ڈنگہ کی خبریں 11/5/2014
Posted on May 12, 2014 By Geo1 Webmaster سٹی نیوز
ڈنگہ : ظالم حکمران اور ان کی جمہوریت قوم کو نہیں چاہئے ،چوہدری اعجاز رنیاں
ڈنگہ (محمد بلال احمد بٹ) پاکستان مسلم لیگ ق امیدوار صوبائی اسمبلی حلقہ پی پی 113 چوہدری اعجاز احمد رنیا ں نے اپنے بیان میں کہا ہے کہ ظالم حکمران اور ان کی جمہوریت قوم کو نہیں چاہئے ، جمہوریت کی بساط کو ایک مرتبہ پھر لپیٹ میں لینے کے لیے عوام سڑکوں پر نکل آئے ہیں کیونکہ موجودہ حکومت نے اب تک عوام کو اُن کے حقوق نہیں دیے ، نقص امن کی وجہ غیر ذمہ دارانہ حکومتی رویہ ہے ،اُنہوں نے کہا کہ موجودہ حکومتی نمائندے حقوق غصب کرنے کی پالیسیاں اپنا کر اور بڑھتی ہوئی مہنگائی پر چشم پوشی اختیار کرکے عوام کی معاشی حالت کو مزید ابتر کررہے ہیں ، بے رحم حکمران ،آٹا اور مہنگائی مافیا ، قوم کو بے رحم بننے پر مجبور نہ کریں عوام اگر بے رحم ہوگئے تو پھر سب کا کڑا احتساب ہوگا اور ذمہ داران کو عوامی عدالت میں ہی سزاملے گی ، 18 کروڑ عوام ریلیف چاہتے ہیں اور عوام کو ریلیف کی فراہمی حکومت وقت کی اولین ذمہ داری ہے جوکہ اب تک حکومت نے ادا نہیں کی، تعلیم واحد ذریعہ ہے جو قوم کو ترقی کی منازل طے کرنے کا سامان فراہم کرتا ہے ، دہشت گردی کی بڑی وجہ جہالت اور پسماندگی ہے ، تا ہم موجودہ حکومت تعلیمی اداروں کو سیاست کی نذر کر رہی ہے ، تعلیمی اداروں میں سیاسی رسوخ کا ناجائز استعمال مستقبل تاریک بنا سکتا ہے ، معاشرہ میں امن اور ترقی کے لیے تعلیمی میدان میں چوہدری پرویز الٰہی کے دور میں شروع ہونے والے تعلیمی انقلاب کی پالیسیوں کو جاری کیا جائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پاکستان وسائل سے مالامال ہونے کے باوجود غربت،بے روزگاری،مہنگائی،توانائی بحران اور قرضوں کی دلدل میں پھنساہواہے،چوہدری دلاور خاں گکھڑ آف انگلینڈ
ڈنگہ (محمد بلال احمد بٹ) پاکستان مسلم لیگ ق اوورسیز راہنما چوہدری دلاور خاں گکھڑ آف انگلینڈ نے کہا کہ پاکستان وہ بدقسمت ملک ہے جو مادی وانسانی وسائل سے مالامال ہونے کے باوجود غربت،بے روزگاری،مہنگائی،توانائی بحران اور قرضوں کی دلدل میں پھنساہواہے۔آدھی آبادی خط غربت سے نیچے زندگی گزارنے پر مجبورہے۔یہ معاشی بحران قومی سلامتی کے لئے خطرہ بن چکا ہے۔معاشی ماہرین موجودہ دور حکومت کوبھی سابقہ ادوار کاتسلسل ہی قرار دے رہے ہیں جوکہ قوم کے لئے تشویشناک بات ہے۔قرضوں پر چلنے والی معیشت کبھی ترقی نہیں کرسکتی۔انہوں نے کہاکہ حکومتی پالیسیوں کی بدولت عام شہری کی مشکلات میں بے پناہ اضافہ ہوچکاہے۔حکومت نے بنیادی ضروریات زندگی کی قیمتوں میں اس بے دردی سے اضافہ کیا ہے کہ غریب عوام پیٹ بھرکرروٹی کھانے کے قابل نہیں رہے۔حکومت کے پہلے صرف چھ مہینوں میں آٹا50روپے فی کلو سے تجاوز کرگیا۔