ڈنگہ کی خبریں 29/5/2014
Posted on May 29, 2014 By Geo1 Webmaster سٹی نیوز
آج گورنر شہزادہ مشعل بن عبداللہ خانہ کعبہ کے غسل کی سعادت حاصل کریں گے
ڈنگہ (محمد بلال احمد بٹ)خادم حرمین شریفین شاہ عبداللہ بن عبدالعزیز کی نیابت کرتے ہوئے آج بروز جمعرات مکہ مکرمہ کے گورنر شہزادہ مشعل بن عبداللہ خانہ کعبہ کے غسل کی سعادت حاصل کریں گے خانہ کعبہ کو عرق گلاب اور آب زم زم سے خانہ کعبہ کا فرش اور دیواریں دھوئی جائیں گی اس موقع پر علماء کرام کلید برادران کعبہ اور اسلامی ممالک کے سفارتکاروں کی کثیر تعداد موجود ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :موضع مچھیانہ میں غضفر علی ظفری میموریل پیجن فلائنگ ٹورنامنٹ کی 5 روزہ فلائنگ پیجن اختتام کو پہنچی
ڈنگہ (محمدبلال احمد بٹ ) موضع مچھیانہ میں غضفر علی ظفری میموریل پیجن فلائنگ ٹورنامنٹ کی 5 روزہ فلائنگ پیجن اختتام کو پہنچی ، پنڈال کو جدید لائٹوں اور جھنڈیوں سے سجایا گیا تھا ، مسلسل 5 روز میں 700 کے قریب کبوتر کی پرواز اُڑائی گئی ، جس میں علاقہ سمیت مختلف دیہاتوں کی درجنوں ٹیموں نے بھر پور حصہ لیا ، پہلے روز ٹیم یاسر انور، دوسرے روز ٹیم امانت علی ، تیسرے روز ٹیم یاسر حمادی ، چوتھے روز ٹیم خاور سعد ، پانچویں روز ٹیم امانت علی کے کبوتروں نے فلائنگ ٹورنامنٹ میں پوزیشن حاصل کیں ، پیجن فلائنٹ ٹورنامنٹ کے مہمانِ خصوصی پاکستان مسلم لیگ ق حلقہ پی پی 113 چوہدری اعجاز احمد رنیاں تھے ، جب مہمانِ گرامی ڈیرہ چوہدری رضوان اصغر مچھیانہ پہنچے تو اہل دیہہ کے معززین نے اُن کا والہانہ استقبال کیا ، مہمانِ خصوصی چوہدری اعجاز احمد رنیاںاور چوہدری مدثر رضا مچھیانہ امیدوار چیئرمین مرغزار کالونی وارڈ نمبر 2، چوہدری محمد اسلم چیئرمین ، چوہدری مہدی خاں پسوال ممبر، چوہدری ریاض احمد گلوآنہ ، چوہدری ممتاز جمالیہ بھی مہمانانِ گرامی نے ونر ٹیموں میں انعامات تقسیم کیے ،ٹورنامنٹ چوہدری حیدر ظفر مچھیانہ ، چوہدری زین ارشد گجر مچھیانہ ، چوہدری یاسر انور مچھیانہ کی زیر صدارت منعقد ہوا ، ٹورنامنٹ کے لیے چوہدری سلیم فرانس ، چوہدری ریجاں اعجاز سپین ، مہر ناصر سعودیہ ، عرفان سعید انگلینڈ ، چوہدری ممتاز جمالیہ سعودیہ ، چوہدری علی حسن ، ناصر اقبال سعودیہ سمیت دیگر نے ٹورنامنٹ کو کامیاب بنانے کے لیے بھر پور تعاون کیا ، ٹورنامنٹ کے شہروز احمد شہروزی ، یاسر احمد جمالیہ ، امانت علی فرنیچرز ، رفاقت حسین ، مہر انصر ، ملک آصف ، محمد بوٹا کمہار ، اکرم حمام والا ، بابر حسین ، راشد مہر ، ماسٹر عرفان جمالیہ ، قیصر جمالیہ ، منور کمہار ، قیصر شاہ ، اصغر عرف بائو نے بہترین انتظامات کیے ، ٹورنامنٹ کی ونر ٹیموں میں پہلی پوزیشن حاصل کرنے والے خاور سعد کو میٹرو موٹر سائیکل ، یاسر انور کو 24انچ LCDٹی وی ، رفعت علی کو سہراب سائیکل و دیگر انعامات میں پنکھے ، ٹرافیاں و نقد کیش انعامات بھی دیے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : سابق ناظم چوہدری رضوان اصغر مچھیانہ نے پاکستان مسلم لیگ ق حلقہ پی پی 113 امیدوار صوبائی اسمبلی چوہدری اعجاز احمد رنیاں کے اعزاز میں پرتکلف عصرانہ دِیا
ڈنگہ ( محمد بلال احمد بٹ ) سابق ناظم چوہدری رضوان اصغر مچھیانہ نے پاکستان مسلم لیگ ق حلقہ پی پی 113 امیدوار صوبائی اسمبلی چوہدری اعجاز احمد رنیاں کے اعزاز میں پرتکلف عصرانہ دِیا ، عصرانہ کی پروقار تقریب میں چوہدری مدثر رضا مچھیانہ امیدوار چیئرمین مرغزار کالونی وارڈ نمبر 2، چوہدری عابد انور ٹوپہ ، چوہدری امجد ناظر ، چوہدری اسجد دُکھی ، چوہدری نزاکت علی ڈھل بنگش ، چوہدری محمد اسلم چیئرمین ، چوہدری مہدی خاں پسوال ممبر، چوہدری ریاض احمد گلوآنہ ، چوہدری ممتاز جمالیہ ، چوہدری سلیم فرانس ، چوہدری ریجاں اعجاز سپین ، مہر ناصر سعودیہ ، عرفان سعید انگلینڈ ، چوہدری ممتاز جمالیہ سعودیہ ، چوہدری علی حسن ، ناصر اقبال سعودیہ ، شہروز احمد شہروزی ، یاسر احمد جمالیہ ، امانت علی فرنیچرز ، رفاقت حسین ، مہر انصر ، ملک آصف ، محمد بوٹا کمہار ، اکرم حمام والا ، بابر حسین ، راشد مہر ، ماسٹر عرفان جمالیہ ، قیصر جمالیہ ، منور کمہار ، قیصر شاہ ، اصغر عرف بائو شریک تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : محمد نعیم جوڑا کریانہ سے 3نا معلوم ڈکیت اسلحہ کی نوک پر لاکھوں روپے لوٹ کر فرار
