نیویارک (جیوڈیسک) امریکا کے شہر نیو یارک میں دہشت گرد حملے کی سازش کے ملزمان پاکستانی نژاد دو بھائیوں رئیس قاضی اور شہریار قاضی پر دو امریکی فوجی افسران پر حملہ کرنے کا الزام بھی عائد کیا جا رہا ہے۔ رئیس قاضی اور شہریار قاضی ریاست جنوبی فلوریڈا میں اپنے کیس کی سماعت کے منتظر ہیں۔
غیر ملکی خبر ایجنسی کے مطابق دونوں بھائیوں اور دو نائب مارشل کے درمیان جھگڑے کا واقعہ 8 اپریل کو پیش آیا۔ ڈسٹرکٹ جج رابرٹ Scola کے احکامات کے مطابق اس الزام پر9 مئی کوسماعت ہوگی۔
امریکی مارشل سروس کے ترجمان بیری گولڈن نے دو نائب مارشل اور دونوں بھائیوں کے درمیان ہاتھا پائی کی تصدیق کی ہے۔ دونوں بھائیوں کو پہلے ہی نیویارک میں بڑے پیمانے پر حملہ کرنے کی سازش میں ملوث ہونے اور دہشت گردی سے متعلق دیگر سنگین الزامات کا سامنا ہے۔
روس کے ممکنہ حملے کے پیش نظر یوکرین کا فوج کو تیار رہنے کا حکم
ورجینیا میں تیل لے جانے والی مال گاڑی پٹڑی سے اترگئی
