کراچی (جیوڈیسک) کراچی میں فائرنگ اور تشدد کے واقعات میں گزشہ 24 گھنٹوں کے دوران 11 افراد کو موت کی نیند سلادیا گیا، مرنے والوں میں 4 افراد کی تشدد زدہ لاشیں مختلف مقامات سے ملی ہیں۔ قائد آباد، مدینہ کالونی اور سرجانی ٹاوٴن یارو گوٹھ سے چار افراد کی لاشیں ملیں، ریسکیو ذرائع کے مطابق سرجانی ٹاؤن سے ملنے والی لاشوں کی شناخت دانش اور کاشف کے نام سے ہوئی ہے۔ مقتولین نیو کراچی کے مکین تھے۔
دوسری جانب اورنگی ٹاؤن نمبر 14 اور رئیس امروہوی کالونی میں نامعلوم افراد نے فائرنگ کرکے دو افراد کو قتل کردیا۔ لانڈھی قذافی ٹاؤن کے قریب فائرنگ سے ایک شخص جاں بحق ہوگیا۔
اورنگی ٹاوٴن نمبر 5 میں نامعلوم افراد کی فائرنگ سے سیکیورٹی گارڈ ماراگیا۔ لیاری چیل چوک پر فائرنگ سے ایک شخص ہلاک ہو گیا۔ اورنگی ٹاوٴن میں قطر اسپتال کے قریب فائرنگ سے ایک شخص ہلاک ہو گیا۔ سول لائن میں بھی فائرنگ سے ایک شخص ہلاک ہو گیا۔
کراچی: سی این جی اسٹیشنز آج صبح 8 بجے کھل جائیں گے
اسلام آباد پولیس کا شہر کی سیکیورٹی بڑھانے کا فیصلہ