ڈنگہ ( محمدبلال احمد بٹ ) انتظامیہ کی لا پرواہی سے ڈنگہ ایک بار پھر ڈکیتیوں کے نرغے میں سہ پہر 5 بجے کے قریب نامور تاجر محمد نعیم جوڑا کریانہ سے 3نا معلوم ڈکیت اسلحہ کی نوک پر لاکھوں روپے لوٹ کر فرار ، انتظامیہ کی غفلت کی وجہ سے ڈنگہ کے تاجروں اور دیگر تاجر برادری میں تشویش کی لہر دوڑ گئی ، تفصیلات کے مطابق کمالہ لنک روڈ ڈنگہ نزد مین بازار محمد نعیم جوڑا کریانہ کی دُکان پر 2 نا معلوم مسلح افراد ہنڈا 125 پر آئے اور آتے ہی اسلحہ تان کر دراز سے 3 لاکھ روپے لوٹ لیے اور قیمتی اشیاء کریمیں ، لوشن ، شیمپو وغیرہ قبضہ میں لے کر دھمکیاں دے کر فرار ہو گئے ، تھانہ ڈنگہ میں مدعی محمد نعیم ولد محمد وارث قوم کشمیری سکنہ محلہ آہیراں ڈنگہ کی درخواست پر آتشیں اسلحہ سے مسلح 2 نا معلوم افراد پر 392 ت پ کے تحت مقدمہ درج کر کے تفتیش شروع کر دی ، علاوہ ازیں کریانہ دُکان پر آئے ہوئے کسٹمر عبد الرشید امیریہ فقیریہ ہوٹل والے کی جیب سے اور کم سن خریدار بچے سمیت ہزاروں روپے لے کر با آسانی فرار ہونے میں کامیاب ہو گئے ، اسی روڈ پر واقع حاجی اکرم کے ماکرو سپر سٹور کے سیل منیجر شرافت حسین نے محمد نعیم جوڑا کریانہ کی دُکان پر آئی انتظامیہ کو بتایا کہ گذشتہ دو دِن پہلے بھی سہ پہر 5 کے قریب ہی 2 نا معلوم افراد ہنڈا 125 پر سوار ہو کر آئے اور اسلحہ تان کر تشدد کا نشانہ بنا یا اور 30 ہزار روپے لوٹ کر منگووال روڈ کی جانب فرار ہوئے تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ملک لوٹنا شریف برادران کا مشغلہ بن چکا ہے،چوہدریہ دلاور خان گکھڑ آف انگلینڈ،چوہدری ریاض احمد بھائو گھسیٹ پورآف انگلینڈ،چوہدری انار احمد خاں رنیاں آف سائوتھ افریقہ
ڈنگہ (محمد بلال احمد بٹ ) اوورسیز راہنما پاکستان مسلم لیگ ق چوہدری دلاور خاں گکھڑ آف انگلینڈ ، چوہدری ریاض احمد بھائو گھسیٹ پور آف انگلینڈ ، چوہدری انار احمد رنیاں آف سائوتھ افریقہ نے اپنے مشترکہ بیان میں کہا ہے کہ ملک لوٹنا شریف برادران کا مشغلہ بن چکا ہے ، آج کسی کی عزت محفوظ نہیں ، تعلیمی نظام فرسودہ اور کاروبار بند ہو چکے ہیں ، عوام کے ووٹ پر ڈاکہ ڈال کر شریف برادران نے اپنی اور قوم کی نیندیں حرام کر لی ہیں ، پاکستان مسلم لیگ ن نے ایک سال میں پاکستان کا جو برا حال کر دِیا ہے قوم کو اُن سے یہی اُمید تھی ، آج پاکستان میں کسی کی عزت محفوظ نہیں ، حال ہی میں ڈنگہ شہر بھر میں ڈکیتوں نے دِن دیہاڑے تاجروں کو لوٹنا شروع کر دِیا ہے کیا انتظامیہ ستو پی کر سو گئی ہے ، ملک میں تعلیمی نظام فرسودہ اور کاروبار بند ہو چکے ہیں، غیر معیاری اور مہنگی ادویات کے سبب سرکاری ہسپتال زبوں حالی کا شکار ہیں ، لوڈ شیڈنگ اور مہنگائی ، چور بازاری ، فرقہ واریت یہ سب تحفے موجودہ اور سابقہ حکومتوں کے دیے ہوئے ہیں ، اُنہوں نے کہا کہ جس دن حکومت سچائی ، ایمانداری اور محبت وطنی کی بنا پر اقتدار میں آئے گی اس دن ہر پاکستانی کا سر فخر سے بلند ہو گا، اُنہوں نے کہا کہ پاک فوج کو اندرونی سازشوں کا سامنا نہیں کرنا پڑے گا اور دُنیا بھرمیں پاکستان اور اس کی افواج ایک عظیم قوم بن کر اُبھرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :گذشتہ دنوں قائم کی گئی فروٹ ایسوسی ایشن میں ہم سے کوئی قسم کی کوئی مشاورت نہیںکی گئی،افتخار علی عفت
ڈنگہ(محمد بلال احمد بٹ)ممتاز سماجی شخصیت صدر ریڑھی بان ایسوسی ایشن افتخار علی عفت نے اپنے ایک بیان میں کہا ہے کہ گذشتہ دنوں قائم کی گئی فروٹ ایسوسی ایشن میں ہم سے کوئی قسم کی کوئی مشاورت نہیںکی گئی،اور نہ ہی ہمیں اعتماد میں لیا گیا ہے،ہم بھی فروٹ فروخت کرتے ہیں اور ڈنگہ میں فروٹ کی دکانوں سے کئی گناہ زیادہ تعداد میں ریڑھیوں پر باقاعدگی سے فروٹ فروخت کیا جاتا ہے اور ریڑھیوں پر فروٹ فروخت کرنے والوں کی تعداد سینکڑوں میں ہے ایک ہی منڈی سے فروٹ خریدتے اور ایک ہی شہر میں فروخت کرتے ہیں لہذا تمام حقوق بھی برابری کی سطح پر ملنے چاہیں تمام فروٹ بیچنے والوں کے مسائل بھی یکساں ہیں صر ف چند افراد کو نوازنے کیلئے گذشتہ دنوں فروٹ ایسوسی ایشن کے سینکڑوں ریڑھی بان فروٹ بیچنے والوں کی اکثریت کی رائے اور فیصلہ کو یکسر نظر انداز کیا گیا اور ان سے کسی قسم کی کوئی مشاورت نہیں کی گئی،لہذا ہم نہ تو اس فروٹ ایسوسی ایشن کو مانتے ہیں اور نہ ہی ان کے کسی فیصلے کے پابند ہیں چند افرادکو خوش کرنے کیلئے ریڑھی بانوں اور دکانوں پر فروٹ فروخت کرنے والوں میں تفریق پیداکی گئی اور ڈنگہ کے فروٹ فروخت کرنے والے طبقے کو تقسیم کرنے کی سازش کی گئی جس کی ہم پر زورمذمت کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کے گائوں چکوڑی بھلیوال میں مسلح افراد کا اسلم گجر پر حملہ زخمی کر کے فرارہوگئے
