گجرات کی خبریں 26/6/2014
Posted on June 17, 2014 By Geo1 Webmaster سٹی نیوز
اللہ تعالیٰ ہر مسلمان کو اپنا گھر دکھا ئے اور اُس عمرہ و حج کی سعادت حاصل کرنے کا موقع دے’ممتاز عالم دین صاحبزادہ پیر حکیم جواد الرحمن نظامی سیفی
گجرات ( جی پی آئی )اللہ تعالیٰ ہر مسلمان کو اپنا گھر دکھا ئے اور اُس عمرہ و حج کی سعادت حاصل کرنے کا موقع دے ان خیالات کا اظہار ممتاز عالم دین صاحبزادہ پیر حکیم جواد الرحمن نظامی سیفی جامعہ مسجد نظامی میں منعقد محفل میں خطاب کرتے ہوئے کیا انہوں نے کہا ہے کہ نبی پاک صلی اللہ علیہ وآلہ وسلم کی دروازے پر حاضر ہونا دنیا کی سب بڑی سعادت ہے اور اللہ تعالیٰ اُس کو اپنے گھر بلاتا ہے جسے وہ پیار کرتا ہے ہمیں چاہیے کہ ہم نیک عمل کریں نماز اور روزہ کی پابندی کریں ممتاز عالم دین علامہ محمد شاہد چشتی نے کہا ہے کہ صاحبزادہ پیر حکیم جواد الرحمن نظامی سیفی کی خدمات ناقابل فراموش ہیں ‘ وہ مسلمانوں کی صحیح راہنمائی فریضہ سرانجام دے رہے ہیں اور ہم اُنہیں عمرہ کی سعادت حاصل کرنے پر مبارکباد پیش کرتے ہیں اس موقع پر صاحبزادہ حاجی محمد رحمن نظامی سیفی ‘ صاحبزادہ فصیح الرحمن نظامی سیفی ‘ صاحبزادہ محمد چاند نظامی سیفی ‘ صاحبزادہ محمد علی صابر نظامی سیفی ‘ صاحبزادہ محمد ذیشان نظامی سیفی ‘ حاجی شبیر سیفی ‘ صوفی امجد سیفی ‘ صوفی سلیم سیفی ‘ صوفی شیراز سیفی ‘ صوفی عمر فاروق سیفی ‘ صوفی خالد سیفی ‘ صوفی عدنان سیفی ‘ وسیم سیفی ‘ محمد شازب سیفی ‘ محمد بوٹا سیفی ‘ محمد عرفان سیفی ‘ قاری ساجد سیفی ‘ محمد احمد رضا سیفی ‘ محمد منشاء سیفی ‘ حاجی شمیریز سیفی ‘ محمد احسن سیفی ‘ محمد راحیل سیفی ‘ محمد الیاس سیفی ‘ عبدالرحمن سیفی ‘ راجہ محمد مدثرسیفی ‘ خادم عدنان علی سیفی ‘ صوفی کشور سیفی ‘ راجہ مسعود سیفی ‘ حافظ سمیر سیفی ‘ حافظ اُسامہ سیفی ‘ محمد عمران سیفی ‘ غضنفر شاہ سیفی ‘ بابا جی گلزار سیفی ‘ محمد عرفان جاوید سیفی ‘ محمد جعفر سیفی ‘ صوفی فاروق اور نعیمی سیفی محمد اظہر سیفی ‘ صوفی حاجی غلام عباس سیفی ‘ محمد جاوید سیفی ‘ محمد بلال سیفی ‘ حاجی محمد امیر علی سیفی و دیگر موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محمد احسن کو گزشتہ روزنمازجنازہ کے بعد سلطان پورہ قبرستان میں سینکڑوں سوگواروں کی موجودگی میں سپردخاک کر دیاگیا
گجرات(جی پی آئی)محمد محسن( اٹلی)،ناصر محمود(کینیڈا)،محمد زبیر(محسن کریانہ سٹور پرانی غلہ منڈی گجرات) کے بڑے بھائی محمد احسن(احسن فرنیچرزقادرکالونی)جو امریکہ میں وفات پا گئے تھے مرحوم کو گزشتہ روزنمازجنازہ کے بعد سلطان پورہ قبرستان میں سینکڑوں سوگواروں کی موجودگی میں سپردخاک کر دیاگیا۔ مرحوم کی نماز جنازہ جامع مسجد مرغزار کالونی میں اداکی گئی۔جس میں ممتاز سیاسی،سماجی، مذہبی،کاروباری شخصیات سمیت معززین شہر کی ایک بڑی تعدادنے شرکت کی۔