لاہور (جیوڈیسک) ٹی وی کی سینئر اداکارہ فضیلہ قیصر نے کہا ہے کہ شادی کے بعد ٹی وی پر جتنا بھی کام کیا اس میں ان کے شوہر کی اجازت اور مشاورت شامل تھی، ان کی پہلی ترجیح گھریلو زندگی ہے اور انھوں نے اس میں ایک لمحے کے لیے بھی کوتاہی نہیں برتی۔
ایک انٹر ویو میں فضیلہ قیصر نے کہا کہ میاں بیوی گاڑی کے دو پہیوں کی طرح ہوتے ہیں اگر ان میں توازن ہوگا تو گاڑی آگے چل سکے گی۔ انھوں نے مزید کہا کہ ہر انسان سے غلطی ہو سکتی ہے لیکن بہترین وہ ہے جو اپنی غلطی سے سیکھے اور آئندہ اس سے محتاط رہے۔
فضیلہ قیصر نے مزید کہا کہ ٹی وی پر آنے والے نئے فنکار اچھا کام کر رہے ہیں‘ وہ انھیں یہی مشورہ دیں گی کہ لگن اور نیک نیتی سے کام کریں اس کا ثمر ہر حال میں ملے گا۔
فلم ’’اکیلے‘‘ میں بپاشا باسو دھڑ سے جڑی بہنوں کا کردار نبھائیں گی
دنیا بھرمیں ہمارے ڈرامے اورموسیقی کی مثال دی جاتی ہے ، سجاد علی