ڈنگہ(محمد بلال احمد بٹ)ڈنگہ کے گائوں چکوڑی بھلیوال میں مسلح افراد کا اسلم گجر پر حملہ زخمی کر کے فرارہوگئے،تھانہ ڈنگہ کے علاقہ موضع چکوری بھلیوال میں اسلم گجر سکنہ چکوڑی کو مسلح افراد نے ڈنڈے سوٹوں سے حملہ کر کے شدید زخمی کردیا اور فرار ہو گئے،تھانہ ڈنگہ پولیس نے اسلم کی رپورٹ پر ظفر اقبال،محمد ارشد اور اکرم کے خلاف مقدمہ درج کرلیا ہے۔
۔
ڈنگہ :کروڑوں روپے کی لاگت سے غیر معیار ی میٹریل اور نان ٹیکنیکل طریقے سے بچھایا جانے والا بلدیہ ڈنگہ کا سیوریج سسٹم عوام کے لئے وبال جان بنا ہوا ہے
ڈنگہ(محمد بلال احمد بٹ)کروڑوں روپے کی لاگت سے غیر معیار ی میٹریل اور نان ٹیکنیکل طریقے سے بچھایا جانے والا بلدیہ ڈنگہ کا سیوریج سسٹم عوام کے لئے وبال جان بنا ہوا ہے،جبکہ اس کی تعمیراتی عرصہ میں دکانداروںکا کاروبار ٹھپ ہونے کے ساتھ ساتھ سودا سلف خریدنے اور دیگرکافی مشکلات کا سامنا کرنا پڑا تھا،اب سیوریج سسٹم کی صورتحال کچھ اسی طرح ہے کہ آئے روز بند ہو جاتا ہے اور بند سیوریج کو کھولنے کے لئے کئی کئی روز لگ جاتے ہیں بعض اوقات تو کھولنے کے لیے سڑک کو بھی اکھاڑنا پڑتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:بڑے بڑے دعوئوں اور نعروں کے ساتھ شروع کی گئی وزیراعظم یوتھ قرضہ سکیم بھی دیگر حکومتی منصوبوں کی طرح ٹھس ہو گئی
ڈنگہ(محمد بلال احمد بٹ)بڑے بڑے دعوئوں اور نعروں کے ساتھ شروع کی گئی وزیراعظم یوتھ قرضہ سکیم بھی دیگر حکومتی منصوبوں کی طرح ٹھس ہو گئی،شرائط کی وجہ سے تاحال ضلع گجرات میں کسی نوجوان کو قرضہ نہ مل سکا،جبکہ تیس سے زائد مفتیان نے یوتھ قرضہ سکیم کو سودگی کی وجہ سے حرام قرار دے دیا ہے۔ وزیراعظم یوتھ قرضہ اسکیم کی شکل میں عوام کو کاروبار کیلئے سود کے ساتھ قرضے دینے کا اعلان یا گیا ہے لیکن ایک طرف تو سخت شرائط اور گارنٹر کی عدم دستیابی کی وجہ سے نوجوانوں کو قرضہ کے حصول میں دشواریوں کا سامنا ہے اور انہیں قرضے کے حصول کیلئے بااثر شخصیات اور سیاست دانوں کی سفارشیں دھونڈنا پڑ رہی ہیں۔
۔۔
ڈنگہ : مسلم لیگ ن کے ایک سالہ دور حکومت کے دوران سبزیوں اور پھلوں کی قیمتیں آسمان پر پہنچا دی ہیں،مسلمین جٹ پہلوان
ڈنگہ(محمدبلال احمد بٹ)انسان دوست شخصیت کے مالک مسلمین جٹ پہلوان نے اپنے بیان میں کہا ہے کہ مسلم لیگ ن کے ایک سالہ دور حکومت کے دوران سبزیوں اور پھلوں کی قیمتیں آسمان پر پہنچا دی ہیں انہوں نے کہا کہ آلو60سے60روپے کلو،پیاز50روپے،ٹماٹر60روپے،لہسن165روپے ادرک260روپے کلو،مٹر200روپے کلو تک فروخت کے جا رہے ہیں انہوں نے کہا کہ موجودہ حکومت انسان دشمنی کا ثبوت دے رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ شہر میں بجلی کی لٹکتی ننگی تاریں عوام کے لئے موت کا پھندا بن گئیں
ڈنگہ(محمد بلال احمد بٹ)ڈنگہ شہر میں بجلی کی لٹکتی ننگی تاریں عوام کے لئے موت کا پھندا بن گئیں،شہر کے گلی ،محلوں اور بازاروں میں صورتحال انتہای خطرناک ہوتی جا رہی ہے،بجلی کی ننگی تاریں لوگوں کے روں کو چھو رہی ہیں،ان ننگی تاروں ی وجہ سے کوئی بڑا حادثہ بھی رونما ہو سکتا ہے۔ مگر واپڈا کوئی توجہ نہیں دے رہا،عوامی سماجی حلقوں نے واپڈا کے ارباب اختیار سے مطالبہ کیا ہے کہ شہر کی ان گلیوں مین جہاں پول نہیں ہیں وہاں فور کور تار ڈالی جائے تاکہ شہری محفوظ رہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پاکستان پولٹری ایسوسی ایشن نے رمضان المبارک کے دوران ملک بھر کے صارفین کو مرضی کے گوشت پر 30روپے کلو سبسڈی دینے کا علان کر دیا
ڈنگہ(محمد بلال احمد بٹ)پاکستان پولٹری ایسوسی ایشن نے رمضان المبارک کے دوران ملک بھر کے صارفین کو مرضی کے گوشت پر 30روپے کلو سبسڈی دینے کا علان کر دیا۔ کابینہ کمیٹی نے بناسپتی ایسوسی ایشن کو رمضان المبارک میں گھی کی قیمتوں میں کمی کی بھی ہدایت کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ہماری سیاست کا مقصد صرف عوام کی خدمت ہے اقتدار کا کوئی لالچ نہیں،چوہدری اعجاز احمد رنیاں