حکمرانوں کی ناقص کارکردگی کی بنیاد پر پاکستان مہنگائی کے اعتبار سے ایشیا کی سترہ خراب معیشتوں میںپہلے نمبرپرآچکاہے۔حکمرانوں نے اگر آئندہ بجٹ میں عوام کوریلیف نہ دیاتو ان کاحال بھی ماضی کے حکمرانوں جیساہوگا۔ڈالرکو98روپے تک لانے کاکریڈٹ لینے والے مہنگائی کنٹرول کرنے میں بری طرح ناکام ہوچکے ہیں۔ڈالر کے سستے ہونے کے اثرات عوام الناس کی زندگیوں پر کہیں نظر نہیں آتے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :اوورسیز نمائندہ ممتاز شخصیت شیخ محمد حنیف ہالینڈ کی ہمشیرہ اورشیخ طالب حسین کی زوجہ قضائے الٰہی سے وفات پا گئیں
ڈنگہ (محمد بلال احمد بٹ)اوورسیز نمائندہ ممتاز شخصیت شیخ محمد حنیف ہالینڈ کی ہمشیرہ ، نوجوان صحافی واحد حنیف ڈائریکٹر ایس ایل پروڈکشن ڈنگہ ، زاہد حنیف ، عالم حسن ، ندیم حنیف کی پھوپھی ، شیخ خالد حسین ، شیخ محمد ظفر ، شیخ ساجد حسین ، شیخ آصف حسین ، شیخ ناصر حسین کی والدہ اور شیخ طالب حسین کی زوجہ قضائے الٰہی سے وفات پا گئی، مرحومہ کا ختم قل اُن کے آبائی گائوں پنن وال میں پڑھا گیا،معززین علاقہ وگرد و نواح کی سیاسی و سماجی شخصیات کی کثیر تعداد شریک ہوئی ، ڈنگہ سے نمایاں شرکاء میں شیخ محمد اکبر ، رُخسار احمد فرنیچر والے ، ضیغم عباس ، محمد اکرم ، نوید شہزاد مغل ، وسیم اقبال ، میاں ایوب خاور سیفی ، شریک تھے۔ مرحومہ کے درجاتِ بلندی کے لیے علامہ اصغر علی روحانی آف شیخو چک نے موت و حیات پر خصوصی فلسفہ بیان کیا اور مرحومہ کی روح کو ایصالِ ثواب کیلئے فاتحہ خوانی کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ضلعی اور تحصیل انتظامیہ کو سبق یاد دلانے والوں کو میں انکا سبق یاد دلانا چاہتا ہوں سول ،محمد عمران بھٹی
ڈنگہ(محمد بلال احمد بٹ)ایڈمنسٹریٹر مارکیٹ کمیٹی ڈنگہ و صدر مسلم لیگ سٹی ڈنگہ محمد عمران بھٹی نے اپنے تحریری بیان میں کہا ہے کہ ضلعی اور تحصیل انتظامیہ کو سبق یاد دلانے والوں کو میں انکا سبق یاد دلانا چاہتا ہوں سول سوسائٹی اور انتظامیہ نے اپنا فرض ادا کیا ہے جبکہ موصوف نے ہمیشہ منشیات فروشوں اور چیرہ دستوں کی حوصلہ افزائی کی ہے پچیس سال حکومت میں رہنے کے باوجود کسی مثبت سرگرمی کا حصہ نہ بن سکے،منفی اور اوچھے ہتھکنڈے استعمال کئے،انہوں نے کہا کہ آج ڈنگہ شہر ہی نہیں بلکہ تحصیل و ضلع گجرات کی انتظامیہ سکھ کا سانس لے کر اپنے فرائض سر انجام دے رہی ہے،کیونکہ وہ جانتے ہیں کہ انہیں ضلع گجرات میں ایک دیانت دار صالح قیادت میسر آگئی ہے ہم اپنے رب ذولجال کا شکرادا کرتے ہیں کہ ہمارے پروردگار نے ہمیں نیک اور صالح قیادت سے نوازا ہم اپنے قائد کی قیادت میں مثبت سرگرمیوں اور اصلاحی کاموں کی حمایت کرتے رہیں گے اور ضلع و تحصیل انتظامیہ سے توقع کرتے ہیں کہ وہ ایسے حوصلہ شکنی کرداروں کو مسترد کر دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : تاجران پر لائسنس تجدید فیس اور ایڈوانس انکم ٹیکس سمیت مارکیٹ کمیٹی کے واجبات کی ادائیگی لازمی ہے،محمد عمران بھٹی
