کراچی (جیوڈیسک) شہر میں 2 مختلف پولیس مقابلوں میں شیراز کامریڈ گروپ کے کارندوں سمیت 4 ملزمان ہلاک ہو گئے۔
ایس ایس پی اینٹی وائلنٹ کرائم سیل ناصر آفتاب کے مطابق گارڈن میں لیاری ایکسپریس وے کے قریب پولیس نے ملزمان کی موجودگی کی اطلاع پر چھاپہ مارا تو ملزمان نے پولیس اہلکاروں پر فائرنگ کردی جوابی فائرنگ کے نتیجے میں 2 ملزمان زخمی ہوگئے، زخمیوں کو اسپتال منقتل کیا جارہا تھا کہ دونوں ملزم راستے میں دم توڑگئے، ہلاک ہونے والوں کی شناخت نہیں ہوسکی تاہم ان کے قبضے سے اسلحہ اورموٹرسائیکل ملی ہے۔
کھارادرمیں بھی قانون نافذ کرنے والوں اداروں کے اہلکاروں اور لیاری گینگ وار کے شیراز کامریڈ گروپ کے کارندوں میں فائرنگ کا تبادلہ ہوا جس میں گینگ وار کے 2 ملزم مارے گئے، ملزموں سے 2 ہینڈ گرنیڈ اور2 پستول بھی برآمدہوئے۔
ٹانک : غیر اعلانیہ بجلی کی بندش کے خلاف ہڑتال
امیر جماعت اسلامی کا کراچی کیلئے 100ارب روپے کا مطالبہ
