وزیرآباد (جیوڈیسک) ورکرز ویلفیئر سکولوں میں بچوں کو مفت تعلیم، یونیفارم اور دیگر سہولتیں دی جائیں گی، وزیرآباد میں ورکرز ویلفیئر سکول کا افتتاح صوبائی وزیر محنت راجہ اشفاق سرور خان نے کیا۔
اس موقع انہوں نے خطاب کرتے ہوئے کہا کہ حکومت محنت کشوں اور ان کے بچوں کو زیادہ سے زیادہ سہولیات کی فراہمی کیلئے کو شاں ہے، وزیراعلیٰ کی ہدایت پر ہر گھر میں علم کی شمع روشن کریں گے ۔ انہوں کہا کہ مختلف علاقوں میں ورکرز ویلفیئر سکولوں کا قیام خوش آئند ہے ان سکولوں میں بچوں کو مفت تعلیم، یونیفارم اور دیگر سہولتیں دی جائیں گی جو کہ ان بچوں کا حق ہے۔
اس موقع پر ایم این اے شازیہ اشفاق، سیکرٹری لیبر پنجاب کیپٹن یوسف رندھاوا، ضلعی صدر مسلم لیگ ن گوجرانوالہ مستنصر گوندل ،ملک شفیق، سٹی صدر مسلم لیگ ن مقصود احمد ڈار، ایڈیشنل جنرل سیکرٹری ضلع گوجرانوالہ بابو عامر رضا بٹ ودیگر بھی موجود تھے ۔
ایف آئی اے کو تمام مقدمات یکم جون تک نمٹانے کا حکم
الطاف حسین کی رابطہ کمیٹی کو احتجاجی مظاہرے ملتوی کرنے کی ہدایت
