اضلاع کی خبریں 15/5/2014
Posted on May 16, 2014 By Geo1 Webmaster سٹی نیوز
توہین آمیز پروگرام نشر کرنے پر جیو کو پیمرا کا شوکاز نوٹس،فوری جواب طلب
اسلام آباد(پی ایم این)پاکستان الیکٹرانک میڈیا ریگولیڑی اتھارٹی نے توہین آمیز پروگرام نشر کرنے پر جیو کو شوکاز نوٹس جاری کر دیا، جیو کے خلاف 5 ہزار سے زاہد شکایات موصول, فوری وضاحت طلب کر لی گئی۔پاکستان الیکٹرانک میڈیا ریگولیڑی اتھارٹی پیمرا نے جیو کے مارننگ شو ”اٹھو جاگو پاکستان” میں توہین آمیز مواد نشر پر جیو کو شوکاز نوٹس جاری کر دیا ہے۔ ترجمان پیمرا کے مطابق جیو انٹرٹینمنٹ کے پروگرام ”اٹھو جاگو پاکستان” میں توہین آمیز مواد نشر کرنے پر جیو کے خلاف 5 ہزار سے زاہد شکایات موصول ہوئیں۔ شکایات کو غور کیلئے کمپلینٹ کونسل بھجوا دیا گیا ہے۔ ترجمان کی مطابق شکایات کونسل شکایات پر ایک ہفتے میں فیصلہ کرکے اتھارٹی کو آگاہ کریگا۔ توہین آمیز پروگرام نشر پر جیو کو بھی شوکاز نوٹس جاری کر دیا ہے اور جیو سے فوری جواب طلب کیا ہے۔ ترجمان پیمرا کے مطابق جیو کے پروگرام میں پیمرا قوانین کی خلاف ورزی کی گئی۔ واضح رہے جیو ٹی وی کے اینٹرٹینمنٹ چینل کے مارننگ شو میں گزشتہ روز اداکارہ وینا ملک اور ان کے شوہر اسد خٹک کی شادی کی تقریب کی عکس بندی کی گئی۔ اس دوران چلائی گئی قوالی کے بول اس حد تک شان صحابہ کے خلاف تھے کہ کوئی بھی مسلمان اس کا تصور بھی نہیں کر سکتا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بحری قوتیں خارجہ پالیسی کا اہم ترین ہتھیار تصور کی جاتی ہیں،ایڈمرل آصف سندھیلہ
کراچی(پی ایم این)پاک بحریہ کے سربراہ ایڈمرل آصف سندھیلہ نے کہا ہے کہ بحری قوتیں خارجہ پالیسی کا اہم ترین ہتھیار تصور کی جاتی ہیں اور کسی بھی قوم کے سمندری اثاثوں کی محافظ ہوتی ہیں۔پاکستان نیوی وار کالج کے زیراہتمام دو روزہ بین الاقوامی میری ٹائم سمپوزیم سے خطاب کرتے ہوئے ایڈمرل آصف سندھیلہ نے کہا کہ عہد حاضر میں بین الاقوامی درجہ بندی اور دفاعی لحاظ سے سمندر خصوصی اہمیت کے حامل ہیں۔ جغرافیائی سیاست، معاشی ترقی اور ٹیکنالوجی میں مقابلہ کیلئے سمندر مرکزی حیثیت رکھتے ہیں۔سیکرٹری دفاع آصف یاسین ملک کا کہنا تھا کہ حکومت میری ٹائم سیکٹر میں وسیع معاشی فوائد سے مکمکل طور پر آگاہ ہے۔ چئیرمین جوائینٹ چیفس آف اسٹاف کمیٹی جنرل راشد محمود نے کہا کہ میری ٹائم شعبہ ہی بین الاقوامی معیشت کو ترقی دیتا ہے اور مضبوط و مربوط معیشت کو بڑھاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راولپنڈی پولیس کی ویب سائٹ ہیک کرلی گئی
اسلام آباد(پی ایم این)راولپنڈی پولیس کی ویب سائٹ ہیک کرلی گئی، ویب سائٹ پر پیغام جاری کیا جس میں کہا گیاکہ ویب سائٹ ہیک کرنا طالبان کی فتح ہے ،ویب سائٹ پر طالبان رہنمائوں کی تصاویں شائع کردی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
10سے 15 فیصد تک تنخواہیں بڑھانے کا وزیر خزانہ کا بیان مسترد کرتے ہیںـ
لاہور(پی ایم این) پنجاب سول سکریٹریٹ ایمپلائیز ایسوسی ایشن کا ایک ہنگامی اجلاس ،صدر رانا نثار احمد، کی زیر صدارت منعقد ہواجس میں وزیر خزانہ کے مختلف اخبارات میں تنخواہوں کے بارے میں 10 تا 15 فیصد اضافے کے بیان پر تشویش کا اظہار کیا اور بیان کو مسترد کرتے ہوئے احتجاج کیا گیا ـ پنجاب سول سکریٹریٹ ایمپلائیز ایسوسی ایشن نے اپنے موقف پر ڈٹ جانے کا اعادہ کرتے ہوئے دوبارہ مطالبہ کیا کہ تمام ایڈہاک ریلف الائونسزکو بنیادی تنخواہ میں ضم کر کے سکیل ریوائز کیے جائیں اور مہنگائی موجودہ تناسب کے مطابق تنخواہوں میں اضافہ کیا جائے جو کے ناگزیر ہو چکا ہے ـ وزیر خزانہ اس طرح کے بیان دے کر حکومت کی پوزیشن خراب نہ کریں اور ملازمین کو احتجاج کرنے کی دعوت نہ دیںور نہ ملازمین اپنا سخت موقف اپنانے پر مجبور ہوں گے اور حکومت کو گھٹنے ٹیکنے پر مجبور کر دیں گےـاجلاس میں چوہدری غلام غوث ، عبدالکریم اعوان، عبدالغفار وائیں ، بختیار احمد ، اعظم خان، عظیم اعوان ، صدیق تنولی، ہارون گجر ، زین خان اور محمد یونس نے شرکت کیـ
ڈنگہ کی خبروں کی تصویری جھلکیاں
چہکیائی تا مراد پور پل کی تعمیر کا وعدہ وزیر اعظم شوکت عزیز اور وزیر اعظم پرویز اشرف نے ہری پور میں منعقدہ جلسہ عام