ڈنگہ(محمد بلال احمد بٹ)مسلم لیگ ق حلقہ پی پی113کے امیدوار صوبائی اسمبلی چوہدری اعجاز احمد رنیاں نے گذشتہ روز ڈیرہ ڈنگہ پر صحافیوں سے گفتگوکرتے ہوئے کہ ہماری سیاست کا مقصد صرف عوام کی خدمت ہے اقتدار کا کوئی لالچ نہیں اور حلقہ پی پی 113کے عوام نے ریکارڈ ووٹ دے کر ہم پر مکمل اعتماد کا اظہار کیا اللہ تعالیٰ نے ہمیں اتنی صلاحیتیں دیں کہ اقتدار کے بغیر بھی عوامی مسائل حل کرنے کی صلاحیت رکھتے ہیں انہوں نے کہا کہ ہم نے ہمیشہ عوامی مفاد کی سیاست کی ہے ،حلقہ پی پی113کی عوام کی خدمت کے لیے میرے ڈیرہ رنیاں اور ڈنگہ ہر وقت کھلے ہیں،چوہدری اعجاز احمد رنیاں نے کہا ہے کہ حکمرانوں کی نا اہلی کی وجہ سے پاکستان کی عوام بے پناہ مسائل سے دوچار میں مہنگائی بے روزگاری لوڈشیڈنگ اور روز مرہ کی اشیاء کی قیمتوں میں بے پناہ اضافے نے عام آدمی کی زندگی اجیرن بنا دی ہے،موجودہ حکومت نمائشی منصوبوں پر اربوں روپے ضائع کر رہے ہیں عوام سستے آٹے تعلیم اور روزگار جیسی سہولتوں کو ترس رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ہمارے گائوں کے لوگوں نے نہر کے کنارے تک ناجائز تجاوزات بنا لی ہیں اور یہ سب کچھ نہر کے عملہ سے ساز باز کر کے کیا جا رہا ہے،موضع کھوکھرہ کی اہم شخصیات کی تحریری درخواست
ڈنگہ(محمدبلال احمد بٹ)موضع کھوکھرہ کی اہم سیاسی و سماجی شخصیت ولایت خان نمبردار کھوکھرہ ،محمد زمان،منشی رشید احمد،محمد اعظم محمد ریاست،رحمت خاں ،ریاضت علی فقیر اورعلمدار شاہ نے وزیراعلیٰ پنجاب میاں شہباز شریف،ڈی سی او گجرات،ایس ای محکمہ انہار جہلم ایکسین محکمہ انہار گجرات،اے سی کھاریاں کو تحریری درخواست دی ہے میں کہا گیا ہے کہ ہمارا گائوں ہیڈ کھوکھرا نہر اپر جہلم اور گجرات برانچ کے کونے میں واقع ہے،گائوں کی آبادی برجی نمبر1سے برجی نمبر3تک پھیلی ہوی ہے،گجرات برانچ نہر کی ٹوٹل چوڑائی440فٹ ہے بدقسمتی سے ہمارھے گائوں کے لوگوں نے نہر کے کنارے تک ناجائز تجاوزات بنا لی ہیں اور یہ سب کچھ نہر کے عملہ سے ساز باز کر کے کیا جا رہا ہے،یعنی نہر کا عملہ تھورے بہت پیسے رشوت لے کر کروڑوںکی جگہ جو گورنمنٹ کی ملکیت ہے،لوگوں کے حوالے کی جا رہی ہے،جو سرا سر زیادتی اور ظلم ہے اب تو جناب حالات یہ ہو گئے ہیں کہ نہر کے کنارے پر کوڑے کے ڈھیر لگا دیئے گئے ہیں اور لوگوں کا نہر کے کنارے چلنا بھی مشکل ہو گیا ہے،اور نہر کے صاف پانی کے اندر بھی کوڑا پھینکا جا رہا ہے،ہم تمام لوگ جناب سے عاجز انہ اپیل کرتے ہیں کہ سرکاری جگہ واگذار کروائی جائے اور متعلقہ نہر کا عملہ اس غیر قانونی برے فعل میں ملوث ہے ان کے خلا ف قانونی کاروائی کی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :میاں طارق اور میاں امجد کو مین گلی منج ٹائون کی تعمیر کروانے پر اہلیان محلہ آباد اور منج ٹائون نے انہیں زبردست خراج تحسین پیش ،سلطان احمد و دیگر
ڈنگہ(محمد بلال احمد بٹ)قائد پبلک سکول کے ڈائریکٹر سلطان احمد ،میاں ظہور ،ٹھیکیدار محمد رفیع ،منیر حسین چوہان،ٹھیکیدار محمد ارشد،امجد حسین ویلڈر،محمد افضل ڈارئیور نے اپنے مشترکہ بیان میں سابق چیئر مین بلدیہ ڈنگہ میاں امجد محمود کو مبارکباد دیتے ہوئے کہا ہے کہ میاں طارق محمود ایم پی اے کی خصوصی فنڈز سے جانی چک روڈ سے کھاریاں روڈ کو ملانے والی مین گلی منج ٹائون کی تعمیر کروانے پر اہلیان محلہ آباد اور منج ٹائون نے انہیں زبردست خراج تحسین پیش کیا انہوں نے کہا کہ میاںامجد محمود کی کاوشوں سے اس مین گلی کے فنڈز منظور ہوئے اور اس کی تعمیر زور و شور سے شروع ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : دھوبی گھاتوٹ فیصل آباد کے لاکھوں کے اجتماع پر رانا ثناء اللہ جیسے چاپلوسوں کی نیندیں اڑا دی ہیں،میاں افتخار احمد آف کولیاں شاہ حسین
ڈنگہ(محمد بلال احمد بٹ)پاکستان تحریک انصاف حلقہ پی پی113 کے راہنما میاں افتخار احمد کولیاں شاہ حسین نے نئے حقائق سے بات چیت کرتے ہوئے کہا کہ دھوبی گھاتوٹ فیصل آباد کے لاکھوں کے اجتماع پر رانا ثناء اللہ جیسے چاپلوسوں کی نیندیں اڑا دی ہیں،ہمارے جلسہ کو ناکام بنانے کیلئے منعقد کیا گیا میوزیکل شو بھی عوام نے مسترد کے جلسہ میں شرکت کی انہوں نے کہا ہے کہ اسلام آباد کے احتجاجی جلسے کو بھی پنجاب حکومت نے پولیس کے ذریعے ٹرانسپورٹ رکوا کر ناکام بنانے کی کوشش کی اور منہ کی کھائی انہوں نے کہا کہ فیصل آباد کے جلسہ نے تحریک انصاف کی عوامی مقبولیت میں اضافہ کر دیا ہے،جبکہ حکمران حکومت نے قائد عمران خان اور تحریک انصاف کے خلاف بولنے کیلئے رکھے ہوئے تھے اور پوری دنیا نے دیکھا کہ عوام عمران خان سے کتنا پیار کرتے ہیں اور وہ پی ٹی آئی کو ہی ملک کی نجات دہندہ سیاسی جماعت سمجھتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :گرمیوں میں ہر فرد کو اوسطاً روزانہ کم از کم تین لٹر پانی استعمال کرنا چاہیے،محمد علی ڈائریکٹر جناح ہسپتال ڈنگہ
