پیرمحل کی خبریں 11/5/2014
Posted on May 11, 2014 By Geo1 Webmaster سٹی نیوز
کپاس کی بروقت کاشت سے پیداوار میں 30سے 40فیصد اضافہ کیا جاسکتا ہے
پیرمحل(میاں اسد حفیظ سے ) کپاس کی بروقت کاشت سے پیداوار میں 30سے 40فیصد اضافہ کیا جاسکتا ہے ، پانی میں بچت ہوسکتی ہے ان خیالات کااظہار ڈائریکڑ جنرل زراعت پنجاب ڈاکٹر انجم علی نے چک نمبر 673/14گ ب میںکاشت کاروںسے خطاب کرتے ہوئے کہاکہ سابقہ ادوار میں پنجاب بھر میں 62لاکھ ایکڑ پر کپاس کاشت کی جاتی تھی لیکن اب کپاس کی کاشت انتہائی کم ہو تی جارہی ہے محکمہ زراعت اور کسان دونو ں ہی مل کراسکی کاشت میں اضافہ اور پیداوار بڑھانے میں معاون ثابت ہو سکتے ہیں، ضلع ٹوبہ ٹیک سنگھ ہمیشہ ہی کپاس کی پیداوار کے حوالے مشہور رہا ہے لیکن کماد، چاول کی فصلوں میں اضافہ کی وجہ سے کپاس کی پیداوار میں کمی واقع ہو ئی ہے زراعت کا پانی ایک دوسرے کے لئے لازم و ملزوم ہیں ، پانی کے بغیر زراعت ناممکن ہے ، گندم کے کاشتکاروں کے درمیان گندم کی بہتر کاشت کے مقابلہ جات کروائے گئے جس میں پنجاب بھر میںکسانوں میں 13کروڑ روپے کے انعامات دئیے جائیں گے۔ فصلوں میں جڑی بوٹیاں پیدا ہونے میں پیداوار کم ہو جاتی ہے،ان پر جڑی بوٹی مار ادویات استعمال کرکے ان کو کنٹرول کیا جاسکتا ہے،سال 2013میں جعلی کھاد تیار کرنے اور فروخت کرنے والوں سے ڈیڑھ کروڑ سے زیادہ کی کھادیں برآمد کرکے 375مقدمات درج کروائے گئے، زرعی ادویات فروخت کرنے والی کمپنیوں اور ڈیلروں سے 8200نمونہ جات حاصل کئے گئے ان میں سے 362نمونہ جات غیر معیاری آنے پر ان کمپنیوں اور ڈیلروںکے خلاف مقدمات درج کیے گئے، یورپی یونین کی طرف سے بھارت کے آم پر پابندی کے بعد پاکستانی آم کی مانگ میں بہت زیادہ اضافہ ہو گیا ہے،ان موقع پرای ڈی او زراعت ٹوبہ چوہدری مشتا ق احمد، ڈسٹر کٹ آفیسرزراعت میاں عبدالرشید، خالد محمود ، شاہد جاوید فضل رسول،چوہدری محمد اکرم ،جاوید نمبردار، چوہدری ریاض احمد،میاں آصف جاوید سمیت کاشتکاروں کی کثیر تعداد نے شرکت کی۔ ( تصویرہمراہ ہے)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل مرکز میں گندم کی خریداری کا سلسلہ شروع کردیا گیاحکومت پنجاب
پیرمحل(میاں اسد حفیظ سے ) پیرمحل مرکز میں گندم کی خریداری کا سلسلہ شروع کردیا گیاحکومت پنجاب نے تقریبا دولاکھ 85ہزاربوری گندم خریدنے کا ٹارگٹ دیا ہے گندم خریداری کا ہدف باآسانی پو را کر لیا جائے گا ان خیالات کا اظہار میاں محمود علی رامے انچارج گندم خریداری مرکز پیرمحل نے صحا فیوں سے گفتگو کرتے ہوئے کہا تحصیل پیرمحل میں گندم کی خریداری اور باردانہ کی تقسیم شروع ہو چکی ہے ۔اجراء باردانہ کے دولاکھ 60ہزار بوریاںکا شتکاروں میں تقسیم کر دی گئی ہیں ایک لاکھ چوبیس ہزار گندم کی بوریاں خرید لی ہیں گندم خریداری کا ٹارگٹ آسانی سے پورا کرلینگے۔ گندم خریداری مہم31مئی تک جاری رہے گی انہوں نے کہاکہ مقرر کردہ ٹارگٹ گندم خرید لی جائے گی کسانوں کو باردانہ فراہم کردیا گیا ہے اور گندم کی خریدکا کام دن رات جاری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاڈو اسپیکر ایکٹ کی خلاف ورزی پر مقدمہ درج تفصیل کے مطابق تھانہ پیرمحل
پیرمحل(میاں اسد حفیظ سے )لاڈو اسپیکر ایکٹ کی خلاف ورزی پر مقدمہ درج تفصیل کے مطابق تھانہ پیرمحل پولیس نے جمعتہ المبارک کے موقع پر لاوڈ اسپیکرکا استعمال کرنے پر گائوں728گ ب کی مسجد انوار مدینہ کے خطیب فیصل کریم ولد کریم بخش کے خلاف 3ایمپلی فائرایکٹ کے تحت مقدمہ کا اندراج کرکے کاروائی شروع کردی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میاں اختر جاوید ایڈوکیٹ تحصیل صدر تحریک انصاف پیرمحل نے کہا ہے
پیرمحل(میاں اسد حفیظ سے )میاں اختر جاوید ایڈوکیٹ تحصیل صدر تحریک انصاف پیرمحل نے کہا ہے کہ پی ٹی آئی نے اپنا جمہوری حق استعمال کرنے کا فیصلہ کیا ہے حکومت بوکھلاہٹ کا شکار ہونے کی بجائے انتخابی دھاندلیوں سے متعلق آئینی اور قانونی راستہ اختیار کرے،انہوں نے کہا کہ عمران خان کی احتجاج کی کال ہر شہری کے دل کی آواز ہے انہوں نے حکومت اور اداروں کو پورا موقع دیا ہے کہ وہ انتخابات میں ہونے والی بے قاعدگیوں کی چھان بین کریں لیکن چور کی داڑھی میں تنکا مصداق صرف 4حلقوں کو بھی اوپن نہیں کیا جارہا اور عوام کے چوری شدہ مینڈیٹ پر حکمرانی کرنے والے قومی مسائل حل کرنے کی اہلیت نہیں رکھتے جس کا پہلے ایک سال میں بھرپور اظہار ہوگیا ہے انہوں نے کہا کہ انتخابی دھاندلیوں کے خلاف احتجاج کرنا تحریک انصاف کا جمہوری اور آئینی حق ہے اگر مقصد حکومت ختم کرنا ہوتا تو اسے ایک سال پہلے قائم ہی نہ ہونے دیتے ۔انہوں نے کہا کہ عمران خان نے ملکی حالات کے پیش نظر بہترین فیصلے کیے اور اب وقت آگیا ہے کہ حکومت کو قومی سطح پر ہونے والی بے ضابطگیوں سے آگاہ کیا جائے 11مئی کو تمام شعبہ ہائے زندگی کے عوام باہر نکل کر موجودہ حکومت سے اظہار لاتعلقی کریں گے۔
بھمبر: گزٹیڈ آفیسر ایسوسی ایشن فرینڈز پینل کا ضلع بھمبر کے آفیسر ان کے ساتھ گروپ فوٹو
