انڈیانا (جیوڈیسک) امریکن نیشنل باسکٹ بال ایسو سی ایشن میں انڈیانا پیسرز کی ٹیم نے میامی ہیٹ کو شکست دیکر ایک صفر کی برتری حاصل کر لی۔
امریکی ریاست انڈیانا میں این بی اے بیسٹ آف سیون سیریز کا فائنل کھیلا گیا، تیسرے کوارٹرز تک پیسرز کے کھلاڑی چھائے رہے۔ انہوں نے حریف ٹیم میامی کے خلاف اٹھارہ پوائنٹس کی برتری قائم رکھی۔
میزبان پیسرز کا یہ جارحانہ کھیل چوتھے کوارٹر میں بھی جاری رہا۔ جب پیسرز ٹیم میامی ہیٹ کو 88 کے مقابلے میں 104 پوائنٹس سے شکست دینے میں کامیاب ہوئی۔
فاتح ٹیم کے سٹار کھلاڑی پال جارج نے 24 پوائنٹس سکور کر کے ٹیم کی جیت میں حصہ ڈالا۔ اس شاندار فتح کے بعد پیسرز کو بیسٹ آف سیون سیریز میں ایک صفر کی برتری بھی حاصل ہو گئی ہے۔
معین علی ’’دوسرا‘‘ کرنے والا انگلینڈ کا پہلا بولر بننے کے خواہاں
برینڈن میک کولم فکسنگ کی دلدل میں پھنسنے سے بچ نکلے
