کراچی : بھٹہ محمڈن فٹ بال کلب کیماڑی کے زیر اہتمام کے پی ٹی فٹ بال اسٹیڈیم کیماڑی میں جاری آل کراچی خان محمد میموریل فٹ بال ٹورنامنٹ کے آخری کوارٹر فائنل مقابلے میں کیماڑی یونین نے ایک سخت اور کانٹے دار مقابلے کے بعد مد مقابل فرنٹئیر سٹی کو پنالٹی ککس پر 4-2 سے زیر کرکے سیمی فائنل تک کوالیفائی کر لیا کھیل کے ابتداء ہی سے دونوں ٹیموں نے نہایت تیز کھیل کا آغاز کیا اور ایک دوسرے کے گول پوسٹ پر بھر پور حملے کئے لیکن پورے کھیل کے دوران کوئی بھی ٹیم گول اسکور کرنے میں ناکام رہی۔
جس پر ریفری کے کے فیصلے کے مطابق پنالٹی ککس مرحلے میں کیماڑی یونین کے منظور، یوسف کاکا، عامر اور شیر گل نے درست نشانہ بازی کی جبکہ فرنٹئیر سٹی کے امجد اور حیات خان نے ہی ککس پر گول کرنے میں کامیاب رہے۔ آل کراچی خان محمد میموریل فٹ بال ٹورنامنٹ کا پہلا سیمی فائنل مقابلہ خیبر مسلم بمقابلہ کیماڑی محمڈن آج کھیلا جائے گا ٹورنامنٹ کے آخری خوارٹر فائنل میں ریفری کے فرائض نیشنل فٹ بال ریفری سلیم فیض، داد رحمن اور عمران نے انجام دیء جبکہ میچ کمشنر موسیٰ خان اور میڈیا کوارڈینٹر کے فرائض شیر افضل نے انجام دیئے۔
ایکسپورٹ پراسیسنگ زون کی اپریل میں ریکارڈ برآمدات
شہر میں جاری آپریشن سیاسی مصلحتوں کا ہر گز شکار نہیں ہو گا، ایڈیشنل آئی جی کراچی
