کراچی (جیوڈیسک) اداکار سعود اور انکی اہلیہ اداکارہ جویریہ سعود عمرہ کی سعادت حاصل کرنے کیلئے سعودی عرب پہنچ گئے ہیں۔ دونوں میاں بیوی نے سعودی عرب سے ٹیلی فون پر گفتگو کرتے ہوئے کہا کہ تعالیٰ کے شکر گزا ر ہیں کہ اس نے ہمیں اپنے گھر بلایا اور مقدس مقامات کی زیارت کرنے کی سعادت نصیب فرمائی۔
زندگی کے کام چلتے رہتے ہیں تاہم جو سکون و راحت خانہ کعبہ اور روضہ رسولﷺ پر حاضری دینے سے ملی ہے اس کا تصور کوئی نہیں کرسکتا ۔ جن دوستوں نے اس مقدس سرزمین پر روانہ ہونے کے موقع پر دعاؤں کے لئے کہا تھا ہم نے ان سب کو دعاؤں میں شامل رکھا۔
معروف نعت خواں اسد ایوب بھی عمرے کی سعادت حاصل کر کے گزشتہ روز کراچی واپس پہنچ گئے ۔ ان کا کہنا تھا کہ شوبز کی نامور شخصیات کا مقدس فریضہ کی ادائیگی کیلئے حرم شریف جانا خوش آئند امر ہے کیونکہ ہر مسلمان کے دل میں خدا اور اسکے رسول بستے ہیں ، اﷲ تعالی نے جو سعادت نصیب فرمائی ہے اس کا جتنا شکر کروں کم ہے۔
ملکہ ترنم نور جہاں کی بیٹی ظل ہما انتقال کر گئیں
شاہ رخ خان کے بعد چھوٹے خان بھی بالی ووڈ میں قدم رکھنے کو تیار
