ممبئی (جیوڈیسک) بالی ووڈ کے دبنگ خان کی گزشتہ فلم ’’جے ہو‘‘ نے بھلے ہی ان کے حریف شاہ رخ خان کی فلموں کے مقابلے میں اچھا بزنس نہ کیا ہو لیکن سماجی رابطے کی ویب سائیٹس پر اب بھی سلو میاں کا ہی طوطی بولتا ہے یہی وجہ ہے کہ انہوں نے فیس بک کی میدان میں شاہ رخ خان کو کہیں پیچھے چھوڑ دیا ہے۔
بھارتی ویب سائیٹ کے مطابق سماجی رابطے کی ویب سائیٹ فیس بک اور ٹوئٹر پر اس قدر متحرک نہیں جس طرح شاہ رخ خان اور امیتابھ بچن سمیت دیگر اداکار ہیں لیکن اس کے باوجود ان ویب سائیٹس پر بھی ان کے چاہنے والے کم نہیں، یہی وجہ ہے کہ صرف فیس بک پر سلو میاں کے چاہنے والوں کی تعداد ایک کروڑ 60 لاکھ تک پہنچ گئی ہے، بالی ووڈ میں ان کے قریب ترین حریف میگا اسٹار امیتابھ بچن ہیں جن کے مداحوں کی تعداد ایک کروڑ 20 لاکھ سے زائد ہے جبکہ کنگ خان کہے جانے والے شاہ رخ خان کے مداحوں کی تعداد صرف 87 لاکھ ہے۔
وہ وقت دور نہیں جلد بالی ووڈ کی فلمیں ہالی ووڈ کا مقابلہ کیا کریں گی، شاہ رخ خان
ودیا بالن نے نئی فلم کی تشہیر کیلئے سراغ رساؤں سے مدد مانگ لی
