معروف سماجی رہنما سید اسرار احمد زیدی شاہ نے کہا کہ مصطفی آباد میںغیراعلانیہ لوڈشیڈنگ کافوری خاتمہ کیاجائے
مصطفی آباد/للیانی(نامہ نگار)معروف سماجی رہنما سید اسرار احمد زیدی شاہ نے کہا کہ مصطفی آباد میںغیراعلانیہ لوڈشیڈنگ کافوری خاتمہ کیاجائے ، مصطفی آباد میں دوبارہ غیراعلانیہ لوڈشیڈنگ میں اضافہ کے باعث عوام کی زندگی اجیرن ہوچکی ہے مڈل کلاس اور غریب محنت کش افراد کے گھروں میں بجلی نہ ہونے کے باعث فاقے اور بے روزگاری میں اضافہ ہوچکاہے انہوں نے کہا کہ مصطفی آباد میںغیر اعلانیہ لوڈ شیڈنگ، طلبہ اور کاروباری طبقہ شدید مشکلات کا شکار جبکہ ویلڈرز، کمپوزرز، پرنٹرز، فوٹو سٹیٹ مالکان، درزی اور دھوبی وغیرہ تقریباً بے روزگار ہو چکے ہیں۔ مصطفی آباد میں لوڈشیڈنگ کے باعث تمام طبقات زندگی باالخصوص کاروباری حلقے اور طلبہ سخت مشکلات کا شکار ہیں، مسلسل کئی کئی گھنٹے کی غیر اعلانیہ لوڈ شیڈنگ کے باعث یو پی ایس بھی کام کرنا چھوڑ دیتے ہیں ۔انہوں نے حکومت سے اپیل کی ہے کہ لوڈ شیڈنگ کے مسئلے پر سنجیدگی سے غورکرکے غیر اعلانیہ لوڈ شیڈنگ میں کمی لائے اور غیر اعلانیہ لوڈ شیڈنگ مکمل طور پر ختم کی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نندی پور اور ساہیوال پاور پراجیکٹ کی تعمیر سے اندھیرے دور ہو جائیں گے مصطفی آباد/للیانی(نامہ نگار)نندی پور اور ساہیوال پاور پراجیکٹ کی تعمیر سے اندھیرے دور ہو جائیں گے، وزیر اعظم پاکستان میاں محمد نواز شریف خلوص نیت سے پاکستان کو مسائل کی دلدل سے نکالنے کیلئے دن رات کوشاں ہیں۔مسلم لیگ ن کی قیادت نے انرجی بحران پر قابو پانے کیلئے دوست ملک چین کے اشتراک سے کئی منصوبے شروع کئے ہیں، جن کے مثبت نتائج جلد متوقع ہیں، بجلی بحران پر قابو پانا مسلم لیگ ن کی اولین ترجیح ہے۔ ان خیالات کا اظہار جزل سیکرٹری مسلم لیگ ن MYOقصور چوہدری چارق سعید نے اپنے ایک بیان میں کیا۔ انہوں نے مزید کہا کہ پاک بھارت وزراء اعظم کی ملاقات کے نتائج سے بہت پرامید ہوں ،دونوں ممالک کے تعلقات کے مستقبل کے بارے میں سب کو اچھی امید رکھنی چاہیے۔ سب کو پاک بھارت تعلقات کے مستقبل کے بارے میں اچھی امید رکھنی چاہیے۔مسلم لیگ ن پاکستان کی حقیقی ترجمان جماعت ہے اور ان کے قائدین میاں محمد نواز شریف ، میاں محمد شہباز شریف مخلص اور محب الوطن پاکستانی ہیں جو ملک و قوم کو ترقی کی راہ پر گامزن کرنے کیلئے کوشاں ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ حکومت صنعت و تجارت کے فروغ کے لئے سرمایہ کاروں کو بھرپور تعاون فراہم
مصطفی آباد/للیانی(نامہ نگار) حکومت صنعت و تجارت کے فروغ کے لئے سرمایہ کاروں کو بھرپور تعاون فراہم کررہی ہے اورلوڈشیڈنگ میں کمی کے لئے ہنگامی بنیادوں اوردیرپا حل کے لئے انرجی سیکٹر میں پاور پلانٹس لگائے جارہے ہیں، غیرملکی سرمایہ کاروں اور تاجروں کے لئے حکومت نے وسیع مواقع فراہم کئے ہیں،صنعت و تجارت کے فروغ کے لئے بجلی کی پیداوار میں اضافہ کی خاطر نجی و سرکاری شعبہ میں پاورپلانٹس لگائے جارہے ہیں اور چارسالوں میں لوڈشیڈنگ کا خاتمہ کردیا جائے گا۔ان خیالات کا اظہار رہنما مسلم لیگ ن محمد شاہد مغل نے اپنے ایک بیان میں کیا۔ انہوں نے مزید کہا کہ میاں محمد نواز شریف نے بھارتی وزیر اعظم کی تقریب میں شرکت کی دعوت کو قبول کرتے ہوئے اس کا مثبت جواب دے کر دنیا کو ایک پیغام دیا ہے اس سے پاکستان کے امیج میں اضافہ ہوا ہے اور اس سے یہ ثابت ہوا ہے کہ پاکستان ہمسایوں کے ساتھ امن اور وقار کے ساتھ رہنا چاہتا ہے۔