مرحوم کی روح کے ایصال ثواب کے لئے ختم قل کی محفل آج مورخہ 17جون صبح نو بجے جامع مسجد مرغزار کالونی میں منعقد ہوگی ۔اجتماعی دعا ٹھیک دس بجے کی جائے گی۔مرحوم کے لواحقین کی طرف سے دوست احباب سے شرکت کی استدعا کی گئی ہے کہ محفل ختم قل میں شرکت فرما کر ثواب دارین حاصل کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز عالم دین علامہ محمد شاہد چشتی نے گزشتہ روز صاحبزادے پیر حکیم جواد الرحمن نظامی سیفی سے ملاقات کی
گجرات ( جی پی آئی ) ممتاز عالم دین علامہ محمد شاہد چشتی نے گزشتہ روز صاحبزادے پیر حکیم جواد الرحمن نظامی سیفی سے ملاقات کی اور انہیں عمرہ کی سعادت حاصل کرنے پر مبارکباد پیش کی ‘ اس موقع پر انہوں نے صاحبزادہ پیر حکیم جواد الرحمن کو 22جون اسلام آباد میں ہونے والی عظیم الشان کانفرنس میں شرکت کی دعوت جو کہ غازی ممتاز قادری کی رہائی کے سلسلہ میں منعقد ہو رہی ہے ۔ انہوں نے کہا ہے کہ ختم نبوت کے تحفظ کیلئے ہر مسلمان کو آگے بڑھ کر کام کرنے ہونا ہوگا ‘ غازی نامور س رسالت صلی اللہ علیہ وآلہ وسلم کی رہائی کے سلسلہ میں ہم سب بڑھ چڑھ کر جدوجہد کرینگے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دوران سروس وفات پانے والے اہلکاروں کے لواحقین میں امدادی چیک تقسیم
گجرات (جی پی آئی )دوران سروس وفات پانے والے اہلکاروں کے لواحقین میں امدادی چیک تقسیم پولیس ملازمین کی بہنوں ،بیٹویوں کی شادیوں کے لئے جہیز فنڈ بھی دیا گیا تفصیلات کے مطابق پولیس لائن گجرات میں ایک تقریب کا اہتمام کیا گیا ۔جس میں دوران سروس وفات پانے والے پولیس ملازمین کے لواحقین نے شرکت کی ۔اس تقریب میں ASPشاہ نواز نے لواحقین میں امدادی چیک تقسیم کئے ۔انہوں نے گجرات پولیس کے وفات پانے والے اہلکاروں کی خدمات کو سراہا اور ان کے درجات کی بلندی کے لئے دعا کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری شجاعت حسین سے مسلم لیگ ناروے کے صدر چوہدری محمد رزاق کی اہم ملاقات
گجرات (جی پی آئی )پاکستان مسلم لیگ کے صدراور سابق وزیراعظم سینیٹر چوہدری شجاعت حسین نے مسلم لیگ ناروے کے صدر چوہدری محمد رزاق سے اہم ملاقات کے دوران ملکی سیاسی صورتحال اور تیزی سے تبدیل ہوتے ہوئے سیاسی منظرنامے کے حوالے سے تفصیلی تبادلہ خیال کیا ہے جبکہ اس موقع پرچوہدری پرویز الہیٰ اور چوہدری وجاہت حسین سمیت دیگر مسلم لیگی راہنمائوںنے بھی سیاسی حکمتِ عملی کے تعین کیلئے اپنا نکتہ نظر پیش کیا۔صدر مسلم لیگ ناروے نے چوہدری برادران کو عملی تعاون فراہم کرنے کی یقین دہانی کراتے ہوئے آگاہ کیا کہ روانگی سے قبل مسلم لیگ ہاؤس اوسلو میں منعقدہ خصوصی اجلاس میں سیکرٹری جنرل شیخ ریاض احمد ، ملک اصغر اعوان، چوہدری رفاقت علی، چوہدری نجیب اللہ، چوہدری صادق، میاں اظہرالحسن، محمد رفیع بٹ ، میاں اختر حسین ودیگرسے مشاورت میں متفقہ فیصلہ کیا گیاکہ مسلم لیگ اور عوامی تحریک کا دس نکاتی ایجنڈے پراتفاق قائداعظم کے فلاحی پاکستان کی جانب اہم قدم ہے۔