ڈنگہ(محمدبلال احمد بٹ)جناح ہسپتال ڈنگہ کے ڈائریکٹرمحمد علی نے صحافیوں کو بتایا ہے کہ پانی کا زیادہ سے زیادہ استعمال کریں گرمیوں میں ہر فرد کو اوسطاً روزانہ کم از کم تین لٹر پانی استعمال کرنا چاہیے اس کے علاوہ غیر ضروری دھوپ میں نکلنے سے پرہیز کرنا چاہیے جبکہ دھوپ میں نکلتے وقت چہرے اور سر کو ڈھانپ کر رکھیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :تعلیم انسانی معاشروں کو ترقی کی راہ پر گامزن کرنے کے لئے اہم کردار ادا کرتی ہے،میاں محمد عارف
ڈنگہ(محمد بلال احمد بٹ)تعلیم انسانی معاشروں کو ترقی کی راہ پر گامزن کرنے کے لئے اہم کردار ادا کرتی ہے اس لئے حکومت پنجاب ہر بچے کو تعلیم سے ہمکنار کرنے کے لئے کوشاں ہے،بچوں کی بہتر تعلیم و تربیت اساتذہ کا کام ہے مجھے خوشی ہے کہ ہمارے سکول میں تعینات اساتذہ محنتی اور لائق ہیںجو اپنی ذمہ داریوں کو خو ش اسلوبی سے ادا کر رہے ہیں،ان خیالات کااظہار گورنمنٹ ہائی سکول ڈنگہ کے ہیڈ ماسٹر میاں محمد عارف نے ایک ملاقات میں کیا انہوں نے کہا کہ ہم اپنے سکول اور معیار تعلیم بہتر سے بہتر بنانے کے لئے کوشاں ہیں تاہم والدین بھی اپنے بچوں کی تعلیم و تربیت میں دلچسپی لیں اور انہیں سکول بھیجیں اور دیگر تعلیمی معاملات میں کوتاہی نہ برتیںانہوں نے کہا کہ اساتذہ کی خواہش ہوتی ہے کہ ان کے پاس زیر تعلیم بچے کامیابیوںسے ہمکنارہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :نور فاطمہ ہاسٹل میں عوام کو بہتری طبی سہولیات فراہم کی جائیں گی،الحاج محمد صادق بٹ
ڈنگہ(محمد بلال احمد بٹ)نور فاطمہ ہاسٹل میں عوام کو بہتری طبی سہولیات فراہم کی جائیں گی ہسپتال میں سپیشلسٹ ڈاکٹرز و سرجن کے علاوہ گائنہ کالوجسٹ لیڈی ڈاکٹر کا بھی انتظام کیا گیا ہے ہسپتال میں غریب اور مستحق مریضوں کو ہر قسم کا ریلیف مہیا کیا جائے گا ان خیالات کا اظہار چیئر مین نور فاطمہ ٹرسٹ الحاج محمد صادق بٹ نے ایک ملاقات میں کیا انہوں نے کہا کہ ہسپتال کا عنقریب افتتاح سادہ اور پروقار تقریب میں کیا جائیگا۔انہوں نے کہا کہ سرزمین ڈنگہ کی زینت نور فاطمہ ہسپتال یکم جون سے علاج شروع کر دے گا،ہسپتال علاقہ کی عوام کے لیے کسی تحفہ سے کم نہیں علاج اور کھانا مفت فراہم کیا جائیگا،تخمینہ لاگت 16کروڑ ہے تمام تصرفات حاجی برادران اپنی ذاتی آمدن سے کرین گے،اس میں زکوٰة کا کوئی پیسہ شامل نہیں کیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ شہر میں جعلی پریس پلیٹ اور ایمرجنسی ہوٹروالے موٹر سائیکلوں کی بھر مار عوام پریشان
ڈنگہ(محمد بلال احمد بٹ)ڈنگہ شہر میں جعلی پریس پلیٹ اور ایمرجنسی ہوٹروالے موٹر سائیکلوں کی بھر مار عوام پریشان،تفصیلات کے مطابق ڈنگہ سٹی میں ہر دوسرے موٹر سائیکل پر سبز رنگ والی پلیٹ جس پر بڑے حروف اردو ،انگلش میں پریس لکھا اور ایمرجنسی ہوٹر لگا ہوا ہے،جبکہ پریس صرف کسی مستند اخبار کے کارڈ ہولڈر کو ہی لکھنے کا احتیار ہے،مگر یہاں جس کا پریس کا دور سے بھی کوئی واسطہ نہیں انہوں نے سب سے زیادہ موٹر سائیکل ،کار پر بڑی نمایاں جگہ پر پریس کی پلیٹ لکھائی ہوئی ہے ایمرجنسی ہوٹر سرکاری محکموں میں ہنگامی حالات سے نمٹنے والی گاڑیوں پر لگے ہوتے ہیں جس کی وجہ سے انہیں راستہ آسانی سے ملتا ہے یہی ہوٹر منچلے لڑکوں نے موٹر سائیکل پر لگایا ہوا ہے،اور دن رات بجاتے ہوئے آوارہ گردی کرتے رہتے ہیں عوام یہی سمجھتی ہے کہ کہیں ایمرجنسی ہو گئی ہے مگر سامنے آنے پر پتہ چلتا ہے یہ تو کوئی آوارہ منچلا ہے شہریوں نے سٹی پولیس سے اس کے خلاف موثر کاروائی کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : کھاریاں منڈی روڈ اور بجاڑ والا گائوں کو جانے والی مرکزی شاہراہ جو کہ مکمل ٹوٹ پھوٹ چکی ہے،مشتاق کھٹانہ
