نیویارک (جیوڈیسک) ہالی ووڈ کے پر کشش اداکار اور بلاک بسٹر فلم سیریز ٹوائے لائٹ کے ویمپائر رابرٹ پیٹنسن کی نئی سنسنی خیز فلم دی رووَر The Rover کا ٹریلر جاری کر دیا گیا ہے۔ ہدایتکار ڈیوڈ میشوڈ کی اس فلم کو جوئیل ایجرٹن نے تحریر کیا ہے جسکی کہانی چوروں کے ایک ایسے گینگ کے گِرد گھوم رہی ہے جو کارچوری کے بعد اپنے ایک رُکن کو شدید زخمی حالت میں چھوڑ کر فرار ہو جاتے ہیں۔
آسٹریلیا کے ریگستان میں فلمائی جانیوالی اس ایکشن فلم میں نامور ہالی ووڈ اداکار رابرٹ پیٹنسن کے علاوہ گائے پیئرس اوراسکاٹ میکنیری اہم کرداروں میں جلوئہ گر ہو رہے ہیں۔ ڈیوڈ لنڈی،لیزی واٹس اور میشوڈ کی مشترکہ پروڈکشن میں بننے والی اس کرائم ڈرامہ فلم کی تیاری پر کل 12 ملین ڈالرکی لاگت آئی ہے جو 12 جون کو آسٹریلیا،13 جون کونیو یارک اور لاس اینجلس جبکہ 15 اگست کو برطانوی سنیما گھروں میں نمائش کیلئے پیش کر دی جائیگی۔
اکشے اور سوناکشی کی فلم ہالی ڈے شائقین کو بھا گئی
بالی ووڈ فلم”ایک ولن”کا نیا ٹریلراور پوسٹر جاری کر دیا گیا