اطلاعات کے مطابق مسلم لیگی اعلیٰ قیادت کی جانب سے شیخ رشید کے ٹرین مارچ اور ڈاکٹر طاہرالقادری کے شاندار استقبال کے اعلان کے بعد بیرونِ ممالک مقیم مسلم لیگی عہدے داران اور کارکنان عملی جدوجہد میں حصہ لینے کیلئے جوق در جوق پاکستان پہنچنا شروع ہوگئے ہیںاور مسلم لیگ ناروے کے صدر چوہدری محمد رزاق کی پاکستان آمد بھی اسی سلسلے کی ایک کڑی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات پولیس کی منشیات فروشوں کے خلاف کارروائی ٹرک میں لوڈ 3600کلو گرام بھنگ اور 2کپیاں شراب برآمد
گجرات ( جی پی آئی )گجرات پولیس کی منشیات فروشوں کے خلاف کارروائی ٹرک میں لوڈ 3600کلو گرام بھنگ اور 2کپیاں شراب برآمد تفصیلات کے مطابق ڈی پی او گجرات رائے اعجاز احمد کی ہدایت پر گجرات پولیس نے منشیات فروشوں کے خلاف کارروائی کرتے ہوئے ملزم جمیل حسین سکنہ موہلہ سے 3600کلو گرام بھنگ اور ملزم طارق محمود سکنہ محلہ کریم پورہ لالہ موسیٰ سے برآمد کرلی اور ملزمان کے خلاف تھانہ صدر جلالپورجٹاں اور تھانہ سٹی لالہ موسیٰ میں مقدمات درج کرلئے گئے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری شہباز احمد کے بھائی چوہدری عرفان جو گزشتہ روز رضائے الٰہی سے وفات پاگئے تھے انکی روح کے ایصال ثواب کیلئے ختم قل گزشتہ روز انکی رہائش گاہ محلہ کریم پورہ گجرات میں پڑھا گیا
گجرات(جی پی آئی )ممتاز سماجی و کاروباری شخصیت و ضلعی صدر LPG ایسوسی ایشن چوہدری شہباز احمد کے بھائی چوہدری عرفان جو گزشتہ روز رضائے الٰہی سے وفات پاگئے تھے انکی روح کے ایصال ثواب کیلئے ختم قل گزشتہ روز انکی رہائش گاہ محلہ کریم پورہ گجرات میں پڑھا گیا ۔مولانا ندیم بشیر نقشبندی نے فلسفہ موت و حیات پر مفصل خطاب کیا اور دعائے خیر کروائی ۔ختم قل میں ممتاز سیاسی و سماجی شخصیات کی کثیر تعداد نے شرکت کی۔شرکت کرنیوالوں میں سیٹھ شہزاد اشرف تحصیلدار ریکوری آفیسر ،سیٹھ ندیم اشرف،سیٹھ کلیم اشرف،چوہدری نوید اقبال ہیرا،انسپکٹر(ر)چوہدری انور،مہر آصف سلیمی،سائیں اختر حسین،چوہدری ذوالفقار سلیمی آف سبحان ہوٹل،جاوید سراج،صوفی صفدر حسین،ارشد محمود آف عثمان گیس،منشاء الرحمان بٹ سنئیر انسٹرکٹر سول ڈیفنس،مہر رفاقت،مہر شارق،مہر اللہ داد،مہر شفیق احمد،منصور سلیمی،چوہدری ناصر حسین آف صوبر ڈرائی کلینر،بھولا بٹ،خرم بھٹی،وحید منظور،چوہدری سلیم،مختار احمد،مہر اشرف اور چوہدری اعظم کے علاوہ کثیر تعداد میں معززین نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈاکٹر طاہر القادری کی آمد کو روکنا یا نظر بند کرنا حکمرانوں کی خودکشی ہوگی ،سمیع اللہ وڑائچ