ڈنگہ(محمد بلال احمد بٹ )بجاڑ والا کی معروف سماجی اور سیاسی شخصیت مشتاق کھٹانہ نے صحافیوںسے خصوصی گفتگو کرتے ہوئے کہا کہ کھاریاں منڈی روڈ اور بجاڑ والا گائوں کو جانے والی مرکزی شاہراہ جو کہ مکمل ٹوٹ پھوٹ چکی ہے اس کو فی الفور از سر نو تعمیر کیا جائے کیونکہ سڑک پر چلنا اب بالکل دشوار ہو چکا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:ہر روٹ کا علیحدہ بس اور ویگن سٹینڈ،شیڈ نہ ٹھنڈا پانی،ٹوائلٹ نہ مسافر خانہ،کڑی دھوپ میں مسافر کھڑے ہو کر بس کا انتظار کرنے پر مجبور
ڈنگہ(محمدبلال احمد بٹ)ڈنگہ شہر میں مرکزی جنرل بس ویگن سٹینڈ نہ ہونے کی وجہ سے ہر روٹ کا علیحدہ بس اور ویگن سٹینڈ،شیڈ نہ ٹھنڈا پانی،ٹوائلٹ نہ مسافر خانہ،کڑی دھوپ میں مسافر کھڑے ہو کر بس کا انتظار کرنے پر مجبور،تفصیلات کے مطابق ڈنگہ میں مرکزی بس سٹینڈ نہ ہونے کی وجہ سے جگہ جگہ روٹ پر چلنے والی بسوں اور ویگنوں نے اپنے علیحدہ علیحدہ اڈے بنا رکھے ہیں کھاریاں،گجرات،لالہ موسیٰ ،منگووال،کنجاہ،پھالیہ،پاہڑیانوالی،منڈی بہائو الدین اور دیگر شہروں کو روزانہ سفر کرنے والے سینکڑوں مسافر ذلیل و خوار کیونکہ ان انڈوں پر مسافروں کے بیٹھنے کیلئے کوئی چھائوں دار جگہ ہے نہ ہی کوئی ٹھنڈے پانی کا بندوبست ہے،بزرگ بوں اور خواتین مسافروں کیلئے ٹوائلٹ ہے نہ ہی مسافروں کیلئے کوئی معقول انتظار گاہ ہے کڑی دھوپ ہو یا آندھی و طوفان سردی کا موسم ہو یاپھر بارش ہو بزرگ بچے اور خواتین نزدیکی دکانوں میں پناہ لینے پر مجبور ہو جاتی ہے ڈنگہ شہر جسکی آبادی تقریبا ً ایک لاکھ سے بھی تجاوز کررہی ہے،اہل شہر اورگردونواح کے سفر کرنے والوںنے ارباب اختیار سے مطالبہ کیا ہے کہ ڈنگہ شہر میں ایک مرکزی بس سٹینڈ بنایا جائے جو تمام سہولتوں سے آراستہ ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :محلہ ڈیرہ مائی صاحبہ کی مین گلیاں بالکل خستہ حال ہیں
ڈنگہ(محمد بلال احمد بٹ)محلہ ڈیرہ مائی صاحبہ کی مین گلیاں بالکل خستہ حال ہیں اہل محلہ نے مقامی سیاسی قیادت کو وعدہ یاد دلاتے ہوئے کہا کہ ان گلیوں پعر بھی نظر ثانی کی جائے تاکہ گلہ کا نظام آب و نکاسی صحیح ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :آٹا کی قیمتوں میں واضح کمی کے باوجود ڈنگہ اور گردونواح میں قائم تندور ہوٹل مالکان کی من مانیاں عروج پر ہیں
ڈنگہ(محمد بلال احمد بٹ)آٹا کی قیمتوں میں واضح کمی کے باوجود ڈنگہ اور گردونواح میں قائم تندور ہوٹل مالکان کی من مانیاں عروج پر ہیں100گرام سے بھی کم وزن کی روٹی نان فروخت کر رہے ہیں،ان نان بائیوں نے مبینہ طور پر چھ روپے وصول کرنے کے ساتھ ساتھ وزن بھی انتہائی کم کر کے پھونک سے اڑن جانے والی روٹی و نان کی فروخت کو معمول بنا لیا ہے،جبکہ مقامی انتظامیہ کی خاموشی سمجھ سے بالا تر ہے شہریوں نے اعلیٰ حکام سے کاروائی کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :گوالے نان فوڈ گریڈ ڈرموں کا کھلے عام استعمال کر رہے ہیں،متعلقہ حکام خواب خرگوش کے مزے لے رہے ہیں
ڈنگہ(محمد بلال احمد بٹ)گوالے نان فوڈ گریڈ ڈرموں کا کھلے عام استعمال کر رہے ہیں متعلقہ حکام خواب خرگوش کے مزے لے رہے ہیں،تفصیلات کے مطابق ڈنگہ شہر اور گردونواح سے تعلق رکھنے گوالے سرعام جوڈرم استعمال کر رہے ہیں وہ ماہرین صحت کے مطابق نیلے رنگ کے کیمیکل سے بنے نان فود گریڈ ڈرم صحت کے لئے انتہائی مضر ہیں جس کی وجہ سے حکومت ان ڈرموں کے استعمال پر پابندی عائد کر رکھی ہے لیکن صوبہ بھر میں ان نیلے ڈرموں کے خلاف کریک ڈائون کر کے مذکورہ ڈرم ضبط کر لئے گئے ہیں مگر ڈنگہ اور گردونواح میں یہ زہر قاتل سرعام استعمال ہو رہا ہے شہریوں نے اعلیٰ حکام سے مطالبہ کیا ہے کہ ان کے خلاف ٹھوس کاروائی عمل میں لائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : وزیراعلیٰ پنجاب میاں شہباز شریف کا میٹرو بس کے بعد میٹرو ٹرین کا منصوبہ ملکی تاریخ کا عظیم اور سنہری کارنامہ ہے،میاں محمود،میاں امجد محمود
