ملتان (جیوڈیسک) ملتان میں حساس ادارے کے اسٹنٹ ڈائریکٹر کو گھر سے دفتر جاتے ہوئے اغوا کر لیا گیا۔ پولیس نے بازیابی کے لئے شہر سے باہر جانے والے راستوں کی ناکہ بندی کر دی ہے۔
پولیس کے مطابق یہ واقعہ گارڈن ٹاون کے علاقہ میں پیش آیا جہاں ایک حساس ادارے کے افسرعمر گیلانی کو اغوا کر لیا گیا۔ عینی شاہدین کے مطابق اغوا کاروں کی تعداد 10 کے قریب تھی جو دو موٹر سائیکلوں اور ایک کار پر سوار تھے۔
اغوا میں مزاحمت پر عمر گیلانی پر اغوا کاروں نے تشدد بھی کیا اغوا کاروں میں دو افراد نے پولیس یونیفارم زیب تن کر رکھا تھا دوسری جانب پولیس نے علاقہ کی ناکہ بندی کر دی ہے۔ اغوا ہوانے والےاسٹنٹ ڈائریکٹر عمر گیلانی ، چیف جسٹس آف پاکستان مسٹر جسٹس تصدق جیلانی کے بھتیجے ہیں۔
بھکر: پنچائت نے 2 لڑکیوں کو ونی کر دیا، نکاح خواں سمیت 3 افراد گرفتار
ضلع تور غر : پولیس چیک پوسٹ دھماکے سے تباہ 4 پولیس اہلکار زخمی
