للیانی کی خبریں 16/5/2014
Posted on May 17, 2014 By Geo1 Webmaster سٹی نیوز
منشیات فروشوں و مضر صحت گوشت فروخت کرنے والے قصابوں کے خلاف کریک ڈائونمصطفی آباد/للیانی(نامہ نگار)منشیات فروشوں و مضر صحت گوشت فروخت کرنے والے قصابوں کے خلاف کریک ڈائون، 520 گرام ہیروین بر آمد، 630 کلو گوشت تلف، مقدمات درج،تفصیلات کے مطابق ایس ایچ او تھانہ مصطفی آباد کی طرف سے منشیات فروشوں اور مضر صحت گوشت فروخت کرنے والے قصابوں کے خلاف کاروائی کرتے ہوئے سرہالی روڈ سے منشیات فروش اقبال کو گرفتار کرکے اس کے قبضہ سے 520گرام ہیروین ، شراب کی چالو بھٹی کو قبضہ میں لیکر شراب کشید کرنے والے فرمان مسیح کو گرفتار کر لیا جبکہ تین قصاب ملک اکرم، بشیر ملک اور نذیر ملک کو گرفتار کرکے ان کے قبضہ سے 630 کلونا قابل استعمال گوشت قبضہ میں لیکر تلف کر دیا ، مذکورہ قصاب سلاٹر ہائوس کی بجائے مضر صحت جانور گھروں میں ذبح کرکے شہریوں کو بیماریوں میں مبتلا کر رہے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انجمن غوثیہ مہریہ کے زیر اہتمام دس رکنی وفد عمرہ کی سعادت حاصل کرنے کیلئے کل جائے گا
مصطفی آباد/للیانی(نامہ نگار)انجمن غوثیہ مہریہ کے زیر اہتمام دس رکنی وفد عمرہ کی سعادت حاصل کرنے کیلئے کل جائے گا،انجمن غوثیہ مہریہ لکھنیکے کے زیر اہتمام ہر سال عید میلاد النبیۖ کے موقع پر عمرہ کے ٹکٹ بذریعہ قرعہ اندازی نکالے جاتے ہیں، دس رکنی وفد میں صدر انجمن غوثیہ مہریہ لکھنیکے چوہدری حاجی رشید سندھو و مقامی صحافی ڈاکٹر طارق محمود معصومی بھی شامل ہیں، انجمن غوثیہ مہریہ و حلقہ احباب موہری شریف کی طرف سے محفل کا انعقاد کیا گیا جس میں علما کرائم نے اپنے اپنے خیالات کا اظہار کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آبادکی بڑھتی ہوئی آبادی کے پیش نظر قبرستان کیلئے دو ایکڑ جگہ مہیا کی جائے
مصطفی آباد/للیانی(نامہ نگار)مصطفی آبادکی بڑھتی ہوئی آبادی کے پیش نظر قبرستان کیلئے دو ایکڑ جگہ مہیا کی جائے، مصطفی آباد میں دو قبرستان ہیں جن میں دو سو قبروں کیلئے بھی جگہ نہیں، انتظامیہ دو ایکڑ اراضی فوری مہیا کرے، ان خیالات کا اظہار معروف سماجی رہنما فاروق احمد خان نے اپنے ایک بیان میں کیا۔ انہوں نے مزید کہا کہ مصطفی آباد کی آبادی اس وقت تقریبا دو لاکھ کے قریب پہنچ چکی ہے، جبکہ قبرستان بابا مٹھوہ شاہ اور قبرستان بابا مولے شاہ میں قبروں کی جگہ دو سو بھی نہیں ہے، جبکہ آبادی میں دن بدن اضافہ ہو رہا ہے، ہم سیاسی رہنمائوں و ڈی سی او قصور سے مطالبہ کرتے ہوئے کہ مصطفی آباد کو قبرستان کیلئے فوری دو ایکڑ اراضی مہیا کی جائے ، جو کہ ہر انسان کی آخری ضرورت ہے۔
لاہور کی خبریں 16/5/2014
مجلس وحدت مسلمین کے ضلع اسلام آباد کے زیراہتمام پیمرا آفس کے سامنے احتجاجی مظاہرہ