ڈنگہ(محمد بلال احمد بٹ)راہنما مسلم لیگ ن ایم پی اے میاں طارق محموداور سابق چیئر مین بلدیہ ڈنگہ میاں امجد محمود نے اپنے الگ الگ بیانات میں کہا کہ وزیراعلیٰ پنجاب میاں شہباز شریف کا میٹرو بس کے بعد میٹرو ٹرین کا منصوبہ ملکی تاریخ کا عظیم اور سنہری کارنامہ ہے پاکستان کے عوام کو جدید سہولیات سے آراستہ کرنے کیلئے میاں برادران کوشاں ہیں انہوں نے کہا کہ یہ منصوبہ ملکی تاریخ میں سنگ میل کی حیثیت رکھتاہے انشاء اللہ میٹرو بس کی طرح یہ منصوبہ بھی انشاء اللہ بہت جلد پایہ تکمیل تک پہنچے گا اور عوام اس سے مستفید ہوں گے انہوں نے کہا کہ لاہور میں میٹرو بس کے قیام کے بعد راولپنڈی فیصل آبا اور دیگر شہروں میں انہوں نے اس منصوبہ کو پایہ تکمیل تک پہنچایا اور اب انہوں نے میٹروٹرین کا منصوبہ لا کر ایک عظیم کارنامہ سرانجام دیاہے اور انشاء اللہ میاں براران کی قیادت میں ہم ترقی اور خوشحالی کی منازل طے کرتا رہے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ(محمد بلال احمد بٹ)پارلیمانی سیکرٹری دفاع چوہدری جعفر اقبال کی قیادت میں وزارت دفاع کا چار رکنی اعلیٰ سطحی وفد گذشتہ روزبلغاریہ چار روزہ سرکاری دوریہ پر روانہ ہو گیا،وفد میں چوہدری جعفر اقبال کے علاوہ وزارت دفاعی پیداوار،پاکستانی آرمی اور جوائنٹ ہیڈ کوارٹر کا ایک ایک نمائندہ شامل ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : تحریک انصاف کا منشور حق اور سچ کا فروغ ہے،ملک بابر حسین اعوان
ڈنگہ(محمد بلال احمد بٹ)صدر پی ٹی آئی ڈنگہ ملک بابر حسین اعوان نے کہا ہے کہ تحریک انصاف کا منشور حق اور سچ کا فروغ ہے انصاف کی سستی فراہمی اور شہریوں کو بنیادی حقوق کی فراہمی کے لیے بھر پور اقدامات کی ضرورت ہے تحریک انصاف کے فیصل آباد احتجاج نے تاریخ رقم کر دی ہے،انہوں نے کہا کہ تحریک انصاف کے کارکنان عہدیداران اور ورکر سمیت باشعور عوام بھی دلی مبارکباد کے مستحق ہیں جنہوں نے ہمیشہ عمران خان کی آواز پر لبیک کہا ہے اور حق سچ کا ساتھ دیا اور عمران خان کے جلسے جلوسوں میں بھر پور شرکت کر کے محب وطن ہونے کا ثبوت دیا ہے، انہوں نے کہا کہ تحریک انصاف کی آواز کو دبانے والے احمقوں کی جنت میں بستے ہیں مخالفین کو ہمہ وقت یہ یاد رکھنا چاہیے کہ عمران خان ایک شخص اور ایک فرد کا نہیں بلکہ ایک تحریک کا نام ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :وزیراعلیٰ پنجاب کا رمضان المبارک کے دوران5ارب روپے کے رمضان پیکج کا اعلان خوش آئند ہے،چوہدری عثمان اسلم
ڈنگہ(محمد بلال احمد بٹ)راہنما مسلم لیگ حلقہ این اے106،چوہدری عثمان اسلم نے اپنے بیان میں کہا ہے کہ خادم اعلیٰ پنجاب میاں شہباز شریف نے پنجاب بھر میں رمضان المبارک کے دوران5ارب روپے کے رمضان پیکج کے تحت عوام کو رمضان بازاروں اور اوپن مارکیٹ میں سستا آٹا اور دیگر خوردونوش کی اشیاء کم نرخوں پر فراہم کی جائیں گی تاکہ غریب عوام اس سے مستفید ہوسکے گی،انہوں نے کہا کہ وزیراعلیٰ پنجاب بھر میں 360سستے رمضان بازار لگائیں گے رمضان بازاروں میں334فیئر پرائس شاپس قائم کی جائیں گی جہاں10اشیائے ضروریہ تھوک کے ریٹ پر دستیاب ہوں گی اورمدنی لنگر سے سحری اور افطاری کابھی اہتمام ہو گا،رمضان بازاروں میں یوٹیلٹی سٹورز کے بھی سٹالز لگائے جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ذکاء اشرف اور نجم سیٹھی کی کشمکش کی وجہ سے چیف سیکرٹری پنجاب نوید اکرم چیمہ کو کرکٹ بورڈ کا چیئر مین بنانے کا فیصلہ کر لیا گیا ہے
ڈنگہ(محمد بلال احمد بٹ)ذکاء اشرف اور نجم سیٹھی کی کشمکش کی وجہ سے چیف سیکرٹری پنجاب نوید اکرم چیمہ کو کرکٹ بورڈ کا چیئر مین بنانے کا فیصلہ کر لیا گیا ہے،ذرائع کے مطابق حکومت سپورٹس میں جاری بحران سے تنگ آچکی ہے نجم سیٹھی اور ذکاء اشرف میں جاری چپقلش کی وجہ سے کرکٹ بورڈ بہت متاثر ہوا ہے،یہی وجہ ہے کہ مسلم لیگ ن اب عوام کی تنقید سے بچنے کیلئے نوید اکرم چیمہ کو کرکٹ بورڈ کا چیئر مین بنانا چاہتی ہے اور اس حوالے سے اعلیٰ سطح پر فیصلہ بھی کر لیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : وزیراعظم نواز شریف نے حال ہی میں اپنی سیکورٹی کیلئے دو بلٹ پروف گاڑیاں حاصل کر لیں جس کی مالیت22کروڑ چالیس لاکھ روپے ہے
ڈنگہ(محمد بلال احمد بٹ)حکومت کی جانب سے سادگی اختیار کرنے پر جو بہت زیادہ زور دیاجاتا ہے اور سرکاری عہدیدار اس طرح کے الفاظ بے تحاشہ دہراتے رہتے ہیں ایسا گتا ہے کہ اس سے مراد صرف عام لوگ ہوتے ہیں،ذرائع سے معلوم ہوا ہے کہ وزیراعظم نواز شریف نے حال ہی میں اپنی سیکورٹی کیلئے دو بلٹ پروف گاڑیاں حاصل کی ہیں ان کاروں کی قیمت قومی خزانے سے حاصل کی گئی جو کہ بائیس کروڑ چالیس لاکھ روپے سے زیادہ تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : حکمران مسائل حل کرنے میں ناکام ہو چکے،چوہدری شفقت عرف شاقی
