نیویارک (جیوڈیسک) غیر ملکی خبر رساں ادارے کے مطابق تینوں دوستوں کیلی گاستی، رئس ورکاون اور لارا ریسو نے ایک دوکان سے 20 ڈالر میں پرانا صوفہ خریدا تھا اور جب اسے اپنے فلیٹ پر لائے تو اس میں چھپائے گئے ڈالروں کے کئی لفافے برآمد ہوئے۔
اس پر تینوں دوستوں نے صوفے کے مالک کا کھوج لگا کر اس کو 41 ہزار ڈالر واپس کر دیے۔ اس رقم کی مالک ایک عمر رسیدہ بیوہ خاتون تھیں۔ انھوں نے بتایا کہ ان کی بیٹی نے صوفے کو اس وقت فروخت کر دیا جب وہ ہسپتال میں سرجری کے لیے زیرعلاج تھیں۔ خاتون کے مطابق ان کی بیٹی کو صوفے میں رکھی گئی رقم کے بارے میں معلوم نہیں تھا۔
اس خاتون نے تینوں دوستوں کو ایک ہزار ڈالر کا انعام بھی دیا ہے۔ نیویارک کے شمالی حصے میں رہائش پزیر تینوں دوستوں نے سی بی ایس براڈکاسٹ کو بتایا کہ خاتون نے نام نہ ظاہر کرنے کی درخواست کی تھی۔ خاتون کے مطابق کئی سالوں سے وہ رقم اس صوفے میں جمع کر رہی تھیں اور یہ ان کی عمر بھر کی کمائی تھی۔ خاتون کے مطابق میرا خاوند اوپر سے مجھے دیکھ رہا تھا اور یہ تو ہونا ہی تھا۔
فرانس: سمارٹ فون سے کنٹرول ہونے والا جدید ڈرون کیمرہ متعارف
شمالی نائیجیریا میں مسلح افراد کے ہاتھوں دو اسکول نذر آتش