ڈنگہ(محمد بلال احمد بٹ)ایڈمنسٹریٹر مارکیٹ کمیٹی محمد عمران بھٹی نے کہا ہے کہ تاجران پر لائسنس تجدید فیس اور ایڈوانس انکم ٹیکس سمیت مارکیٹ کمیٹی کے واجبات کی ادائیگی لازمی ہے،وہ ہر صورت میں ادا کرنے ہوں گے،اگر کسی کو اعتراض ہے تو وہ ڈائریکٹر ان لینڈ سے معافی مانہ لے آئیں ورنہ ٹیکس وصول کرنا ہمارا فرض ہے،ہم نے تاجران کو واجبات کی ادائیگی کے نوٹس جاری کر دیئے ہیں امید کرتے ہیں کہ تاجر بھائی ہمیں واجب الادا ٹیکس کی وصولی کیلیے انتہائی قدم اٹھانے پر مجبور نہیں کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ میں سمارٹ ٹی وی کا جلدافتتاح ہو گا،کسٹمرز کو بے شمار چینلز کی سہولت دی جائے گی،محمد ہاشم
ڈنگہ(محمد بلال احمد بٹ)انچارج ون سٹاپ شاپ محمد ہاشم نے کہا ہے کہ ڈنگہ میں سمارٹ ٹی وی کا جلدافتتاح ہو گا،کسٹمرز کو بے شمار چینلز کی سہولت دی جائے گی،انہوںنے کہا کہ محکمہ پی ٹی سی ایل اپنے کسٹمرز کو مختلف سہولیات فراہم کر رہا ہے اس وقت evoبالکل مفت دی جا رہی ہے جن حرات نے evoلینی ہو وہ جلد ون سٹاپ شاپ رابطہ کریں انہوں نے بتایا کہ ون سٹاپ شاپ پر صارفین کے بل فوری جمع کئے جاتے ہیں یہ محکمہ کی ان ہائوس سہولت ہے، اس موقع پر ون سٹاپ شاپ میں موجود کسٹمرز کا کہنا ہے کہ جب سے محمد ہاشم نے چارج سنبھالا ہے ہر کام بہترین طریقے سے جلد سے جلد ہو رہا ہے،حمد ہاشم مکمل گائیڈ کر کے کسٹمرز کو مطمئن کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگی راہنما سید فیض الحسن شاہ کلیوال سیداں گذشتہ روز ڈنگہ آئے
ڈنگہ(محمد بلال احمد بٹ)مسلم لیگی راہنما سید فیض الحسن شاہ کلیوال سیداں گذشتہ روز ڈنگہ آئے،انہوں نے سابق ناظم اے ٹی آئی اسجد شہباز صدیقی کے والد اور ممتاز تاجر حاجی محمد سرور صراف کے بھائی کی وفات پر تعزیت کا اظہار کیا اور فاتحہ خوانی کی،علاوہ ازیں انہوں نے مختلف عوامی وفود سے ملاقات کی اس موقع پر چوہدری ساجد محمود،چوہدری آفتاب احمد،مہر ساجد حسین،عاصم علی،خالد حسین بھٹی بھی ان کے ہمراہ تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :مجھ پر قاتلانہ حملہ کرنے والے ملزم ابھی تک گرفتار نہیںہو سکے،میں افتخار احمد آف کولیاں شاہ حسین
ڈنگہ(محمد بلال احمد بٹ)مجھ پر قاتلانہ حملہ کرنے والے ملزم ابھی تک گرفتار نہیںہو سکے،ان خیالات کا اظہار رئیس آف کولیاں شاہ حسین میاں افتخار احمد نے کیا انہوں نے کہا کہ صرف ایک ملزم پکڑا گیا ہے مجھے ان ملزموں سے جان کا خطرہ ہے میرے ملزم جلد از جلد گرفتار کئے جائیں ان ملزموں کے خلاف تھانہ ڈنگہ میں ایف آئی آر بھی ایک ماہ سے زیادہ عرصہ ہو گیا ہے باقاعدہ درج