گجرات (جی پی آئی ) پاکستان عوامی تحریک ضلع گجرات کے صدر چوہدری سمیع اللہ وڑائچ نے کہا ہے کہ ڈاکٹر طاہر القادری کی آمد کو روکنا یا نظر بند کرنا حکمرانوں کی خودکشی ہوگی ، گجرات کی سرزمین پر قائد انقلاب کا تاریخ ساز استقبال ہوگا ، انقلابی کارکن گرفتاریوں سے ڈرنے والے نہیں اوچھے ہتھکنڈوں کا منہ توڑ جواب دیں گے ۔حکمرانوں نے قائد انقلاب کے استقبال کو ناکام کرنے کی سازشیں شروع کر رکھی ہیں لیکن انقلابی کارکن گرفتاریوں اور غیر اخلاقی حربوں کی پرواہ کیے بغیر تاریخی استقبال کرکے ثابت کردیں گے کہ قوم کا نجات دہندہ صرف ڈاکٹر طاہر القادری ہے حکومتی وزراء کے بیانات سے انکی بدحواسی اور بوکھلاہٹ صاف دکھائی دے رہی ہے۔ اگر موجودہ حکمرانوں نے عوام کے لیے کچھ کیا ہوتا تو ان کو پریشان ہونے کی ضرورت نہیں تھی انہوں نے عوام کو سوائے محرومیوں ، دکھوں کے سوا کچھ نہیں دیا اس لیے عوام کی نظریں طاہر القادری کی طرف لگی ہوئی ہیں اور قوم ڈاکٹر طاہر القادری کو نجات دہندہ سمھتی ہے۔ جو حقیقت میں عوام کے دکھوں، تکلیفوں کا مداوا کریگا۔ اور ان ظالم حکمرانوں نے غریبوں کا خون چوس چوس کر چہروں پر لالی لانے والے بددیانت ، کرپٹ حکمرانوں سے ہمیشہ کے لیے جان چھڑائے گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈاکٹر طاہر القادری کا گجرات کی دھرتی پر تاریخی استقبال کیا جائے گا،چوہدری مظہر اقبال دیونہ
گجرات (جی پی آئی ) مرکزی نائب صدر پاکستان عوامی تحریک چوہدری مظہر اقبال دیونہ نے کہا ہے کہ ڈاکٹر طاہر القادری کا گجرات کی دھرتی پر تاریخی استقبال کیا جائے گا۔ وفائوں کی سرزمین گجرات پر اہلیان گجرات ڈاکٹر طاہر القادری کا تاریخی استقبال کرکے ثابت کردیں گے کہ گجرات وفاشعاروں کا ضلع ہے۔ انہوں نے کہا کہ اب شیر کی سرکس کا وقت ختم ہونے والا ہے ، عوام سیاسی شعور سے اس جانور کو قید کر دیں گے ۔ ڈاکٹر طاہر القادری کی جدوجہد پاکستانیوں کی زندگی بچانے، غریبوں کے چہرے پر خوشیاں اور برابری کا نظام لانے، ظلم لوٹ مار کے خاتمہ اور آئین کی بحالی ہے۔ عوامی مسائل کا حل صرف انقلاب ہے جس کے تحت پاکستان پر اشرافیہ کے چند خاندانوں کی اجارہ داری ختم کر کے اختیارات اور وسائل کو نچلی سطح تک پہنچانا اور آئین پاکستان کو اسکی صیحح روح کے مطابق نافذ کر نا ہے ۔ہماری جدوجہد پر امن جمہوری اور آئینی ہے ہمار ے کارکنوں نے دنیا کو ثابت کر دکھایا ہے کہ وہ انتہائی پر امن ہیں لیکن اگر حکومت یا حکومتی مشینری کے ذریعے ہمارے کارکنوں پر تشدد اور لاٹھی چارج کرنے کی کوشش کی تو ہمارے پرامن کارکنوں نے چوڑیا ں نہیں پہن رکھی اب اینٹ کا جواب پتھر سے دیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکمرانوں کی قادری فوبیا ہوگیا ہے ڈاکٹر طاہرالقادری کی آمد سے حکمرانوں کی دن میں ڈرائونے خواب آرہے ہیں، سلیم رضا