ڈنگہ(محمد بلال احمد بٹ)پاکستان مسلم لیگ ق راہنما چوہدری شفقت محمود عرف شاقی نے کہا ہے کہ حکمران مسائل حل کرنے میں ناکام ہو چکے۔ اگر مزید عرصہ اقتدار میں رہے تو قومی یکجہتی کو نقصان پہنچنے کا خدشہ ہے۔اداروں کو لڑا کر اقتدار کو مستحکم بنانے کے خواہشمند آمرانہ ذہنیت رکھتے ہیں لیکن بظاہر جمہوریت پسند بنے ہوئے ہیں۔ انہوں نے کہ حکمران عرصہ اقتدار پورا کریں تا کہ ان سے ہمیشہ کے لیے جان چھوٹ جائے لیکن لگتا یہی ہے کہ حکمرانوں کو جانے کی کچھ زیادہ ہی جلدی ہے۔ بجلی بحران فوری حل کرنے کے دعویداروں نے ملک کو اندھیروں میں ڈبو دیا ہے۔ اب ان کی سیاست بھی اندھیروں میں گم ہونے والی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: فرینڈز فائونڈیشن ڈنگہ کے تعاون سے لوکڑی چارگاہ کی ایک اور بیٹی باعزت رخصت ہو گئی
ڈنگہ(محمد بلال احمد بٹ)فرینڈز فائونڈیشن ڈنگہ کے تعاون سے لوکڑی چارگاہ کی ایک اور بیٹی باعزت رخصت ہو گئی،محمد افضل بھٹی کی بیٹی کی تقریب رخصتی ان کی رہائش گاہ پر منعقد ہوئی جس میں فرینڈز فائونڈیشن نے اپنا بھر پور حصہ ڈالا،اس موقع پر فرینڈز فائونڈیشن کے صہیب اعظم ڈار،مرزا ارشد علی،ڈاکٹر یاسر اعجاز اور محمد عارف جاوید موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پنجاب پولیس اور پیمرا انفورسٹمنٹ ٹیم نے جیو کومرضی کے نمبروں پر لانے کیلئے کیبل آپریٹرز پر دبائو ڈالنا شروع کر دیا ہے
ڈنگہ(محمدبلال احمد بٹ)پنجاب پولیس اور پیمرا انفورسٹمنٹ ٹیم نے جیو کومرضی کے نمبروں پر لانے کیلئے کیبل آپریٹرز پر دبائو ڈالنا شروع کر دیا ہے،ذرائع کے مطابق ایک طر ف تو جیو کو بند کرانے کے حوالے سے عوامی مہم چل رہی ہے اور دوسری طرف پنجاب پولیس اور پیمرا انفورسٹمنٹ ٹیم کی طرف سے جیو کو مرضی کے نمبروں پر لانے کیلئے کیبل آپریٹروں پر دبائو ڈالا جا رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: پیپلز پارٹی ہر فورم پر مہنگائی بے روزگاری اور دہشت گردی کے خلاف آواز بلند کر کے حکمرانوں کی توجہ اس طرف دلاتی رہے گی،ملک اعجاز احمد
ڈنگہ(محمدبلال احمد بٹ)راہنما پی پی پی ڈنگہ،معروف پراپرٹی ڈیلر ملک اعجاز احمد نے اپنے بیان میں کہا ہے کہ پیپلز پارٹی ہر فورم پر مہنگائی بے روزگاری اور دہشت گردی کے خلاف آواز بلند کر کے حکمرانوں کی توجہ اس طرف دلاتی رہے گی تنقید برائے تنقید کی بجائے پیپلز پارٹی نے مفاہمتی سیاست کو فروخت دیا ہے،جبکہ لیگی حکومت کی ایک سالہ کارکردگی اس کے دعوئوں کے برعکس ہے،ان خیالات کا اظہار انہوں نے کہا کہ پیپلز پارٹی ملک کی سب سے بڑی جمہوری پارٹی ہے،اور یہ ملک میں جمہوریت کا دفاع کرنے میں کسی کوتاہی کا مظاہرہ نہیںکرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :28مئی 1998ء کو وزیراعظم میاں محمدنواز شریف نے ایٹمی دھماکے کرکے ملک کو ملکی دفاع کو ناقابل تسخیر بنا دیاتھا،ملک نوید احمد اعوان
ڈنگہ(محمد بلال احمد بٹ)پاکستان مسلم لیگ ن ڈنگہ کے راہنما نوجوان سیاسی شخصیت ملک نوید احمد اعوان نے اپنے یوم تکبیر کے سلسلے میں اپنے بیان میں کہا 28مئی 1998ء کو وزیراعظم میاں محمدنواز شریف نے ایٹمی دھماکے کرکے ملک کو ملکی دفاع کو ناقابل تسخیر بنا دیاتھا انہوں نے کہا کہ مسلم لیگ ن کی قیادت نے ہمیشہ عوامی مفادات کو ترجیح دی ہے 28مئی کو اندرونی و بیرونی سطح پر شدید دبائو کے باوجووایٹمی دھماکے کر کے دشمن کے دانت کھٹے کر دیئے جس کا خمیازہ بھی میاں محمد نواز شریف کو جلا وطنی کی صورت میں بھگتنا پڑا لیکن اپنے موقف سے پیچھے نہیں ہٹے انشاء اللہ اسی جذبے کے ساتھ میاں محمد نواز شریف ،انڈیا کے نومنتخب وزیراعظم نریندر مودی کی تقریب حلف برداری میں شرکت کر کے کشمیر و دیگر ایشوز پر دو ٹوک موقف اختیار کر تے ہوئے تمام ایشو ز پر بات کریں گے اور وہ دن دور نہیں ہوگا جب کشمیر ،بجلی بحران سمیت تمام مسائل حل ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :سیکرٹری یونین کونسل شاہ حسین گلشاد احمد موٹر سائیکل حادثہ میں زخمی
ڈنگہ(محمدبلال احمد بٹ)سیکرٹری یونین کونسل شاہ حسین گلشاد احمد موٹر سائیکل حادثہ میں زخمی،تفصیلات کے مطابق سیکرٹری یونین کونسل کولیاں شاہ حسین گلشاد احمد کام کے سلسلے میں گجرات سے واپس آرہے تھے کہ موٹر سائیکل حادثہ ہوا جس کے نتیجے میں گلشاد احمد کے پائوں کی ہڈی فریکچر اور جسم پر شدید چوٹیں لگیں۔
آئندہ چار برسوں میں ترقی میں خطے کے ممالک سے آگے نکل جائیں گے: حمزہ شہباز شریف