ہے رئیس کولیاں میاں افتخاراحمد نے کہا کہ ابھی تک مجھ پر قاتلانہ حملہ کرنے والے سارے ملزم گرفتار نہیں ہوئے لیکن ایک ملزم پکڑا گیاہے مگر اس کے عزیز و اقارب کا میں بہت احترام کرتا ہون انہوں نے تھانہ ڈنگہ میں اپنے ملزم کے بارے میں انکوائری شروع کروائی اور کہتے ہیں یہ بے گناہ ہے اور ان کو میں نے کہا کہ اس کی بے گناہی کا ثبوت دیں مگر وہ بے گناہی کا ثبوت نہیں دے سکے ،انہوں نے ڈی پی او گجرات،آر پی او گوجرانوالہ سے سے بذریعہ اخبار درخواست کی ہے کہ میری داد رسی کی جائے اور میرے ملزموں کو گرفتار کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :موجیانوالہ نہر کے قریب 2ڈے جشن نیزہ بازی کا شاندار پروگرام مورخہ 18,17کو منایا رہا ہے
ڈنگہ(محمدبلال احمد بٹ)جشن بہاراں موضع امرہ خورد نزد موجیانوالہ نہر کے قریب 2ڈے جشن نیزہ بازی کا شاندار پروگرام مورخہ 18,17کو منایا رہا ہے پنجاب بھر سے تقریبا 500گھڑ سوار نیزہ بازی کے مقابلوں میں حصہ لینے کیلئے امرہ میں آئیں گے پروگرام ملن میرج ہال منڈی بہائو الدین روڈ چوہدری جاوید اقبال آف امرہ کروا رہے ہیں ،کمنٹیٹر کے فرائض غلام حسین حیدری اور ان کے ہمنواانجام دیں گے، جج نیزہ بازی میاں محمد انور آف سمندر،نواب بابکا اور میاں ارشد حیات کولیاں شاہ حسین ہونگے جشن نیزہ بازی میں خصوصی شرکت الغنی کلب نیزہ بازی کے مایہ ناز ریڈر شیخ کامران نسیم الغنی بمعہ پوری ٹیم اور رائل کلب آف پاکستان،شاہین کلب اور پنجاب پیکنگ کلب آف پاکستان کے بیسٹ ریڈر اپنی پوری ٹیم کے ہمراہ حصہ لیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری راصف آہیر کا ڈنگہ پریس کلب رجسٹرڈکا جنرل سیکرٹری منتخب ہونا ان کی اعلیٰ صلاحیتوں کا اعتراف ہے،چوہدری عبدالرزاق
ڈنگہ(محمدبلال احمد بٹ)چوہدری عبدالرزاق ایم ڈی کوکا کولا ایجنسی ڈنگہ و سابق کونسلر نے اپنے بیان میں کہا ہے کہ چوہدری راصف آہیر کا ڈنگہ پریس کلب رجسٹرڈکا جنرل سیکرٹری منتخب ہونا ان کی اعلیٰ صلاحیتوں کا اعتراف ہے انہوں نے کہا میں انہیں دل کی اتھاہ گہرائیوں سے مبارکباد پیش کرتا ہوں اور امید ہے کہ ان کی قیادت میں ڈنگہ پریس کلب رجسٹرڈ مزید متحرک و فعال کردار ادا کرے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ شہر اور گردونواح میں بھی مچھر مار سپرے کروایا جائے،عوامی حلقے
ڈنگہ(محمد بلال حمد بٹ)عوامی حلقوں نے مطالبہ کیا ہے کہ ڈنگہ شہر اور گردونواح میں بھی مچھر مار سپرے کروایا جائے، عوامی حلقوں کا کہنا ہے کہ مچھروں کی بہتات سے ملیرا جیسے موذی امراض پھیل رہے ہیں جبکہ رات کا سکون بھی برباد ہورہا ہے،بجلی کی لوڈشیڈنگ کی وجہ سے مچھر کاٹتے ہیں بچوں میں خصوصی طور پر بیماریاں پھیل رہی ہیں جبکہ ٹی ایم او کا کہنا ہے کہ محکمہ صحت ادویات فراہم نہیں کر رہا اگر ادویات دے دی جائیں تو فوری طور پر سپرے کروائیں گے۔
۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :وزیراعظم کے حکم کی تعمیل یا تحریک انصاف کے احتجاج کے خوف سے بجلی کی لوڈشیڈنگ میں نمایاں کمی ہونے سے گرمی سے ستائے ہوئے چہرے کھل اٹھے
ڈنگہ(محمد بلال احمد بٹ)وزیراعظم کے حکم کی تعمیل یا تحریک انصاف کے احتجاج کے خوف سے بجلی کی لوڈشیڈنگ میں نمایاں کمی ہونے سے گرمی سے ستائے ہوئے چہرے کھل اٹھے۔تفصیلات کے مطابق ،گیارہ مئی کو پاکستان تحریک انصاف نے ڈی چوک اسلام آباد میں دھرنے کا اعلان کیا ہے جو کہ بجلی گیس،بے روزگاری مہنگائی سے تنگ آچکے ہیں انہوں نے بھی دھرنے میں شرکت کیلئے تیاریاںکر لی تھیں، دوسری طرف ملک بھر میں پندرہ سے بیس گھنٹے لوڈشیدنگ کا وزیراعظم میاں محمد نواز شریف نے بھی سخت نوٹس لیا تھا اور چھ سے سات گھنٹے کی لوڈشیڈنگ کا حکم دیا تھاوزیراعظم کے آرڈر اور پاکستان تحریک انصاف کے دھرنے کی دھمکی کی وجہ سے بجلی کی لوڈشیڈنگ کے دورانیئے میں کمی واقع ہو گئی ہے عوام نے بجلی کی لوڈشیڈنگ میںکمی پر محکمہ واپڈا کا شکریہ ادا کیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ میں انٹرنیٹ کی تھکی ہوئی سروس،ہزاروں صارفین کیلئے عذاب بن گئی
ڈنگہ(محمد بلال حمد بٹ)ڈنگہ میں انٹرنیٹ کی تھکی ہوئی سروس،ہزاروں صارفین کیلئے عذاب بن گئی،اخبار نویسوں کو اخبارات میں خبریں بھجوانے اور ڈیٹا ٹرانسفارمر کرنے میں شدید مشکلات کاسامنا،انٹرنیٹ کے صارفین خرابی کی وجہ جاننے کیلئے محکمہ کی طرف سے دیے گئے نمبروں پر رابطہ کرتے ہیں تو اکثر فون مصروف ہوتا ہے یا سنا ہی نہیں جاتا، اگر غلطی سے کوئی نمائندہ فون سن لے تو کوئی تسلی بخش جواب نہیںدیتا،صارفین نے مطالبہ کیا ہے کہ ڈی ایس یل کی سروس فوری درست کی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ شہر میں پلے گرائونڈ نہ ہونے کی وجہ سے چھوٹے چھوٹے پلاٹ میں کھیل کود میں مصروف رہتے ہیں
ڈنگہ(محمد بلال احمد بٹ)ڈنگہ شہر میں پلے گرائونڈ نہ ہونے کی وجہ سے چھوٹے چھوٹے پلاٹ میں کھیل کود میں مصروف رہتے ہیں اور نوجوانوں میں انکو دور دراز جا کر کھیلنا پڑتا ہے دونوں عمریں ایسی ہوتی ہیں کہ کھیلنے کو جی چاہتا ہے مگر پلے گرائونڈ نہ ہونے کی وجہ سے کھیل کے شوقین بچوں اور نوجوانوں کو سخت پریشانی کا سامنا کرنا پڑتا ہے نوجوانوں نے نمائندہ کھلا راز سے گفتگو کرتے ہوئے ایم این اے چوہدری جعفر اقبال،ایم پی اے میاں طارق محمود اور ڈی سی او گجرات سے پرزور مطالبہ کیا ہے کہ ہمیں شہر کے قریب ترین ایک گرائونڈ مہیا کی جائے نوجوانوں نے مزید کہا کہ سیاستدانوں کی طرف سے وعدہ کے باوجود گرائونڈ نہ مہیا کرنا نوجوان نسل کو جرائم کی دنیا میں دھکیلنے کے مترادف ہے۔
کرپشن بدترین لوڈشیڈنگ جان لیوا مہنگائی کے خلاف پاکستان عوامی تحریک کا پر امن احتجاج
