سے 2300بوتل شراب برآمد کرلی اور مقدمہ درج کرلیا بتایا گیا ہے کہ چوکی انچارج غازی چک طارق محمود نے بدنام زمانہ منشیات فروش محمد اقبال ڈسکہ کے قبضہ سے دوران ناکہ بندی 2300بوتل شراب کپی برآمد کرکے مقدمہ درج کرلیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب حکومت نے طارق جاوید کو تحصیل آفیر ریگولیشن تعینات کردیا ہے ا
گجرات(جی پی آئی)پنجاب حکومت نے طارق جاوید کو تحصیل آفیر ریگولیشن تعینات کردیا ہے انہوں نے اپنے عہدہ کا چارج سنبھال کر کام شروع کردیا ہے طارق جاوید کو لاہورسے گجرات تعینات کیا گیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گرفتار ہونے والے چھ دہشت گردوں کا تعلق گجرات اور گنجاہ سے ہے DPO
گجرات(جی پی آئی)ڈی پی او گجرات رائے اعجاز احمد نے پریس کانفرنس میں بتایا کہ گرفتار ہونے والے چھ دہشت گردوں کا تعلق گجرات اور گنجاہ سے ہے یہ دہشت گرد اپنی فیملی کے ہمراہ شناخت تبدیل کرکے شہر گجرات میں مختلف جگہوں پر کرایہ کے مکانوں میں رہائش پذیر تھے گرفتار ہونے والے دہشت گردوں نے انکشاف کیا ہے کہ وہ یونیورسٹی گجرات کی اعلیٰ شخصیت کو قتل کرنا چاہتے تھے گرفتار ہونے والے دہشت گرد کا تعلق طالبان ، کالعدم تنظیموں کے ساتھ بتایا جاتاہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انعامات کا اعلان
گجرات(جی پی آئی)مبینہ طور پر دہشت گردوں کو گرفتار کرنے والے تھانہ گنجاہ کے ایس ایچ او شاہد تنویر ، سی آئی اے سٹاف کے انسپکٹر ملک مبشر حسین اور انسپکٹر سعید وڑائچ ودیگر پولیس ملازمین کو نقد انعامات اور تعریفی سرٹیفکیٹ دینے کا بھی ڈی پی او نے اعلان کیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حاجی چوہدری محمد ریاض ڈوگہ برادر ان لاء چوہدری انعام اللہ ڈوئیاں کو اللہ تعالیٰ نے بیٹا عطا فرمایا
گجرات(جی پی آئی)حاجی چوہدری محمد ریاض ڈوگہ برادر ان لاء چوہدری انعام اللہ ڈوئیاں کو اللہ تعالیٰ نے بیٹا عطا فرمایا جس پر ڈاکٹر شفقت اللہ ، منور کھوکھر ، ڈپٹی کنوینئر تھانہ دولت نگر، سید طارق حسین شاہ، ارشد لکی سویٹ دولت نگر ، کیپٹن مسرت اقبال، مولوی عمران، خرم بٹ،ایڈووکیٹ عطا الرحمن ، ایڈووکیٹ خرم صادق نے مبارکباد دی۔اور بچے کیلئے دُعائیاں کلمات کہے
گجرات کی خبروں کی تصویری جہلکیاں
