کراچی (جیوڈیسک) آئی جی سندھ اقبال محمود کی زیر صدارت کراچی ایئرپورٹ حملے سے متعلق اہم اجلاس ہوا جس میں شہر کی کچی آبادیوں کے سروے کرنے کا فیصلہ کیا گیا۔
آئی جی سندھ اقبال محمود کی زیر صدارت کراچی ایئرپورٹ حملے اور اس کے بعد کی سکیورٹی صورتحال سے متعلق سنٹرل پولیس آفس میں اعلیٰ سطح کا اجلاس ہوا جس میں ایڈیشنل آئی جی کراچی، ڈی آئی جی اسپیشل برانچ، ڈی آئی جی سی آئی اے نے شرکت کی جبکہ ڈی آئی جی کرائم برانچ اور حیدرآباد کے افسران نے اجلاس میں ویڈیو لنک کے ذریعے شرکت کی۔
اجلاس میں آئی جی سندھ اقبال محمود نے کراچی ایئرپورٹ حملے کے بعد شہر میں واقع کچی آبادیوں کے سروے کا حکم دیا۔ آئی جی سندھ نے افسران کو ہدایت دیں کہ ہر زونز میں پولیس کی ریزرو پلاٹون کو الرٹ رکھا جائے، ریپڈرسپانس فورس اور اسپشل سکیورٹی یونٹ اہم عمارتوں کی سکیورٹی یقینی بنائے جبکہ سی آئی ڈی کرائم برانچ کے اہلکاروں کی دستیابی کو یقینی بنائے،اجلاس میں اسنائپرز کی تربیت کا بھی فیصلہ کیا گیا۔
وزیراعظم نے کابینہ اور لیگی اراکین اسمبلی کے دارالحکومت چھوڑنے پر پابندی لگا دی
ایم کیو ایم نے سندھ کا شیڈو بجٹ پیش کر دیا
