کراچی (جیوڈیسک) اسٹاک ایکس چینج میں گزشتہ ہفتے کے دوران کاروباری سرگرمیاں مستقل دبائوکے باوجود انڈیکس میں 389 پوائنٹس کا اضافہ ریکارڈ کیا گیا۔ ہفتے کے آغازپرہی سرمایہ کاروں کی عدم دلچسپی کی وجہ سے مارکیٹ اتار چڑھائو کا شکار ہو گئی تھی اور ابتدائی ایام میں اسٹاک ایکس چینج کی مجموعی سرگرمیاں ماندرہیں، صرف چند ایک کمپنیوں میں زیادہ کام ہوا۔ ماہرین اسٹاک کا کہنا تھا کہ بڑھتی ہوئی سیاسی بے چینی اور مانیٹری پالیسی میں تبدیلی نہ ہونے کی اطلاعات بھی منفی رہیں۔ معاشی بہتری کے تمام امکانات پرانڈیکس میں پہلے ہی اضافہ ہو چکا ہے۔
نئی اطلاع نہ ہونے کی وجہ سے فروخت کا دبائو زیادہ دیکھا گیا تاہم ہفتے کے آخری سیشنز میں غیرملکی سرمایہ کاروں کی خریداری کی وجہ سے کچھ بہتری آئی اور کے ایس ای 100 انڈیکس ہفتہ وار بنیاد پر 389 پوائنٹس اضافے سے 28883 پوائنٹس پربند ہوا۔ کاروباری سرگرمیوں کا یومیہ اوسط حجم 5.5 فیصدکمی سے 13 کروڑ 29 لاکھ حصص رہا لیکن مارکیٹ کامجموعی سرمایہ اعشاریہ 7 فیصداضافے سے 6912 ارب روپے تک پہنچ گیا۔ فلپائن کے علاوہ خطے کی تمام مارکیٹوں میں بھی تیزی کا رجحان رہا۔
پاکستان میں امریکی ایف بی آئی کا ایجنٹ خصوصی مشن پر ہے
ایف بی آئی ایجنٹ جوئیل کاکس پر قائم اسلحہ برآمد کا مقدمہ خارج
