کراچی (جیوڈیسک) کراچی میں فائرنگ اور پرتشدد واقعات میں چار افراد جاں بحق ہو گئے ، رینجرز نے ماڑی پور روڈ سے تین دہشت گردوں کو گرفتار کر لیا۔
اورنگٰی ٹاؤن سیکٹر بارہ اور گلشن ضیا سے دو افراد کی تشدد زدہ لاشیں ملی ہیں ، مقتولین کی شناخت نہیں ہو سکی۔ لاشیں پوسٹ مارٹم کے لئے ہسپتال منتقل کر دی گئیں۔ کیماڑی مسان چوک کے قریب نامعلوم سمت سے آنے والی گولی لگنے سے ایک شخص جاں بحق ہو گیا۔
مقتول کی شناخت شہباز خان کے نام سے ہوئی ہے۔ لیاقت آباد میں بھی فائرنگ کے نتیجے میں ایک شخص زخٕمی ہوا جو ہسپتال میں دوران علاج چل بسا۔ دوسری جانب رینجرز نے ماڑی پور روڈ پر کارروائی کرتے ہوئے کالعدم تنظیم سے تعلق رکھنے والے تین دہشت گرد گرفتار کر لیے ، ملزمان کے قبضے سے اسلحہ بھی برآمد ہوا۔
کراچی: ملیرندی کچرا کنڈی میں تبدیل، تھوڑی سی بارش سے سیلاب کا امکان
سپریم کورٹ میں کیسز کی سماعت کے لئے چار بنچ تشکیل
