کراچی (جیوڈیسک) گورنر سندھ ڈاکٹر عشرت العباد نے پولیس اور رینجرز کو ہدایت کی ہے کہ شہر میں امن امان کی بہتری کے لیے جرائم پیشہ افراد کے خلاف بلا تفریق کارروائیاں کی جائیں۔
گورنر سندھ ڈاکٹرعشرت العباد خان سے ڈی جی رینجرز میجر جنرل رضوان اختر،آئی جی سندھ اقبال محمود اور ایڈیشنل آئی جی کراچی غلام قادر تھیبو نے ملاقات کی جس میں کراچی ٹارگٹڈ آپریشن کی پیش رفت اور اس میں ہونےوالی گرفتاریوں سے آگاہ کیا۔
پولیس اور رینجرز کی جانب سے گورنر سندھ کو بریفنگ میں بتایا گیا کہ آپریشن کے دوران بعض گرفتاریوں سے اہم معلومات حاصل ہوئی ہیں جبکہ شہر میں ٹارگٹ کلنگ کے ذریعے فرقہ وارانہ فساد کرانے کی سازش بھی کی جارہی ہے۔
اس موقع پر گورنر سند ڈاکٹر عشرت العباد نے پولیس اور رینجرز کے سربراہان کو ہدایت دیتے ہوئے کہا کہ دہشت گرد عناصر کے ساتھ سختی سے نمٹنا ہوگا جس کے لیے جرائم پیشہ افراد کے خلاف بلاتفریق کارروائیاں کی جائیں۔
کراچی: ٹارگٹ کلنگ سے چھ افراد قتل، کالعدم تحریک طالبان کے کارندوں کی لاشیں برآمد
لاپتہ افراد کمیشن; 3 سال میں 567 افراد بازیاب کرائے گئے