گجرات (جی پی آئی ) پاکستان عوامی تحریک یوتھ ونگ گجرات کے ضلعی صدر سلیم رضا نے کہا ہے کہ حکمرانوں کی قادری فوبیا ہوگیا ہے ڈاکٹر طاہرالقادری کی آمد سے حکمرانوں کی دن میں ڈرائونے خواب آرہے ہیں ، نام نہاد جمہوریت کے چیمپئن حکمرانوں کو دن میں تارے نظر آجائیں گے ، ظلم و ناانصافی، کرپشن دہشتگردی کا خاتمہ انقلاب سے ہوگا، حکمرانوں نے اپنے ایک سالہ دور میں بدترین شخصی آمریت کا مظاہرہ کیا ہے قانون اور آئین پاکستان کو اپنے اختیارات تلے روندا ہے عوام کو ظلم و ناانصافی کی چکی میں پیس کر غریب اور مہنگائی کی دلدل میں پھینک دینے والے حکمران کس منہ سے ملک کی ترقی اور عوام کی خوشحالی کی باتیں کر رہے ہیں ، کرپٹ حکمران قومی وسائل کو دونوں ہاتھوں سے لوٹنا اور بے بس عوام کے خون کاآخری قطرہ چوسنا چاہتے ہیں ۔ لیکن اب بددیانت کرپٹ عوام دشمن حکمرانوں کے اقتدار کا سورج ہمیشہ کے لیے غروب ہونے والا ہے اب انکو جدہ یا بیرون ملک فرار نہیں ہونے دیا جائے گا ۔ انقلاب کا سورج طلوع ہونے والا ہے جو ان لٹیروں اور غاصبوں کا خاتمہ کرے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیر محمد عثمان افضل قادری امریکہ کے 17روزہ تبلیغی دورے کے بعد وطن واپس پہنچ گئے
گجرات(جی پی آئی) ممتاز مذہبی وروحانی رہنما پیر محمد عثمان افضل قادری ذیب سجادہ دربار عالیہ نیک آباد (مراڑیاں شریف) گجرات پاکستان امریکہ کے 17روزہ تبلیغی دورے کے بعد وطن واپس پہنچ گئے۔ انہوں نے اپنے دورے کے دوران سات امریکی ریاستوں واشنگٹن، ورجینیا، میری لینڈ، نیویارک، نیوجرسی، کنیک ٹیکٹ، پنسلوانیا کے مختلف علاقوں میں سترہ پروگراموں میں شرکت کی اور اہم موضوعات پر لیکچرز اور خطابات کئے۔ جبکہ مقامی اسلامی چینلز اور کئے اخبارات نے ان کے انٹرویو بھی کئے۔ اپنے دورے کے دوران انہوں نے روحانیت کے حوالہ سے مختلف محافل کیساتھ ساتھ ائیر اینڈ سپیس ودیگر اڈیٹوریم اور لائبریریوں کا وزٹ کیا اور امریکہ میں مقیم علماء کرام کے اجلاسوں میں تعلیم وتربیت کے نظام کو مزید بہتر کرنے کیلئے تجاویز دیں اور اجتماعات جمعہ اور مختلف استقبالیہ تقاریب سے خطابات کئے۔ واپسی پر اپنے تاثرات میں انہوں نے کہا کہ اسلام پوری دنیا پر تیزی کے ساتھ پھیل رہا ہے اور دنیا اس حقیقت کو سمجھ رہی ہے کہ اسلام ہی راہ نجات ہے اور اسلام ہی جسمانی معاملات کیساتھ ساتھ روح اور روحانیت کے متعلق مکمل رہنمائی کرتا ہے۔ انہوں نے بتایا کہ کئی ایک نو مسلموں نے میرے سامنے اس حقیقت کا اعتراف کیا ہے کہ وہ کلبوں اور میوزک میں سکون کے متلاشی رہے لیکن سکون دین اسلام پر عمل، نماز، قرآن مجید اور درود پاک سے ملا ہے، اور اسلام قبول کرنے سے جو راحت نصیب ہوئی وہ ناقابل بیان ہے۔ انہوں نے کہا کہ ضروت اس امر کی ہے کہ پاکستان میں صحیح اسلامی معاشرہ قائم کیا جائے۔ انہوں نے کہا کہ امریکہ میں مقیم پاکستانیوں نے اس بات پر سخت افسوس کا اظہار کیا کہ جب ہم پاکستانی چینلز لگاتے ہیں تو ہمارے بچے سوال کرتے ہیں کہ یہ اسلامی ملک کے چینلز ہیں جنہیں اسلامی اقدار کا خیال ہی نہیں۔ لہذا الیکٹرانک میڈہا سے گزارش ہے کہ وہ اپنے چینلز کو اسلامی اقدار کے موافق کریں۔
گجرات کی خبروں کی تصویری جھلکیاں
