لاہور (جیوڈیسک) پاکستان کرکٹ بورڈ کے زیریں درجے کے ملازمین کی تنخواہوں میں اضافہ کر دیا گیا۔
اس معاملے پر غور کیلیے چیئرمین نجم سیٹھی کی ہدایت پر تشکیل دی جانے والی کمیٹی میں پرنسپل ایڈوائزر ظہیر عباس، منیجمنٹ کمیٹی کے رکن شکیل شیخ اور ڈائریکٹر ایچ آر و ایڈمنسٹریشن بریگیڈیئر (ر) ساجد حمید تھے۔
ارکان کا خیال تھا کہ 2011 کے بعد سے تنخواہیں نہ بڑھائے جانے پر ملازمین مالی مشکلات کا شکار ہیں لہذا رواں سال اضافہ کیا جانے کی سخت ضرورت ہے، کمیٹی کی سفارشات نجم سیٹھی کی طرف سے منظور کیے جانے کے بعد فیصلے کا نفاذ یکم جولائی سے ہو گا۔
پی سی بی کی پریس ریلیز کے مطابق کمیٹی کے فیصلے کے تحت ریجنز میں کام کرنے والے 232 سمیت 442 ملازمین کو فائدہ ہو گا، تمام ورکرز کو تنخواہوں میں 10 جبکہ ریجنل سطح پر کام کرنے والوں کو 14 فیصد اضافہ ملے گا۔
یاد رہے کہ پی سی بی کے ملازمین میں سے 85 فیصد 50 ہزار سے کم ماہانہ وصول کرتے ہیں، اس سے زائد تنخواہ پانے والوں کی انکریمنٹ کے معاملے پر بعد میں غور کیا جائے گا۔
آئی سی سی کو دھمکی دینے پر سابق کرکٹرز و آفیشلز سیخ پا
ایل جی نے جی تھری سمارٹ فون متعارف کرا دیا
